應該有唔少朋友好似小編咁，做緊野嘅時候總試過有一刻想炒老細魷魚，拒絕受氣自己出黎「創業」。好可惜咁衝動往往都好難成功，即使你有一條好橋，但邊度又會有人肯打本俾你呢？「錢」－就係創業道路上第一個要解決嘅大難題。
前排小編上網搵創業資金資料時，唔覺意睇到原來唔只係小編嘅朋友，世界各地大部分創業家一開始都要靠朋友又或者屋企人借錢(俗稱 3F: Friends、Family、Fools)。原因係：「如果連你朋友同屋企人都信唔過你，你又點問投資者攞資金呢？尤其如果你係由零開始就更加難。」首先，除左你要抱住「我要做老闆」嘅一股「傻勁」創業之外，其實投資者仲要睇你條橋掂唔掂、你件產品正唔正、個 Business Model 得唔得、個 Proposal 靚唔靚、係咪真係賺到錢之外，佢地眼中最緊要其實係睇你個人同團隊的潛質，所以信譽同人際關係在創業路上真係好重要！
當然，朋友同屋企人關心嘅方向以至投資規模都同出面嘅投資者有天壤之別。不過小編場自細就比人灌輸「講錢失感情」嘅道理，究竟點先可以「集資」又避免失感情呢？以下有幾點小編覺得各位創業人士要 keep in mind：
大家都話創業係九死一生嘅賭注，借左錢分分鐘還唔到仲可能要倒蝕！但如果係合資經營，有份夾錢有股份，賺就一齊賺，蝕就一齊蝕，咁就可以分擔風險。小編聽講過有一家由十幾個 90 後嘅後生仔開的公司，集資過百萬，人雖然好多不過佢地個個都係 partner 有付出，有收穫就可以齊齊分啦。
私隱公署：數碼港資料外洩涉 5 項違規缺失 逾保留期限仍未刪除
如果 有父幹 有屋企人肯打本俾你創業，切忌攤大手板攞到盡！當然資金充裕可以解決好多問題，但係小編始終認為有得揀就借少好過借多，而且一早要俾定心理準備屋企人創業係長遠投資，一兩日冇可能睇到結果，而且仲有好多預計不到嘅事添。而借錢最好就係分段進行，方便得到「階段性成功」，到達一些預設目標嘅時候先至再「加注」，咁都係可以減低風險嘅好方法。
唔好以為人地俾左錢你，D 錢就入左你袋，人地對你同你公司有合理期望絕對好合理，因為佢地嘅錢不是奉旨俾你燒架！所以最好定時定候同佢地坐匯報下成個大計進度，老實講下你公司既營運狀況，唔理消息好壞都要交待一下，唔係你某日突然間同人講 D 錢蝕晒，嚇親人唔只仲可能會反面架！
「贏左 XX ，輸左個家，值得咩？」，大家都應該好清楚，屋企人或者由細玩大嘅朋友有幾重要，錢無左可以搵過，但係感情破裂就好難收科。雖然香港人向來都冇咩人情味，不過無可否認，做人好做工好，始終都係一隻手掌打唔響。而且創業致勝之道，不外乎因為佢夠人性化，同埋以人為本嘅處理手法嗎？
私隱公署：數碼港資料外洩涉 5 項違規缺失 逾保留期限仍未刪除
要創一番事業，當然大家仲有好多野要做，例如做 marketing research 睇下你個 idea 夠唔夠特別、有冇競爭對手又或者有冇失敗例子等等。另外，當然仲要有可以信賴嘅 partner(s) 啦，咁係創業路上就會比單打獨鬥好得多。其實上面講嘅好多都係創業初期嘅 common sense，不過好多時候人好容易會忘記初心，一時唔記得左好簡單嘅做人原則同道理。如果你咁好彩有朋友或者屋企人 support，不妨睇下上文提醒自己。但係如果你冇呢方面嘅經濟支持，唔緊要其實都仲有其他途徑嘅，例如可以申請數碼港創意微型基金 (CCMF)，6 個月內可以獲得港幣 10 萬現金資助，幫你落實你嘅大計。人人都會走一條唔同嘅路，尤其創業路上咁多變數，都係搵多 D 幫手好！
私隱公署：數碼港資料外洩涉 5 項違規缺失 逾保留期限仍未刪除
