3 分鐘睇盡 iPhone 6s / 6s Plus 9 大重點

Apple 剛剛就發佈了全新的 iPhone 6s 及 6s Plus，當中除了有新色外，亦加入了多項新功能。而家就等 Edward 同大家用 3 分鐘總結兩部 iPhone 的 9 大重點啦！

一）新增玫瑰金色主攻女性

今次 iPhone 6s 及 6s Plus，除原有的太空灰、銀白及金色外，亦一如傳聞所言，加入玫瑰金色機款，明顯是主攻女性市場。唔知各位女性 wire 民對呢款新色 iPhone 又受唔受落呢？

二）採用更硬淨機身防拗彎

鑑於上代 iPhone 6 Plus 機身較大，較大機會出現機身拗彎的情況，今代 iPhone 6s / 6s Plus 均用上了早前已應用於 Apple Watch 的 7000 系鋁金屬作機殼，屬航空工業同一級數，相信應有助加強機身硬淨程度。

相關文章:

Tim Cook：中國是全球競爭最激烈市場 但仍看好 AI 能回復消費者信心

外媒指 Apple 下週或公開新 AI 6 月 WWDC 將有詳盡公佈

挖角多名 Google AI 專家 Apple 瑞士蘇黎世設神秘實驗室

三）3D Touch 熒幕加壓感更多操控方法

今次 iPhone 6s / 6s Plus 的熒幕，一如之前所料加入 Taptic Engine，官方未有言明是 Force Touch 熒幕，反而改了個新名：3D Touch 熒幕，唔止支援壓感，仲新增 Peek 及快速動作兩項新功能，令大家手指唔洗離開熒幕都可以開啟目錄、預覽相片網頁、甚至唔洗開 APP 已開直開自拍鏡頭、瀏覽 Maps APP 地址、選擇聯絡朋友方式等，功能超強！

四）鏡頭終於肯升級至 1,200 萬 / 500 萬

其他手機廠都已經將主鏡頭像素升級至逾千萬，雖然成像質素未必與像素高成正比，但維持了數代的 800 萬像素 iSight 鏡頭，亦是時候升級了。Apple 今次就將 iSight 鏡頭一口氣提升至 1,200 萬，而且支援 4K 影片攝錄。此外，前置鏡頭像素亦提升至 500 萬，更加入 Retina 補光燈功能，在較暗環境下可以利用熒幕打光作補光用。

 

五）加入 Live Photo 相片變短片

此外，攝影模式方面 Apple 亦有所加強，加入全新的 Live Photo 功能，令大家拍攝 1,200 萬像素相片時，可以變成一段幾秒的有聲短片，令相片變得更生動。Apple 表示 Live Photo 亦支援上載至 Facebook 與朋友分享，不會上載後變成靜態相片。

六）全新 Touch ID 感應更快

iPhone 6s / 6s Plus 亦採用升級的 Touch ID 指紋辨識器，據 Apple 表示比上代解鎖辨識速度上會快上兩倍。

 

相關文章:

Tim Cook：中國是全球競爭最激烈市場 但仍看好 AI 能回復消費者信心

外媒指 Apple 下週或公開新 AI 6 月 WWDC 將有詳盡公佈

挖角多名 Google AI 專家 Apple 瑞士蘇黎世設神秘實驗室

七）採用全新 A9 處理器效能更快

效能上，Apple 在 iPhone 6s / 6s Plus 上亦採用了全新的 Apple A9 處理器，它是 Apple 第 3 代的 64-bit 架構處理器，據官方表示比上代快了最多 70%，而在圖像處理器上亦比上代快了最多 90%。它亦與過往的處理器一樣，內建了 M9 處理器，集中處理手勢或動作。

八）支援 23 頻段 LTE 世界通行

另外，iPhone 6s / 6s Plus 亦支援更多 4G LTE 頻段，達到 23 段，此外亦加入支援 LTE-A 網絡，下載理論值最高可達 300Mbps，令大家去到世界任何地方，只要有 4G 網絡就可以快速連上互聯網。

 

九）12/9 開始預售 + 25/9 正式發售

有心入手的 wire 民要留意了，iPhone 6s / 6s Plus 香港及中國均會是首發國家或地區，而且均會在 9 月 12 日下午 3 時開始接受預訂，而正式發售日期則是 9 月 25 日。

唔想睇字 ? 我地 unwire 都有片

相關文章:

Tim Cook：中國是全球競爭最激烈市場 但仍看好 AI 能回復消費者信心

外媒指 Apple 下週或公開新 AI 6 月 WWDC 將有詳盡公佈

挖角多名 Google AI 專家 Apple 瑞士蘇黎世設神秘實驗室

(耐心等候 Loading ..)

相關文章:

Tim Cook：中國是全球競爭最激烈市場 但仍看好 AI 能回復消費者信心

外媒指 Apple 下週或公開新 AI 6 月 WWDC 將有詳盡公佈

挖角多名 Google AI 專家 Apple 瑞士蘇黎世設神秘實驗室