潮流手錶品牌 Fossil 早在 2014 年就宣佈會夥拍 Intel 和 Google 推出智能手錶，最近 Fossil 更進一步，以 2.6 億美元（約 20 億港元）收購運動追蹤器生產商 Misfit，今次終於見到 Fossil 第一隻 Android Wear 的真面目，想知有什麼好玩就請閱讀以下文章。
鋼料錶身 錶帶可換
Q Founder 是 Fossil Q 時尚智能配飾系列第一隻 Android Wear，由 Fossil 與 Intel 共同設計，所以在錶身背面亦可以見到 Intel Logo。用上鋼料機身，錶帶有鋼帶，皮帶兩款，亦可以自行另配其他 22mm 錶帶。這款由時尚品牌設計的比其他手機廠或電子產品廠設計的智能錶少一份科技感，但多一份時尚感，遠睇會以為係普通鋼錶一隻，開啟屏幕先會有驚喜。
▲用上鋼料機身，錶帶有鋼帶，皮帶兩款
▲亦可以自行另配其他 22mm 錶帶
▲好多款式可供選購
附送無線充電座，真係無線？
買 Q Founder 隨錶附送一個精美的白色 cushion 錶托，原來仲係一個無線充電座，點樣無線法？設計非常方便，只需要將手錶套到無線充電座上，再將無線充電座接上 MicroUSB 電源就可以，所以手錶與充電座之間是無線，但充電座就要用 MicroUSB 線接上電源。籮文覺得依個叉設計比其它智能手錶都美觀好多。
▲買 Q Founder 隨錶附送一個精美的白色 cushion 錶托，原來仲係一個無線充電座
▲設計非常方便，只需要將手錶套到無線充電座上
▲再將無線充電座接上 MicroUSB 電源就可以
相關文章:
【評測】Huawei WATCH GT 5 Pro 開箱評測 外觀高貴漂亮 + 功能極齊全 + 高爾夫模式專為愛好者訂制 + 情緒管理精準好用 + 電量超長氣可一周一充 Huawei Watch GT5 / GT5 Pro 馬拉正式發佈 同場加映 Watch Ultimate 全新顏色綠野傳奇版 Huawei 宣佈推出 Watch GT5 系列 同場加映新血壓錶 Watch D2 + TruSense 玄璣感知系統
獨家 Fossil 錶面
Q Founder 內置幾款 Fossil 獨家錶面，某啲錶面仲可以自己定制界面，就例如籮文最鍾意嘅依個 Fossil Classic 錶面，除咗可以自訂錶盤顏色、指針顏色、字型等，錶盤預設有三個小錶盤顯示天氣、電量及落杉機時間，用家可以自訂為其他參數，可以一邊 Show Off Fossil 手錶嘅復古外觀同時可以緊貼最新資訊。
▲Q Founder 內置幾款 Fossil 獨家錶面，依個好似太花巧
▲某啲錶面仲可以自己定制界面，就例如籮文最鍾意嘅依個 Fossil Classic 錶面
▲錶盤預設有三個小錶盤顯示天氣、電量及落杉機時間
▲可以自訂錶盤顏色、指針顏色、字型等
▲睇下籮文設計嘅 Wacth Face！
低耗電 Intel Atom 處理器 但冇脈膊感應器
Q Founder 用上低耗電 Intel Atom 處理器，官方表示 Q Founder 使用時間可以去到 24 小時。雖然冇脈膊感應器，但內置 Activity Tracker，可以讓用家知道自己的步行數目、跑步等運動數據。亦有溫度計，可以偵察現場溫度，用家都可以透過內置 Mic 去用 Google Now 服務。
▲Q Founder 用上低耗電 Intel Atom 處理器，官方表示 Q Founder 使用時間可以去到 24 小時。
籮文：「手錶品牌出 Android Wear 係靚仔啲喎」
這款由時尚品牌設計的比其他手機廠設計的智能錶少一份科技感，但多一份時尚感，機身固然係鋼水足，錶面設計亦有好大自由度，最令人欣賞的是無線充電座，可以免得用家要充電線接駁手錶咁零亂咁有礙觀瞻，返到屋企只要放低隻錶落個座度就可以一邊充電一邊展視依隻美感度 9 分的 Android Wear（扣 1 分係因為佢竟然有同 Moto 360 一樣嘅黑色下巴… 真係美中不足 ）。
▲佢竟然有同 Moto 360 一樣嘅黑色下巴… 真係美中不足
Q Founder 不銹鋼版 售價： $2,450
Q Founder 皮革版 售價： $2,350 （2016年1月中發售）
查詢：Fossil (2468 2952)
相關文章:
【評測】Huawei WATCH GT 5 Pro 開箱評測 外觀高貴漂亮 + 功能極齊全 + 高爾夫模式專為愛好者訂制 + 情緒管理精準好用 + 電量超長氣可一周一充 Huawei Watch GT5 / GT5 Pro 馬拉正式發佈 同場加映 Watch Ultimate 全新顏色綠野傳奇版 Huawei 宣佈推出 Watch GT5 系列 同場加映新血壓錶 Watch D2 + TruSense 玄璣感知系統
分享到 :
最新影片
