如果講起智能手錶，相信應該好多人都識得 Pebble 呢個品牌吧。今日 Pebble 又有新搞作，推出旗下首款採用圓形錶身嘅智能手錶 Time Round，同 Time 一樣採用彩色 e-paper 熒幕，並設有多種顏色錶帶。官方聲稱係市場上最輕最薄嘅智能手錶，售價為 US$249.99（約 HK$1,950），預計 6 至 8 星期後出貨。真係好型仔，大家會想買嗎？
不過要注意嘅係同之前嘅 Pebble 手錶相比，Pebble Time Round 電量只能使用兩日，不過就只需要 15 分鐘就可以充滿電，真係食餐飯嘅充電時間就夠用兩日，都算唔錯。至於功能上就同 Pebble Time 系列手錶大致相同，而錶帶就採用皮革物料，戴係手直頭係潮物！
來源：Pebble
