相信唔少人對 FUJIFILM 即影即有嘅認識都喺停留咗幾年前主打糖果色嘅 mini 8 ，當時幾乎個個女仔都想要一部。就喺一群貪新鮮嘅港女買落嘅相紙都差唔多過期嘅時候，今日 Fujifilm 宣佈推出新機 Instax mini 70，並喺 10月23日登陸香港，到底會唔會再一次令各位港男破產呢？ 就等我依莉詩話俾大家知啦！
今次 mini 70 再唔喺用女仔摯愛嘅糖果色系，亦唔喺用文青必備嘅經典黑銀機身，反而用上充滿時尚感嘅冰島藍、金絲雀同月光白等。而我就覺得除咗月光白比較討女仔歡心外，其餘兩隻色可能比較適合潮人。不過 mini 70 機身比較輕巧，而且線條簡單利落，拎上手感覺都幾好，仲好易搵到個掣影相添！ (最起碼唔會當咗個開關掣喺影相掣)
▲ mini 70 本身有 6隻色，而最先推出嘅會喺月光白、冰島藍、金絲雀。
▲ 就算開機後，厚度都可以接受。
mini 70 主打自拍，所以鏡頭旁就已經設置咗自拍鏡，唔洗再額外加鏡。我試過就覺得佢準過外加鏡好多，真係做到睇到塊鏡喺咩，影出嚟就喺咩，減少咗好多自拍失敗嘅機率。另外，mini 70 新增咗自拍模式，會自動調整自拍所需嘅理想光度同拍攝距離，影出嚟都靚 D。
▲ 鏡頭旁設置咗自拍鏡，唔洗再額外買。
▲ 用咗自拍模式 (右) 影出嚟，比起用普通模式 (左) 影，面部放大咗，皮膚輪廓亦明顯咗。
【實試】Fujifilm Instax mini 99 玩光影效果 有玩味的即影即有相機 網絡爆料 Fujifilm GFX100S II 聯同 X-T50 無反相機 5 月中發表 慶祝品牌成立 90 週年 限量版 Fujifilm X100VI 中國消費者有額外著數
同樣 mini 70內置微距拍攝鏡頭，唔洗再加微距鏡先影到近拍。當近距離拍攝時，觀景器嘅視野會被切換用於微距拍攝，攝影效果亦更接近親眼所見，更易掌握攝影成效。另外，鏡頭嘅拍攝距離可由 30cm伸展至無限遠，所以影風景嘅線條嘅很清晰。
雖然話 mini 70 喺為咗改善畫質，設有智能曝光系統 同 Hi-Key Mode。喺燈光微弱嘅環境影相，閃光燈會因應場景釋放適當閃光量同自動調較快門速度拍攝，而用咗 Hi-Key Mode 相機亦會攝入更高嘅吸光量，拍攝出比平日更光亮潤澤嘅膚色。不過，喺背光同昏暗環境自拍仍然有爆光情況，看來仲未可以擺脫到即影即有嘅死穴。
▲ 閃光燈會因應場景釋放適當閃光量同自動調較快門速度拍攝。
無可否認，今次 mini 70 比起 mini 8 更加方便自拍，除咗唔洗額外加自拍外，自拍模式影出來面部輪廓亦清晰咗。影微距同風景時又有得自動切換，唔洗拆走個微距鏡，去旅行影相都方便咗。不過，今次喺畫質上嘅進步唔太大，背光同昏暗環境自拍仍然有爆光情況，而且無咗糖果色系，相信未必會吸引到人換機。睇嚟我都要諗下 D 快過期嘅相紙點解決啦！
【實試】Fujifilm Instax mini 99 玩光影效果 有玩味的即影即有相機 網絡爆料 Fujifilm GFX100S II 聯同 X-T50 無反相機 5 月中發表 慶祝品牌成立 90 週年 限量版 Fujifilm X100VI 中國消費者有額外著數
