聖誕啱啱過去，唔知大家有無收到聖誕卡，依莉詩就連一張都無，就連祝福短訊都寥寥可數。仲記得不久以前，每逢平安夜同除夕，數完「5、4、3、2、1」之後，幾乎每個人的電話都會不停震動，彷彿就係有些人會一早準備定一大段祝福語，夠鐘先 send 出去。
就係未有 Whatsapp 的年代，收到呢 D SMS其實特別窩心，因為 send 短訊唔同台係要收費，所以內容不會是罐頭般一句「聖誕/新年快樂！」後加幾個 emoji 笑笑圖案，而係會好有誠意咁打足 70個字，你又會好俾心機咁回番 70個字俾佢。如果愈 friend 的朋友就愈早會收到祝福，每一條訊息都會 only for you。
但到咗有 Whatsapp 之後，祝福開始慢得廉價，除了數量上變得廉價，連內容亦是，大家可以將 MSN 內的罐頭 emoji 圖案放進去，一條條 copy & paste 的訊息係群組流傳，不再是單對單的祝福。
想到這些，小編偶爾有點失落，到底係大家開始出來工作，各有新的朋友所以唔記得對方，還是科技發達改變了使用習慣呢？明明聖誕/新年一個祝福係一個同好耐無聯絡的朋友打開話題的好機會，可惜慢慢我們都學懂了係特定時間將群組「靜音」，將一切視以不見。
仲有幾個鐘就新一年啦！又係考驗人緣的日子，你又希望 2016年收到的第一個訊息會係邊個俾你架呢？不妨依家就準備定一條祝福俾那個吧！最後依莉詩祝大家「新年快樂！」
