知名盜版電影服務商 Popcorn Time 走法律罅就係人都知，但依然有好多用户選擇繼續使用 Popcorn Time ，皆因 load 得夠快夠順，而且啲戲又新同齊。不過，最近挪威當局就話長時間使用 Popcorn Time 用户準備收到個「驚喜 mail」，因為權益聯盟組織已經聚集左近五萬到七萬五名用户既使用數據。
而依家既問題，到底呢啲使用數據會被點樣處理？維權聯盟係合法允許監視懷疑係盜版既使用者，但並唔包括監控 IP 地址，因為咁樣做需要先經過法院申請允許通過互聯網服務供應商，以獲得背後既姓名同地址。照咁睇黎，維權聯盟似乎已經獲得批准。
而除左挪威之外，早前丹麥亦都逮捕左兩名男子，要求佢地解釋如何係佢地既網站上使用 Popcorn Time 。 Popcorn Time 自從推出以來，不足一年半就不停受到歐洲同美國當局既審查，反盜版團體一直都想盡辦法中斷 Popcorn Time ，然而 Popcorn Time 卻依然屹立不倒。
其實小編覺得用盜版電影串流服務就唔岩，但政府同維權團體竟然係針對用户而唔係創辦人同佢地既團隊，明顯就係馬死落地行，咁既行為都幾黑人憎。
來源： Torrent Freak
