VSCO Cam 一直以黎都係以英文為主要語言，不過剛剛係琴日既 iOs 版上更新左新支援既 9 種語言，包括：中文（簡體和繁體）﹑ 法文 ﹑ 德文 ﹑ 印尼文 ﹑ 日文 ﹑ 韓文 ﹑ 葡萄牙文 ﹑ 西班牙文同俄文。
更新支援既 9 種語言，除左係 iOS 版登陸之外，好快亦都會係 Android 版上更新。 VSCO 表示，隨住新加入語言支援，希望能夠更好咁照顧到美國以外 80% 既非英文母語用户；而且除左依家更新既 9 種外， VSCO 表示亦都準備緊將更多既語言加入 VSCO Cam 。依家 iOS 版同 9種更新語言就係第一階段，至於第三階段就係將擴大語言支援到 Android 版，以及再增加 4 種亦即係 13 種語言比所有 VSCO Cam 用户，當中包括荷蘭文 ﹑ 意大利文 ﹑ 馬來文同泰文。
多種語言既加入，其實就係為左應付 VSCO Grid ﹑ VSCO Journal 同埋 VSCO Collections 等等既功能。若然要將應用程式走向國際化，加入多種語言亦係必須既一步。
VSCO Cam iOS版： 請按此
來源： The Next Web
