樂視今日公佈一系列產品，除咗最令人關心嘅英超 Plan，仲有兩部全金屬機身手機，Le Max 與 Le 1s，同埋估佢唔到出一個 3D 頭盔，早前 Edward 同大家評測咗樂 Max 及 樂 1s ，現在等蘿文於現場跟大家回顧一下

兩兄弟都有全金屬機身

Le Max 及 Le 1s 擁有一體化全金屬機身，與時並進，兩部都支援 USB Type-C。同時採用超窄邊框設計，雖然籮文手持時數次誤觸螢幕，但美感實在可以搭夠，加上機邊有亮邊切割，更令機身感覺華麗。

▲機邊有亮邊切割，更令機身感覺華麗 (上圖為 Le s1)

▲兩部都支援 USB Type-C (上圖為 Le Max)

樂視 LIVE 桌面 可以同時直播三個視頻

Letv 手機使用嘅 eui 介面內置「LIVE 桌面」App，用家當然可以用黎睇 Letv，但最獨特之處係能夠同時播放 3 個直播視頻或輪播節目，未來 Letv 直播英超，用家就可以同時睇幾場，賽況一目了然！

6.33 吋大屏幕旗艦 － 樂 Max

年中嘅時候 Edward 就到過北京測試過 Le Max ，Max 係 Letv 擁有最高規格的手機，6.33 吋 2K 解像度屏幕，Qualcomm Snapdragon 810 處理器及4Gb Ram，黎到香港發佈，本身咁高規格賣四千幾蚊都好合理，點知仲要送埋英超組合，真係幾抵。

超窄邊框 2K 大屏幕

Le Max 擁有 6.33 吋 2K 大屏幕，解像度為 2560 x 1440，像素密度達到 464 PPI，除咗細緻度高之外，色彩表現都尤其好，有 90% NTSC 色域。對於以電視起家嘅 Letv 黎講，螢幕絕對係一大重點項目。兩部機都同時採用超窄邊框設計，Le Max 嘅邊更加幼達 0.8 mm，但籮文手持 Le Max 時試過幾次誤觸螢幕，但超窄邊框用作睇片用就真係 Perfect 池。

▲用 Le Max 睇返 Letv 自家製嘅「天才在左」劇集，畫面非常細緻，亮度非常充足

▲睇下，色彩表現都非常唔錯，連應采兒頭髮顏色嘅漸變都睇得好清楚，而且屏幕條邊框真係好窄

Mon 大 好在框夠幼 手感幾好

全金屬機身造工唔錯，所有細節都有花心思，機邊有閃令令嘅亮邊切割，遮住個 Logo 嘅話都真係估唔到係國產機。雖然個 Mon 有成6.33吋，但好在個框夠晒幼，機身面積唔算好大令籮文覺得手感還可以。要提一提的係 Max 有一個類似 iPhone 的靜音鍵。

▲所有細節都有花心思，機邊有閃令令嘅亮邊切割，而 MicroUSB Type C 位於機底

▲機頂有 3.5mm 耳機孔

▲右側入 Sim Card 及 MicroSD Card，還有開關制。

▲ 左側有靜音鍵及音量鍵

2,100 萬像素相機 真係唔錯

Le Max 用上 Sony Sensor IMX230，解像度高達 2,100 萬像素，高像素當然可以拍到細緻影像，而且 Max 用上 6 鏡片結構，吸光量大大增加，加上有 OIS 光學防手震，就算係陰暗環境拍照都冇咁影鬆郁矇。而前鏡頭就有 400萬像素，但每顆像素都係 2.0um 超大像素，即係類似 HTC 嘅 UltraPixels 技術，加上有 F2.0 大光圈，進光量提高，就算得 400 萬像素都可以影到靚 Selfie。

▲測試相片：睇到就算咁細粒文字都可以清?拍得到，連紙張嘅紋路都拍下來

▲測試相片：光暗對比非常大時，天花的圖案都清?見到，動態範圍都頗大，但左面牆壁就因為實在太暗而變得黑色一團

 

▲測試相片：另外可以見到 Max 都可以形造出淺景深效果

指紋快而準 仲可以當快門

Le Max 機背有一個方型的指紋辨識器，可以用作解鎖及快門，登記指紋過程只需要連按 6,7 下就完成。而且解鎖速度幾快，不需要按開關制，直接將手指按在辨識器上 1 秒左右就解到鎖，方便快捷

▲Le Max 機背有一個方型的指紋辨識器，可以用作解鎖及快門

 

▲登記指紋過程只需要連按 6,7 下就完成

除咗普通版 仲有藍寶石版

Letv 同時推出 Le Max 藍寶石版，玻璃用藍寶石打造以成。每部藍寶石版都配備手工打造牛皮保護套，配合粉色金屬設計發奢華包裝。普通人想買係唔得嘅，因為要受 Letv 邀請嘅尊貴客戶先可以買到。

平民價之選 － 樂 1s

其實早於 10 月 Edward 就直闖北京見過 Le 1s 嘅真身，詳細評測可以參閱返 Edward 篇文。Max 就用大芒黎做招徠，規格較低的 Le 1s 就以 5.5 吋屏幕、1,300 萬像素相機，打平價機市場，同 Max 一樣有全金屬機身設計，Le 1s 外表一啲都唔似平價。

▲一手掌控好輕鬆

▲指紋器用上鏡面設計，成為此機的象徵

▲雖然冇 Max 嘅 2K Mon 咁清，但係5.5吋有 Full-HD，就算仔細睇文字都唔見顆粒感

▲螢幕色彩豐富，而亮度更加突出，有500 nits 的亮度

▲機面標榜對稱設計，所以500萬像前鏡頭位置會有啲似 Baymax

▲主攻入門機市場，用上 MTK Helio X10 Turbo 2.2GHz 八核心處理器、3GB RAM、32GB 內置儲存空間

買機送英超！

想睇英超就一定要用 Letv 嘅「樂視生態」產品，例如電視、手機、盒子、Apps 等，而 Le Max 同 Le s1 都會以套餐形式發售， Le Max 將會售 4,499 港元，送英超狂睇組合一個球季及 12個月樂迷99狂睇組合（即其他娛樂節目），而 Le 1s 則有三個價錢，分別為＄2,999 （英超狂睇一個球季，12個月樂迷99）、＄1,999 （英超狂睇 3 個月，6 個月樂迷99）及＄1,499（只有3個月樂迷99，而沒有英超）。兩機將會於 12月9日 接受登記，2016年1月13日就會於 LeMall.com 開售，頭 11,000 名成功購買的客戶會額外獲贈 3 個月英超狂睇組合。