籮文:「外型無得輸但堅墜手」Olympus Pen-F m43 相機初步評測

讚好此文:

一月 27, 2016 •數碼相機, 相機測試, 評測

全新的 Olympus PEN-F 終於登場,Pen-F 其實係向 1963 年上市的半格菲林相機 PEN F 致敬,Pen-F 為首部內置電子觀景器的 PEN 系列相機,又用上全新 2,000 萬像素 Live MOS 感光元件,抵玩度可能比 OMD 系列更高,想知有幾抵玩就要閱讀以下文章。

Pen F59

古典外型手感一般  加  Grip 可改善

Olympus PEN-F 擁有近年最興嘅古典外型,原來 PEN-F 機身設計概念係源自1963年推出嘅全球第一部半格菲林相機 Pen F。PEN-F 機頂及機身前面板都以鎂合金打造。機身周圍都見唔到任何螺絲位,令外觀更簡潔。

頂部加入了曝光補償轉盤,係首部 Olympus 相機加入此轉盤,另外模式轉盤加入 C1 至 C4 自定模式,用家可以度身定做自己的模式,依幾個轉變都令操作上比其他 Olympus 相機優勝。方方正正嘅機身配合大大小小都是圓形的按鈕,令整體感覺復古得黎又有現代感。

籮文揸上手就覺得機身頗重,而且機身細,令我有「手指唔知放邊好」的感覺,手感唔穩陣,好在 Olympus 提供一系列配件供用家選購,ECG-4 手柄就啱晒籮文手型。

Pen F65

Pen F69

▲機身顏色有全黑及銀黑可供選擇,籮文就喜歡感覺比較復古的銀黑。

Pen F68

▲PEN-F 機頂及機身前面板都以鎂合金打造。機身周圍都見唔到任何螺絲位,令外觀更簡潔。

Pen F73

▲方方正正嘅機身配合大大小小都是圓形的按鈕,就連開關制都係圓形,令整體感覺復古得黎又有現代感。

Pen F74

▲頂部加入了曝光補償轉盤,係首部 Olympus 相機加入此轉盤,另外模式轉盤加入 C1 至 C4 自定模式,用家可以度身定做自己的模式

Pen F82

▲不過籮文揸上手就覺得機身頗重,而且機身細,令我有「手指唔知放邊好」的感覺,手感唔穩陣

Pen F107

▲好在 Olympus 提供一系列配件供 PEN-F 用家選購,加個 ECG-4 手柄就啱晒籮文手型。

8 張 2,000 萬合成  5,000 萬像素相片

PEN-F 用上最新的 2,000 萬像素 Live MOS 感光元件,不設低通濾鏡,成像相對上較銳利。配合 TruePic VII 影像處理器, PEN-F 感光範圍由 ISO LOW 至最高的 ISO 25600,乜嘢係 ISO LOW 呢?原來 PEN-F 嘅 ISO LOW 係相當於傳統感光度的 ISO 80,用上 ISO LOW 於高光環境拍攝雜訊就可以降至更少。 雖然感光元件只有2,000萬像素,但 PEN-F 有高解像度模式,利用相機內置的 VCM 音圈馬達驅動 5輻防震系統移動感光元件來拍攝,拍出8個2,000萬像素後自動合併為一個5,000萬像素的影像,雖然效果就唔及全片幅,但係至少數字上做得到。

Pen F110

▲PEN-F 用上最新的 2,000 萬像素 Live MOS 感光元件,不設低通濾鏡,成像相對上較銳利。

Pen F97

▲雖然感光元件只有2,000萬像素,但 PEN-F 有高解像度模式,利用相機內置機身防震系統移動感光元件來拍攝,拍出8個2,000萬像素後自動合併為一個5,000萬像素的影像

 

菲林 Mode 發揮創意

從機身前方可以見到 PEN-F 有一個創意轉盤,四個功能分別是:ART(藝術濾鏡)、CRT(色彩創作工具)及新加入的 COLOR (彩色配置控制)及MONO(單色配置控制)。單色配置控制:用家可以調校色調、更可以為相片加入暗角效果及菲林顆粒效果。彩色配置控制:用家可以獨立調校 12 隻顏色的飽和度等。除了以上控制,PEN-F 擁有 Tone Curve 調校功能,讓用家可以實時拉 Curve。

Pen F80

▲從機身前方可以見到 PEN-F 有一個創意轉盤,四個功能分別是:ART(藝術濾鏡)、CRT(色彩創作工具)及新加入的 COLOR (彩色配置控制)及MONO(單色配置控制)

Pen F91

▲藝術濾鏡模式,用家可以實時預覽效果

DSC01386

Pen F89

▲PEN-F 擁有 Tone Curve 調校功能,只要一撥此制,用家就可以實時拉 Curve。

OLYMPUS DIGITAL CAMERA

▲藝術濾鏡模式,用家可以用不同濾鏡,發揮創意,令相片更有故事感

OLYMPUS DIGITAL CAMERA

▲透過單色配置控制,加入暗角效果及菲林顆粒效果,相片更有懷舊感

236萬像素 EVF 及 3吋 104萬像素多角度 Touch Screen

PEN-F 配備 236萬像素 OLED 電子觀景器,提供100%視角範圍及1.23X 放大率,而 EVF 中,Olympus 選用了非球面鏡片,取景時籮文覺得畫面非常自然,感覺舒服。另外設有 S-OVF 功能,能夠擴闊 EVF 的動態範圍,模擬光學觀景器的體驗,但係籮文就覺得效果唔明顯,而使用 S-OVF 功能會否令耗電量增加就要有待觀察。唔鍾意用 View Finder,都可以用 3吋 104萬像素多角度 Touch Screen,採用側掀式設計,用作自拍亦都 OK。配備了 OM-D E-M10 Mark II 上首次出現的 AF 目標觸控板功能,當你注視 EVF 時,可以用手指在屏幕上遊走,快速選擇自動對焦點。

Pen F114

Pen F95

▲3吋 104萬像素多角度 Touch Screen,採用側掀式設計,用作自拍亦都 OK

Pen F96

▲高角度低角度取景當然都冇問題。

同級相機中最短快門釋放時滯

PEN-F 擁有最高1/8000秒的機械式快門,與及極短的44微秒快門釋放時滯,反應更快更爽,另外亦有低震動模式,可以降低快門震動及靜音拍攝模式,靜音拍攝模式下最高快門速度為 1/16000 秒。要快又得,要靜亦得、連低震都得,無得彈!PEN-F 只有一款 Kit 可供選購,就係 17mm f1.8 鏡頭套裝,大光圈鏡頭最啱喜歡影淺景深的朋友仔。

測試相片

OLYMPUS DIGITAL CAMERA

▲(f 1.8,1/640,ISO 200)

OLYMPUS DIGITAL CAMERA

 

OLYMPUS DIGITAL CAMERA

▲(f 2.2,1/100,ISO 200) PEN-F 只有一款 Kit 可供選購,就係 17mm f1.8 鏡頭套裝,大光圈鏡頭最啱喜歡影淺景深的朋友仔。

OLYMPUS DIGITAL CAMERA

▲(f1.8,1/80,ISO 200) 又見到成日食賀年食品嘅 Angela,當然叫佢俾我試幾張相啦,從上圖可見 PEN-F 拍攝的膚色非常自然

籮文:「創意轉盤有心思 但機身好重磅」

今次 PEN-F 係 Olympus 第一部加入單色/彩色配置控制嘅相機,用創意轉盤就可以調教不同參數,令影像更有攝影師的個人風格。但籮文對相機比較注重手感,PEN- F 連電池重達427克,但機身細小,手大的籮文實在覺得難以掌控,但如果你好似 Angela 咁,手比較細,其實手感都可以接受。而另一個籮文較注重的是影片拍攝,未有支援 4K 是比較失望的,但支援最高 60fps 全高清拍攝,高畫數的影片睇落更流暢,又可以讓後製更有彈性!

20160127_153602

售價:HK$12,990

查詢:23762150(Olympus)

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: ,

讚好此文:


Comments are closed.

unwire TV



更多同類文章:

最新文章