號稱打破虛擬世界同現實世界的隔膜，HP 推出一部以混合實境模式操作的 Sprout by HP。備有高清觸控顯示屏同時配以 20 吋 HP Touch Mat 巨型觸控板和 Sprout Illuminator 投影系統，可以將電腦畫面投射於觸控板面。同場加映，一部為有高保安需度的商業用家而設的可拆式 2 合 1 筆電 Elite x2 1012，有指紋認證之餘，仲可以插員工卡做認證，同時亦支援 NFC，想知有幾好玩就請繼續閱讀以下文章。
Sprout by HP 唔只係一部 AIO，仲係一部使用混合實境模式操作的電腦。由外型就可以見到 Sprout 的獨特之處，首先機座底部有一塊板，其實係一塊名為 HP Touch Mat 的巨型觸控板，而機身頂部伸延出黎的其實係 Intel RealSense 3D Camera、景深感應器及 Illuminator 投影系統，功能後續再講，但單單是外型已經非常突破，望落就似一部科幻電影會出現的裝置。雖然設計已經夠晒特別，但造工一啲都冇馬虎，不論係伸延出黎嘅觸控板或者投影系統都係好穩固，而且外觀中完全冇違和感，一啲都唔覺得突兀。
▲單單是外型已經非常突破，望落就似一部科幻電影會出現的裝置
▲機身邊框可以磁力吸附觸控筆
▲右側有兩組 USB 插口，及音量鍵
▲左側有 SD Card 槽及 3.5mm 耳機位
▲雖然設計已經夠晒特別，但造工一啲都冇馬虎，不論係伸延出黎嘅觸控板或者投影系統都係好穩固，而且外觀中完全冇違和感，一啲都唔覺得突兀
▲機背底部就可以見到大量插口，如兩組USB、Lan 線插、HDMI及音源輸出
Sprout by HP 最一主打就係 3D Scanning 嘅功能，用家只要用內建 App 就可以進行 2D 平面及 3D 立體掃描。首先用家只要將需要掃描的物件放到觸控板上的指定位置，Sprout 的 RealSense 3D Camera 就會開始掃描，籮文試過，雖然每次都需時5至15分鐘（視乎形狀複雜程度），但掃描程序非常簡單，基本上放低物件之後就只要等候，真係小朋友都識，而且成品細緻程度都叫人驚喜。掃描成品就會儲存為 3D 影像，用家可以再作修改，發揮創意將影像運用到不同地方，又或者用 3D Printer 將物品再 Print 出黎。
▲掃描程序非常簡單，基本上放低物件之後就只要等候，真係小朋友都識
▲只要將物件放到指定位置
▲等大約 5-15 分鐘，淥個杯麵
▲搞掂，食碗麵！
【評測】HP EliteBook Ultra G1q 開箱評測 機身纖薄易外攜 + 配色有型專業 + 配置齊全不俗 + ARM 架構電量算「長氣」 大專手提電腦優惠計劃 2024 各電腦品牌學界獨家優惠
Sprout by HP 除咗 23 吋全高清(1920 x 1080) WLED 背光屏幕之外，仲有一塊 20 吋 HP Touch Mat 巨型觸控板，支援 20 點觸控，配合 Sprout Illuminator 投影系統，可以將電腦畫面投射於觸控板上，只要在主屏幕將物件向下拉，就可以將物件拉到觸控板上。Sprout 比好多 AIO 更加 All-In-One，好多時使用其他 AIO，你都需要插上 Keyboard 同 Mouse，就算有內置虛擬 Keyboard 都會因為角度問題而導致不適，但 Sprout 由於有 Touch Mat，配以 Illuminator 投影系統，用家只要按一按 Touch Mat 上的按鈕，虛擬 Keyboard 就會彈出，雖然係有啲細，但點都舒服過喺屏幕上面打字啦！
▲用家只要按一按 Touch Mat 上的按鈕，虛擬 Keyboard 就會彈出，雖然係有啲細，但點都舒服過喺屏幕上面打字啦！
HP Workspace 內的應用程式專為配合 Sprout 的雙顯示屏操作及混合實境體驗而編寫，包括製作賀卡的 Martha Stewart CraftStudio、備有多個填色遊戲 Crayola’s Draw & Sing、清楚展示逐個步驟的學習摺紙程式 Origami Apprentice 及讓用家輕鬆完成立體掃描的 3D Capture 等。籮文試過下玩 Pianotime 彈琴 App，手感當然係唔能同真琴比較，但係 Touch Mat 夠大，可以顯示的琴鍵較多，比起用手機或 Tablet，用 Sprout 彈琴係爽好多。
▲手感當然係唔能同真琴比較，但係 Touch Mat 夠大，可以顯示的琴鍵較多，比起用手機或 Tablet，用 Sprout 彈琴係爽好多。
AIO 一向泛指屏幕及主機一體化的桌上電腦，但好多時使用其他 AIO，都需要插上 Keyboard 同 Mouse，但 Sprout 用家只要按一按 Touch Mat 上的按鈕，虛擬 Keyboard 就會彈出，雖然係有啲細，但點都舒服過喺屏幕上面打字，而近年都興起 3D Printing 技術，但 3D Scanner 就反而少見，Sprout by HP 就將 3D Scanner 完美整合到 AIO 電腦，但係致命傷就係需時太長，就快 Scan 完嗰時又被其他人經過時唔小心郁一郁到個物件而令 Scanning 要重新黎過，籮文真係等到花兒都謝了，
Sprout by HP
建議零售價為港幣 25,999 元。
Elite x2 薄 8.1mm 的機身，採用 CNC 工序切割鋁合金製成，乜嘢係 CNC 亦唔重要，籮文淨係知道設計非常簡約時尚，尤其係最大有 150 度的 Kick Stand 支架，唔似 Microsoft Surface Pro 嗰一大塊鐵，反而 Elite x2 嘅一條框就做到同樣效果。雖然機身感覺重咗少少，但係原來 Elite x2 同其他 Elite 系列型號一樣，通過美國軍用標準防捽、防震及防塵等測試，而屏幕採用康寧 Gorilla Glass 4 ，上手感覺都好實淨。裝上跟機附送的 Travel Keyboard 就可以變成筆電模式，鍵盤標榜「有傳統筆電咁好打」，但係籮文覺得好打程度同 Surface Pro 差不多，並無特別好打，不過除咗跟機附送的鍵盤，用家仲可以另購升級版鍵盤，升級版鍵盤的功能就真係令人眼前一亮！…
▲雖然機身感覺重咗少少，但係原來 Elite x2 同其他 Elite 系列型號一樣，通過美國軍用標準防捽、防震及防塵等測試
▲籮文淨係知道設計非常簡約時尚，尤其係最大有 150 度的 Kick Stand 支架，唔似 Microsoft Surface Pro 嗰一大塊鐵，反而 Elite x2 嘅一條框就做到同樣效果
▲右機側上至下為 Display Port、SD Card 槽 及 USB-C 槽
▲左機側就有開關、音量、Sim Card 槽及一個鎖扣
【評測】HP EliteBook Ultra G1q 開箱評測 機身纖薄易外攜 + 配色有型專業 + 配置齊全不俗 + ARM 架構電量算「長氣」 大專手提電腦優惠計劃 2024 各電腦品牌學界獨家優惠
Elite x2 主打私隱保安，首先機背有指紋辨識器，係平板電腦少見的配置。而除咗跟機附送的鍵盤，用家仲可以另購升級版鍵盤，兩者外型上幾乎完全一樣，但升級版鍵盤的 Touch Pad 位置暗藏 NFC 感應器，而側面更有插卡槽，可以讀到 Smart Card （即是晶片卡），透過設定，可以令用戶必須嘟卡或插卡才能登入電腦，令保安大大加強。估唔到一個外置 Keyboard 都可以做到依啲功能。
▲Elite x2 主打私隱保安，首先機背有指紋辨識器，係平板電腦少見的配置
▲側面更有插卡槽，可以讀到 Smart Card （即是晶片卡），透過設定，可以令用戶必須嘟卡或插卡才能登入電腦
專為商用而設的 Elite x2 只設有一個 Thunderbolt 技術的 USB Type C 插口，方唔方便就見人見志，但 HP 準備咗一連串嘅配件俾大家選購，都細心架！而個別型號的 Elite x2 支援 4G LTE，係全球首部支援 4G LTE 的可拆式筆電，啱晒秒秒鐘幾廿萬上落嘅商業用家，身處何地都可以上到網。
▲專為商用而設的 Elite x2 只設有一個 Thunderbolt 技術的 USB Type C 插口，方唔方便就見人見志
▲但 HP 準備咗一連串嘅配件俾大家選購，都細心架！
而 Elite x2 備有 HP Active Pen 操控筆，依支筆有 WACOM 技術加持，支援 2048 級壓感，透過不同力度來控制線條，粗幼更細緻。最特別係 Active Pen 上，同原子筆一樣有粒制，用家更可以經由藍芽應用程式 App Launch 設定利用 Active Pen 快速開啟程式，例如按一下開 One Note，連按兩下開某其他程式。
▲操控筆可以貼在機邊
Elite x2 1012
售價為港幣 7,988 元 至 13,788 元
【評測】HP EliteBook Ultra G1q 開箱評測 機身纖薄易外攜 + 配色有型專業 + 配置齊全不俗 + ARM 架構電量算「長氣」 大專手提電腦優惠計劃 2024 各電腦品牌學界獨家優惠