唔知讀者有無發現依莉詩失蹤咗成個星期呢？並唔係我懶唔出文呀，只係因為年尾要清假去旅行啊！而咁啱出發前 CASIO 推出咗最新的自拍神器 EX-TR70，於是我就借咗嚟用，依家就同大家分享下我的旅行自拍體驗啦！
夠薄但拎上手頭重尾輕
今次呢部 TR70 外型以「原石」作為設計概念，比上一代方咗，鏡頭旁以幾何菱形切割裝飾，而色系亦由糖果色轉成金色、桃紅色、白色三種經典色，非常時尚，估計呢部機比較適合愛潮愛時尚的女性，我還是比較喜歡粉色系的 TR60 呢！另外，TP70 聲稱係 CASIO 歷代最纖薄的機種，淨機身重 128g，比起 DC 仔更薄更輕，放係衫袋隨時拎出嚟影相都幾方便。不過因為斜形設計，鏡頭一邊比較重，拎上手有 D 頭重尾輕，手感無 TR60 咁好。
▲ 機身顏色有金色、桃紅色同白色三種經典色選擇，配合流線外框設計，非常時尚。
▲ 鏡頭以幾何菱形切割做裝飾，比之前方一 D 。另外，鏡頭旁的內置補光燈溫和，自拍時唔會輸出刺眼的光影響表情。咁就算係昏暗環境下自拍都唔洗外加自拍燈了。
▲ 至於開關鍵由螢幕上方改到機的頂部 (因為頂部較重，我成日調轉部機揸，搵唔到個鍵呢！)
▲ 而機下方隱藏住一個快門鍵，輕按用作對焦，大力按就可以拍攝。不過我的手指公太短，呢個鍵好似無點用過。
▲ 因為鏡頭一邊比較重同厚，拎上手好似頭重尾輕咁，手感無 TR60 咁好。
Selfie Pad 不再好用，幸好還有「一拉即拍」同「揮手自拍」功能
要稱得上自拍神器，自拍一定要就手先得，雖然 TR70 同上一代一樣有「Selfie Pad」，可以用手指滑動框上的輕觸式操作系統，單手操控相機，不過今次「Selfie Pad」由延伸外框改到機身。如果要用就一定要打開延伸外框，但如果揸住外框，手指就唔夠長控制「Selfie Pad」，所以我還是鍾意上一代的設計呢！既然「Selfie Pad」變得唔再就手，我係旅途中大多數用「一拉即拍」倒數功能同「揮手自拍」自拍，只要輕輕一拉就可以選擇 1-10秒倒數或者擺手勢就可以單手自拍。
▲ 可能我自拍技巧唔太好，使用「Selfie Pad」充當快門時，經常影到自己隻手指呢！
▲ 雖然「Selfie Pad」變得唔再就手，不過佢仍然可以作為「Selfie Art」設定、變焦控制或快門控制，唔洗從選單設定。而「Selfie Art」同上一代一樣提供 6 種自拍藝術風格，包括優雅、唯美、仙境、懷舊、艷麗及1:1正方形照片，等大家可以即拍即上傳照片到 Instagram，非常方便。
▲ 如果想拎住食物或其他嘢自拍，仲可以打開延伸外框，將相機放係枱面自拍呢！
相關文章:
Casio 推出全新手錶戒指 外觀儼如小型 G-Shock 可顯示時間兼計時 柴犬主人們注意 Casio 推出柴犬主題 G-Shock 三款配色選擇 Casio 與 Sanrio 合作推出 Hello Kitty 50 週年特別版 G-SHOCK 手錶
粉紅嫩肌呈現白裡透紅
講咗咁多外型設計上的改變，係時候講下功能上的分別，TR70 主要加咗「粉紅嫩肌」美顏模式，等自拍時面部唔會一尾死白，更會有白裡透紅的粉嫩氣色，拍出來更神采飛揚。至於美顏模式其實同上一代分別不大，都係有 12 級美白或古銅膚色及平滑肌膚軸，而我多數都用 3級美白同 6級平滑肌膚，感覺都幾自然。另外，美顏效果今次應用至影片，同樣可以選擇自己喜歡的「肌膚平滑度」和「膚色」拍攝，咁就唔怕相同片係兩個人啦！仲有新加「一鍵動畫」，只需按住按鈕錄影，放開手停止拍攝，再重覆錄拍，就會自動合成一段 6秒、10秒或 15秒的連貫小短片，唔洗拍完幾段再係手機用美拍剪裁就可以直接將小短片直接方上社交網站，非常方便。不過要注意的是如果拍完一小段環境，想轉方向拍下自己的話，相機係唔識轉向，要自己反轉部機揸啊！
▲ 我多數都用 3級美白同 6級平滑肌膚，感覺都幾自然。
▲ 粉紅嫩肌的美顏模式可以令皮膚白裡透紅，用係大頭自拍就最啱，不過如果影全身的話，會發現背景顏色都轉埋呢！
創意模式拍出特別效果
去旅行一點可以一尾自拍，當然仲會影下美食、風景，其實呢個系列嘅機一向都有多個創意濾鏡，平時可能少講 D ，不過我覺得幾實用，可以睇下以下示範。
▲食物模式下對比度高咗，大阪燒上的食材明顯咗，睇落更吸引。
▲ 用水晶球模式影紅葉別有一番風味呢！
▲ 星形模式可以令聖誕燈式變得更夢幻。
▲ 估唔到影 Gel 甲都有指甲模式，影出來手指修長同白滑好多啊！
依莉詩：「夜景、微距都得，適合旅行做副機」
TR70 係硬件上同上一代沒太大升級，同樣用 1/1.7吋
▲ 對於懶得校光圈快門的我，TR70 的 Auto mode 測光都唔錯，一影就影都呢個效果算係咁。
▲ 如果跟求大光圈的話，景深方便好似唔係好夠。
▲ 如果 zoom 到最遠會影到這樣的效果。
▲ 影模型都幾清晰。
▲手持影燈飾效果都唔差架！
建議零售價: HK$7,880
產品查詢: 捷成消費品 (2926 2300)
相關文章:
Casio 推出全新手錶戒指 外觀儼如小型 G-Shock 可顯示時間兼計時 柴犬主人們注意 Casio 推出柴犬主題 G-Shock 三款配色選擇 Casio 與 Sanrio 合作推出 Hello Kitty 50 週年特別版 G-SHOCK 手錶
分享到 :
最新影片
