Vcity 間薯蛋頭餐廳開咗幾個月，已經無人排隊。正當以為熱潮已過的時候，薯蛋頭夫婦竟然來到 MCP新都城中心同大家歡度聖誕。今日我依莉詩就去咗探下佢地啦！
▲ 去到大堂，薯蛋頭夫婦已經戴上聖誕帽準備同大家大玩遊戲。
▲ 兩隻大薯蛋頭下面仲有兩隻細薯蛋頭放便大家影相。
▲ 另外仲有一隻表情好生鬼架添！
影完相，就事不易遲去做任務啦！話說薯蛋頭先生誤觸「回收吸管」的啟動按鈕，他的五官被通通吸走，欲哭無「眼」的薯蛋頭先生頓時徬徨無助。所以薯蛋頭太太就邀請你接受特「薯」任務，幫忙拯救薯蛋頭先生，整個拯救行動將被拍攝，讓各「薯」粉可隨時重溫及分享予好友們。
另一邊廂，慌失失的薯蛋頭先生又把自己的眼、耳、口、鼻、手、腳跌個滿地！今次要以特製電動大吸管將道具薯仔吸進收集籃內，限時 1分鐘內成功收集至少 5粒薯仔就能還原完整的薯蛋頭先生，獲得滿分開心！
薯蛋頭夫婦除了愛分享歡笑，更希望於普天同慶的聖誕節將愛分享給更多人。只要即場捐款 HK$10元正予膳心連基金，就可以得到薯蛋頭先生聖誕限定 postcard 一張。你可以用場內的薯蛋頭先生印章自由蓋上五官及配飾，印出自己的薯蛋頭。
薯蛋頭夫婦一直形象百變，今次薯蛋頭夫婦將上演精彩時裝展展出多款特別造型的薯蛋頭夫婦 Figure。如果睇到心癢癢想自己設計獨一無二的薯蛋頭，由12月19日開始，每逢星期六、日將會開辦【一人一薯製作室】，會有過百款薯蛋parts，讓你從頭到腳打造一隻獨一無二、專逗你開心的薯蛋頭先生！
▲ 聖誕老人版的薯蛋頭非常搞笑，D 鬚好唔襯佢啊！
▲唔知你又有無印象？
▲ 呢隻就係我設計的薯蛋頭啦！係咪好特別呢？
如果要講影相位其實唔多，得台上嗰 4隻比較吸引。不過今次就有好多互動元素，玩完特薯大任務仲可以下載番玩緊的片，睇番自己跑嚟跑去真係好搞笑。所以就算唔係薯蛋頭 fans ，一家大細都可以去玩下。
聖誕氣氛 ★★★★☆
必影指數 ★★☆☆☆
必玩指數 ★★★★☆
日期：2015年11月16日至 2016
地點：MCP 新都城中心 2期 L1 天幕廣場
