一班朋友放假唔知做咩好？繼《逃出系列》遊戲之後，又有上樓新玩意！今次 UNWIRE 成班同事組團，實試旺角新開的雷射槍戰 ResaLaser。玩完個個都讚好，一齊睇下有幾正啦！
ResaLaser 引入台灣的雷射槍戰遊戲來香港，讓玩家體驗「無痛 War Game」！有同事最初以為無痛槍戰會失去真實感，而且會令人漫無目的胡亂掃射，但落完場佢就知道手上個把雷射槍，無論是準確度還是攻擊力都有返咁上下架！ResaLaser 於美國及台灣均有「基地」，香港呢個場就以「夜光迷宮」為主題佈置。玩家只須著上連著雷射槍、裝上感應器的背心，就玩得。
超好玩！用黎做 Team Building 最好不過
睇完結果之後，「戰地記者」小編問左幾位「神槍手」同事的玩後感：
Aqua：「我嘅戰略就係亂槍掃射！」
他亦建議玩家盡量穿著深色衣物，以便埋伏，因為白色衫在場內的燈光下會螢光，好容易俾人發現。
小達：「個場唔大，但走來走去，玩完都攰。」
佢話睇返電話，玩一個鐘行多左 2000 步，夜晚返到屋企隻腳仲抽筋，叫大家玩之前要熱身，避免受傷喎。
依莉絲：「槍準，場靚，體驗好！」
依莉絲喺玩的方面十分有經驗，佢最鍾意就係有「回防補血」呢個安排，令人知道自己真係死左，有多啲真實感。
當日大家放工去玩左兩節，一個鐘左右，就已經非常肚餓，好彩係旺角，玩完仲可以一齊食埋個飯，果然係 Team Building 好方法！
不過要留意，場地官方話一節最多可以 7 vs 7，14 人一齊玩，所以如果多人可能分幾節入場會較抵玩同感受較好。如果有私人場地，可以考慮同佢地租借設備，咁就可以將自己 Office 改裝成戰場做 Team Building。
ResaLaser
地址：旺角亞皆老街 24-26 號東方大廈 8 樓（旺角站 D3 出口）
開放時間：星期日至四－12nn － 12am；星期五六及公眾假期前夕－12nn － 2am
價錢：非會員每位 ＄118／節；一節 20 分鐘
會員價 ＄98／節；＄158／2 節
電話: 358 000 30
Whatsapp: 648 444 99
分享到 :
最新影片
