之前一直間中傳出 Nokia 將會重回手機市場，不過他們的 CEO 一直都極力否認，但今日流出的傳聞，相信會令他們重回手機市場的傳聞更加確實。近日係微博就傳出 Nokia 將會係 2016 年再次推出手機的「第一機」C1 的渲染圖，從設計圖來睇，呢部手機睇落都幾靚仔喎！
據渲染圖來睇，C1 相信會採用一體成型設計，估計應該會用上塑膠外殼，而且會採用極幼邊框設計，估計手感應該都唔差。至於規格方面，傳聞會採用 Intel 處理器、2GB RAM、5 吋 720p 熒幕、800 萬像素主鏡頭及 500 萬像素前置鏡頭。至於作業系統方面，暫時未有相關消息，但相信採用 Android 的機款甚大。
當然，傳出渲染圖亦唔代表 C1 真係會面世，但之前 Nokia 都推出過 N1 平板（雖然只係少量市場推出，香港就未有行貨），今次究竟會唔會真係推出 C1 呢？筆者就好期待啦！而且從規格來睇，呢部 C1 應該都係主攻入門市場，睇落售價應該都唔會好貴，估計都係千零蚊貨仔。如果係咁平，唔知各位 wire 民係 Nokia 重返手機戰場個時，會唔會買番部支持下呢？
來源：新浪微博
HMD 發表 3 款 Nokia 功能手機 全部改用 USB-C 接口充電 Nokia 品牌智能手機將逐漸淡出市場 HMD 未來將只會推出自家品牌智能手機
