最近唔夠瞓變咗熊貓眼，無論敷幾多 mask 同塗幾多眼霜都好似無咩用咁。本來想用導入機幫幫手，但個導頭又太大，唔貼眼。好彩俾我搵到呢支 MyB 離子導入按摩美眼筆，細細支夠方便！而家就同大家分享下試用感受啦。
離子導入加速眼霜吸收
叫得美眼筆設計都喺針對眼部護理，所以頂部嘅圓球導頭，只有 1 毫子咁大，方便貼近眼肚、眼尾等皮膚。使用時導頭會產生離子，就好似一部迷你導入機一樣，將眼部精華嘅營養成分深層導入肌膚，等精華嘅功效發揮得更好。同時，導頭會產生生物微電流，有拉提作用，可以改善浮腫同消除眼紋。
▲ 美眼筆只有一隻手掌咁長，而且入一粒 AAA電就用得，可以放喺手袋隨時用，非常方便。
低頻按摩緩解疲勞
另外，美眼筆每秒會發出 200 次微震，可以針對眼部細位進行按摩，緩解雙眼疲勞。筆形設計可以輕易控制按摩力度，點壓、打圈或者拖拉都好就手。而且只有一隻手掌咁長，仲要入一粒 AAA 電就用得，可以放喺手袋隨時用，非常方便。
▲ 筆仔細細，除咗針對眼部護理，頭痛嘅時候仲可以用嚟按壓穴位添！
依莉詩：「細細支夠方便！」
其實用導入棒塗眼霜唔喺新鮮事，而離子同生物微電流都喺感覺唔到嘅野，用完黑眼圈淡咗喺因為夠瞓咗、精華嘅作用定美眼筆嘅作用就真喺唔知。不過肯定嘅喺，用美眼筆代替手指塗精華就唔怕俾手指吸收晒啲精華浪費咗。另外，佢震動按摩功能對於長時間對住電腦工作嘅我好有用，細細支放喺手袋，眼攰可以隨時用。除咗針對眼部護理，頭痛嘅時候仲可以用嚟按壓穴位，舒緩痛楚添！
售價：$258
查詢：MyB HK Kwun Tong warehouse（5114 7826）
分享到 :
最新影片
