全新的 Olympus PEN-F 終於登場，Pen-F 其實係向 1963 年上市的半格菲林相機 PEN F 致敬，Pen-F 為首部內置電子觀景器的 PEN 系列相機，又用上全新 2,000 萬像素 Live MOS 感光元件，抵玩度可能比 OMD 系列更高，想知有幾抵玩就要閱讀以下文章。
Olympus PEN-F 擁有近年最興嘅古典外型，原來 PEN-F 機身設計概念係源自1963年推出嘅全球第一部半格菲林相機 Pen F。PEN-F 機頂及機身前面板都以鎂合金打造。機身周圍都見唔到任何螺絲位，令外觀更簡潔。
頂部加入了曝光補償轉盤，係首部 Olympus 相機加入此轉盤，另外模式轉盤加入 C1 至 C4 自定模式，用家可以度身定做自己的模式，依幾個轉變都令操作上比其他 Olympus 相機優勝。方方正正嘅機身配合大大小小都是圓形的按鈕，令整體感覺復古得黎又有現代感。
籮文揸上手就覺得機身頗重，而且機身細，令我有「手指唔知放邊好」的感覺，手感唔穩陣，好在 Olympus 提供一系列配件供用家選購，ECG-4 手柄就啱晒籮文手型。
▲機身顏色有全黑及銀黑可供選擇，籮文就喜歡感覺比較復古的銀黑。
▲PEN-F 機頂及機身前面板都以鎂合金打造。機身周圍都見唔到任何螺絲位，令外觀更簡潔。
▲方方正正嘅機身配合大大小小都是圓形的按鈕，就連開關制都係圓形，令整體感覺復古得黎又有現代感。
▲頂部加入了曝光補償轉盤，係首部 Olympus 相機加入此轉盤，另外模式轉盤加入 C1 至 C4 自定模式，用家可以度身定做自己的模式
▲不過籮文揸上手就覺得機身頗重，而且機身細，令我有「手指唔知放邊好」的感覺，手感唔穩陣
▲好在 Olympus 提供一系列配件供 PEN-F 用家選購，加個 ECG-4 手柄就啱晒籮文手型。
PEN-F 用上最新的 2,000 萬像素 Live MOS 感光元件，不設低通濾鏡，成像相對上較銳利。配合 TruePic VII 影像處理器， PEN-F 感光範圍由 ISO LOW 至最高的 ISO 25600，乜嘢係 ISO LOW 呢？原來 PEN-F 嘅 ISO LOW 係相當於傳統感光度的 ISO 80，用上 ISO LOW 於高光環境拍攝雜訊就可以降至更少。 雖然感光元件只有2,000萬像素，但 PEN-F 有高解像度模式，利用相機內置的 VCM 音圈馬達驅動 5輻防震系統移動感光元件來拍攝，拍出8個2,000萬像素後自動合併為一個5,000萬像素的影像，雖然效果就唔及全片幅，但係至少數字上做得到。
▲PEN-F 用上最新的 2,000 萬像素 Live MOS 感光元件，不設低通濾鏡，成像相對上較銳利。
▲雖然感光元件只有2,000萬像素，但 PEN-F 有高解像度模式，利用相機內置機身防震系統移動感光元件來拍攝，拍出8個2,000萬像素後自動合併為一個5,000萬像素的影像
從機身前方可以見到 PEN-F 有一個創意轉盤，四個功能分別是：ART（藝術濾鏡）、CRT（色彩創作工具）及新加入的 COLOR （彩色配置控制）及MONO（單色配置控制）。單色配置控制：用家可以調校色調、更可以為相片加入暗角效果及菲林顆粒效果。彩色配置控制：用家可以獨立調校 12 隻顏色的飽和度等。除了以上控制，PEN-F 擁有 Tone Curve 調校功能，讓用家可以實時拉 Curve。
▲從機身前方可以見到 PEN-F 有一個創意轉盤，四個功能分別是：ART（藝術濾鏡）、CRT（色彩創作工具）及新加入的 COLOR （彩色配置控制）及MONO（單色配置控制）
▲藝術濾鏡模式，用家可以實時預覽效果
▲PEN-F 擁有 Tone Curve 調校功能，只要一撥此制，用家就可以實時拉 Curve。
▲藝術濾鏡模式，用家可以用不同濾鏡，發揮創意，令相片更有故事感
▲透過單色配置控制，加入暗角效果及菲林顆粒效果，相片更有懷舊感
PEN-F 配備 236萬像素 OLED 電子觀景器，提供100%視角範圍及1.23X 放大率，而 EVF 中，Olympus 選用了非球面鏡片，取景時籮文覺得畫面非常自然，感覺舒服。另外設有 S-OVF 功能，能夠擴闊 EVF 的動態範圍，模擬光學觀景器的體驗，但係籮文就覺得效果唔明顯，而使用 S-OVF 功能會否令耗電量增加就要有待觀察。唔鍾意用 View Finder，都可以用 3吋 104萬像素多角度 Touch Screen，採用側掀式設計，用作自拍亦都 OK。配備了 OM-D E-M10 Mark II 上首次出現的 AF 目標觸控板功能，當你注視 EVF 時，可以用手指在屏幕上遊走，快速選擇自動對焦點。
▲3吋 104萬像素多角度 Touch Screen，採用側掀式設計，用作自拍亦都 OK
▲高角度低角度取景當然都冇問題。
PEN-F 擁有最高1/8000秒的機械式快門，與及極短的44微秒快門釋放時滯，反應更快更爽，另外亦有低震動模式，可以降低快門震動及靜音拍攝模式，靜音拍攝模式下最高快門速度為 1/16000 秒。要快又得，要靜亦得、連低震都得，無得彈！PEN-F 只有一款 Kit 可供選購，就係 17mm f1.8 鏡頭套裝，大光圈鏡頭最啱喜歡影淺景深的朋友仔。
▲(f 1.8，1/640，ISO 200)
▲(f 2.2，1/100，ISO 200) PEN-F 只有一款 Kit 可供選購，就係 17mm f1.8 鏡頭套裝，大光圈鏡頭最啱喜歡影淺景深的朋友仔。
▲(f1.8，1/80，ISO 200) 又見到成日食賀年食品嘅 Angela，當然叫佢俾我試幾張相啦，從上圖可見 PEN-F 拍攝的膚色非常自然
今次 PEN-F 係 Olympus 第一部加入單色／彩色配置控制嘅相機，用創意轉盤就可以調教不同參數，令影像更有攝影師的個人風格。但籮文對相機比較注重手感，PEN- F 連電池重達427克，但機身細小，手大的籮文實在覺得難以掌控，但如果你好似 Angela 咁，手比較細，其實手感都可以接受。而另一個籮文較注重的是影片拍攝，未有支援 4K 是比較失望的，但支援最高 60fps 全高清拍攝，高畫數的影片睇落更流暢，又可以讓後製更有彈性！
售價：HK$12,990
查詢：23762150(Olympus)