Acer 旗下電競系列副品牌 Predator 今日於香港舉行發佈會，推出一系列打機產品，包括 Predator 15/17 筆電、Predator 8 平板。Predator 15／17 分別為15吋和17吋的電競筆記本電腦。內置強效散熱系統，並搭置獨家 Cooler Master 可更換風扇，最多可增至三個風扇。想知用 Predator 係咪好玩得多？繼續閱讀以下文章！
同 Predator 8 一樣，Predator 15/17 機身以不同的三角形銳角堆砌，濃厚的戰鬥風格。雖然外表夠晒型，但依部重量級打機筆電重達 3.95kg (Predator 17)，相信用家都少會帶出街用。插口方面十分齊全，包括支援第二代 USB 3.1 的 Thunderbolt 3 、HDMI、DisplayPort、4個 USB 3.0 ，其中一個更支援 Power-off charging。
▲插口方面十分齊全，包括支援 Thunderbolt 3 、HDMI、DisplayPort、4個 USB 3.0 ，而其中一個更支援 Power-off charging
鍵盤上方中央位置為倒三角形開關制，好有型。Predator 用上標誌性嘅預設紅色背光鍵盤，左邊有一排五個的情境設定鍵，用家亦可自訂不同區域的鍵盤背光，TouchPad 旁有一粒 TouchPad 的開關制，可以防止打機時誤觸，遊戲過程更加暢順。仲有一個籮文覺得最霸氣的功能，就係用家可以將勝利畫面另存成開機畫面，每次開機都可以享受光榮一刻。
▲鍵盤上方中央位置為倒三角形開關制，好有型
▲Predator 用上標誌性嘅預設紅色背光鍵盤，左邊有一排五個的情境設定鍵，用家亦可自訂不同區域的鍵盤背光
▲TouchPad 旁有一粒 TouchPad 的開關制，可以防止打機時誤觸
Predator 15/17 簡直可以稱為散熱之王，機身後方有三角形特大散熱孔，除咗內置風扇，仲搭載 Cooler Master 可更換風扇，如 CD Drive 可以換成 Predator Cooling Frostcore 散熱器，最高可以增至三個，可以大幅降低進行高耗能遊戲時的機身溫度，過熱導致窒機甚至 Hung 機嘅情況唔會再出現。風扇強嘅同時就要防止筆電變咗吸塵機，所以 Acer 有 DustDenfender 風扇組與 CoolBoost 冷卻技術，減少入塵之餘，提升 CPU 及 GPU 效能。
▲Predator 15/17 簡直可以稱為散熱之王，機身後方有三角形特大散熱孔
▲反轉機底，仲有警告字句，提防燙手呀
▲CD Drive 可以換成 Predator Cooling Frostcore 散熱器
可以見到 Predator 機邊有喇叭，反轉部機亦可以見到有重低音喇叭，原來多得 Predator SoundPound 技術將喇叭表現優化，而顯示方面除咗17.3吋 IPS FHD 1920×1080 光度十足的螢幕外，支援 NVIDIA G-SYNC 技術，透過將外置顯示器刷新率同步至您配備 GeForce GTX 電腦中的 GPU，並排除畫面撕裂與降低螢幕跳動與延遲，畫面就變得超流暢。
▲可以見到 Predator 機邊有喇叭，反轉部機亦可以見到有重低音喇叭
可更換式風扇係一個創新技術，相信唔係個個 Gamer 都需要 CD Drive，只要裝上多一個風扇，可以大幅降低進行高耗能遊戲時的機身溫度，提升 CPU 及 GPU 效能，打機一定爽好多。雖然價錢係較貴，但為咗打機時可以完全投入享受，依個價係值得俾。
| Predator 15 | 售價：$20,998 | |
| Predator 17 | 售價：$22,998 |
