朋友 K 是筆者的朋友圈中其中一位手機玩家，最大興趣是換手機，所以每當有朋友想買新手機，都會找 K 幫忙給意見，甚至拉著他一起到店舖買手機揀手機。睇完港台節目《我係乜乜乜》最近一集關於男神女神，K 告訴了筆者一個小故事。
前陣子又有人要朋友 K 俾意見，K 明知對方是麻煩港女一名，但本著幫得就幫於是提出了一些問題，請港女首先回答。究竟她對手機的要求是什麼？答案是打出打入、Send 到 WhatsApp，玩到 Facebook、IG，睇到微博 myTV，可以煲劇打機。最好係平平哋，因為年底洗錢好似倒水，冇乜錢剩。朋友 K 眼見港女列出的要求不算高，而且 Budget 不多，於是鎖定了兩部兩千以下的大陸和台灣手機，等港女有得揀。
去到電器店，朋友請相熟 Sales 拿出兩部二千元以下的手機，再向港女逐一介紹。港女聽了幾分鐘，對眼卻沒有離開過飾櫃內的旗艦機。見朋友 K 越講越冇癮，港女亦不避忌指著定價 8 千的粉紅色手機說，你介紹的都唔錯，不過這部個樣同 Package 似乎更好。現在我揀手機只會睇樣，我比較鍾意這部，機身隻色真係好靚，我好鍾意。作為手機玩家，K 明白喜好不能勉強，於是問港女準備了幾多錢，港女答 1,500，朋友 K 將索價 8 千的手機交回相熟 Sales，搖搖頭笑著和港女告別。
分享到 :
最新影片
