香港現有嘅免費『Wi-Fi.HK』熱點超過 17,000 個，政府亦會係三年內逐步擴至 34,000 個，目標就係令香港成為全球 WiFi 熱點最密集的地方之一。有見及此，WiFi 廣告平台 AdWiFi 亦為配合政府建設數碼及「智慧」城市嘅理念，係旺角西洋菜南街推出免費 WiFi 服務，成為香港第一條 WiFi 街。服務至今推出約一個月，深受市民支持，亦獲不少媒體報導。小編就係剛過去嘅「 WiFi 新世代啟動禮」上訪問咗 AdWiFi 總經理鄭王光，對於 AdWiFi 呢個名字比較陌生而又想知係咩嚟嘅讀者就繼續留意下文啦！
與 ISP 合作 擁有最新技術保障網絡安全
AdWiFi 其實係一個私人企業投資的 WiFi 廣告平台，作為 White-label 產品與多間擁有 UC license（綜合傳送者牌照）嘅互聯網服務供應商 ISP 如 HKBN 合作鋪設免費 WiFi 網絡。為提供更優質嘅免費上網服務， AdWiFi 十分關注網絡安全問題，所以特地與蘋果方案顧問公司合作，利用最新技術建設防火牆，技術包括無線終端使用者隔離、DHCP防禦、無線射頻防護功能、APT功能，可防止駭客通過 WiFi 入侵手機或電腦，解決用戶最擔心嘅網絡安全問題。防火牆可攔截所有未經授權嘅電腦連接，防止用戶手機資料被駭客盜取。另外，防火牆亦設置咗電郵通報機制， AdWiFi 會即時收到電郵通知相關資訊，作出相應配合。
AdWiFi 出現 全為社會作出貢獻
AdWiFi 嘅誕生，原來並唔係為咗任何商業利益。總經理鄭王光先生指，眼見 WiFi 無線上網設施係世界各地漸趨普及，唔少國家正不斷擴展免費 WiFi 上網熱點。而一個地方嘅科技水平，往往見証著該地市民嘅生活質數。作為本港企業，鄭先生希望能透過自己努力，為社會作出一些貢獻。呢個就係 AdWiFi 出現嘅原因啦。
街頭訪問滿意度高 即將啟用第二條 WiFi 街
WiFi 街就係 2015 年 12 月 24 日試用至今，不知不覺已經開始了一個月，為咗深入了解香港市民試用免費 WiFi 情況及意見，AdWiFi 對試用過 AdWiFi 服務嘅市民作出民意調查，共收到 1728 份問卷結果。其中八成香港市民覺得AdWiFi 嘅使用流程十分簡單，而超過九成市民表示對上網速度十分滿意；亦發現市民普遍對安全性及速度兩方面較為關心。超過七成市民都認為免費 WiFi 街對旅遊同購物十分有幫助，而大約五成市民希望下一條 WiFi 街開設於銅鑼灣。亦因為咁， AdWiFi 將係未來一個月於銅鑼灣羅素街正式啟用第二條 WiFi 街。
推出全新生活資訊平台 即時搜尋附近商店優惠
除咗即將打造銅鑼灣羅素街成第二條 WiFi 街外， AdWiFi 亦在啟動禮當日正式宣佈全新的生活資訊平台 – 優惠獵人正式啟用。用戶可以透過優惠獵人獲取附近商店優惠，並設有優惠券推廣及會員獎賞計劃；同時亦能查詢衣、食、住、行等實用資訊，籍此方便市民。
計劃仍在拓展中，為能夠將服務提供比更多市民使用， AdWiFi 現希望召集更多 ISP 或有意合作的商户加盟。（聯絡方式：致電 29888348 或 Email 至 navis@eghk）
早前係 1 月 24 日舉行嘅「 WiFi 新世代啟動禮」經已完滿結束，以下就係活動回顧：
分享到 :
最新影片
