除夕時當大家開開心心準備倒數之時，係迪拜市中心嘅 63 層樓高迪拜酒店發生火災。37 歲攝影記者 Dennis Mallari 當時正係酒店內，佢仲將佢嘅逃生經過拍攝咗落嚟。
係大火開始嘅時候， Dennis 發現自己困係 48 樓，而原本佢係打算係午夜拍攝迪拜嘅煙花匯演，點知遇上火災。 CNN 報導話當時大火開始係 20 樓，然後火勢急速蔓延上去，最後高樓層亦好多被煙霧覆蓋住。亦因為大量煙霧， Dennis 並唔能夠通過一般出口離開酒店。於是 Dennis 就開始係社交媒體上 post 文，「我係 48 樓啊，幫我啊！」
而經過近兩個鐘後， Dennis 為著生命決定使出最後一著：係巨型建設嘅側面爬下。咁作為攝影記者，佢當然不忘拍攝整個過程啦。 Dennis 利用 GoPro 拍攝住，左手捉住爬落地面嘅繩，右手就繼續影相同拍片。
當佢掛係邊緣嘅時候，消防員就走上樓發現咗佢，救咗佢一命，為佢提供氧氣，而以下就係佢係煙霧迷漫嘅樓梯所拍攝畫面：
當佢安全離開酒店後，佢亦不忘係 Facebook 上發佈自拍照比人知佢依然生存。
而佢回去工作後，仍然不忘係火災現場所拍攝嘅相整理好擺係 Facebook ，詳情可以查看 Dennis Facebook 。
以下係 Dennis 最新整理好嘅整個火災同逃生過程短片：
來源： PetaPixel