上年一部 Instagram 樣的數碼 + 即影即印相機被討論得非常熱烈，奈何實物太重太貴導致掀唔起搶購潮。不過寶麗來似乎沒有放棄，更推出了以同樣概念設計的 Polaroid Snap，不過就更輕更平，依家就等我依莉詩分享下好唔好用啦！
機身小巧打印快速
今次 Polaroid Snap 沒有了 Instagram logo 的外表，亦沒有了螢幕，唔可以即時睇相先再決定印唔印出嚟或者上載上 Instagram ，換來的就是更簡約的設計。機身亦減不唔少磅，體積亦只有 23 x 74 x 120毫米，單身都可以揸得到。而且打印時間亦快了，拍攝後唔洗 1分鐘就會印出相片，即時送比朋友或自己留念。
▲ 機身薄了不少，同 DC仔差唔多。
▲ 設計相當簡潔，打開觀景器同時會開著相機。
▲ 紅色的快門鍵旁有一個 10秒倒數鍵，按亮後下一張相片會 10秒之後先拍。
▲ 側面有 USB 充電頭同 micro SD 插口。
即影即印貼紙相
Polaroid Snap 用的相張同其他即影即有唔同，唔係用富士相紙，反而採用 Zink Zero Ink Printing 技術，不需要色帶或墨水匣，只要熱感就可印出專用相紙中的 C、M、Y 三種顏色，唔怕漏墨或者似傳統菲林咁走晒光。而我最鍾意的設計是，這些相紙都係貼紙相，印好可以立即貼在牆上或記事簿內，非常方便。
▲ Polaroid Premium ZINK 相紙大約 $135/30張，價錢與富士 mini 相紙差唔多。
▲ 相紙的 size 比即影即有細，但可見影像區就更大。而且入相紙的時候可以逐張入，又唔怕走光。
▲ 相機內置 3種不同拍攝模式，包括彩色、黑白及懷舊，仲可以加上寶麗來經典白框，令相片更有個人特色。
▲ 雖然是顏色的相片，但印出來亦有點懷舊的味道。
▲ 懷舊風格就更加明顯，感覺好文青呢！
▲ 黑白亦別有一番風味。
▲ 加相框後的相加了一層即影即有的味道。
相關文章:
【實試】FUJIFILM instax mini Link 3 無線相片打印機 全新 3D AR 特效創造奇幻拍攝場景
同時儲存數碼影像
機身內置 1,000萬畫素影像感測器，採用 f/2.8大光圈定焦鏡頭，機身一側設有micro SD卡槽，最大支援 32GB 容量。除了打印好的即影即有相片，按快門的同時會自動儲存數碼影像，就算無晒相機都一樣會儲存，可以當普通 DC 用。
▲ 奇怪的是打印出來的相片是 3:2 ，而數碼檔會是 4:3，所以數碼檔會拍到更多影像範圍。
▲ 數碼檔亦比較清晰，少了一份相紙的質感。
▲ 觀景器望到的與拍出來的數碼檔同即影即有都有分別，所以要好好習慣一下。
依莉詩：「私人Party 或婚禮用一流！」
一些私人Party 或婚禮都好鍾意同賓客影即影即有，之後叫佢地寫祝福句子之類，但 Party 完 D 相好多時都會唔見咗一兩張。而呢部 Polaroid Snap 就唔怕呢個問題，印完相都仲有 soft copy，之後 send 番俾朋友都得，而且相紙本身係貼紙，撕一撕就貼係相片牆，咁就唔怕唔見咗人地 D 祝福啦！
售價：$1090
銷售點：Log On、連卡佛、HMV及寶麗來經銷商
相關文章:
【實試】FUJIFILM instax mini Link 3 無線相片打印機 全新 3D AR 特效創造奇幻拍攝場景
分享到 :
最新影片
