如果你是球迷，應該知道不少港人愛看的英超、西甲、歐聯、歐霸等均是在香港時間深夜比賽，但有時係街玩得夜無得番屋企睇波，又或者住村屋未必家中有裝寬頻，在今時今日再無「無限數據 plan」年代要隨時隨地無後顧之憂半夜睇波，又或者上網追劇睇戲，始終有點難度。3HK 昨日就「重推」無限 plan，而且每個月俾 $48 就得！咁筍？就等 Edward 為大家介紹一下啦。
今次 3HK 推出「歡樂通宵」計劃，其實並非全新的數據月費 plan，而只是附加於主 plan 上的 VAS 附加服務。在原本的數據月費 plan 上，大家只需要每月多付 $48，在每晚 11 點至翌日早上 7 點，都會自動轉換為無限 4G 數據計劃。簡單點說，最低消費是每月付出 $138（500MB / 月）+ $48 + $18 = $204 / 月，就可以半夜無限用 data，而且仲無局限用途，tethering 比電腦用都無問題！對於想半夜用 data 而非 Wi-Fi 睇波或者煲劇的 wire 民來說，絕對是極方便的服務。
▲半夜 11 點過後會自動 switch 至無限，到朝早 7 點就會 switch 返去用有限 data 的主 plan，都幾方便。
至於速度方面，究竟用落如何？根據官方表示，在「歡樂通宵」時段，速度最少都會有 1Mbps。筆者在現場試過，以一部用了「歡樂通宵」計劃的手機，與另外兩部用了其他計劃的手機（一部用了無限兼速度不高於 384kbps 月費，另一部用了完全無限速的有限量數據月費），三部一同以 1080p 質素串流播放同一條 YouTube 影片，發覺 384kbps 月費的一部經常處於 buffering 狀態，而無限速有限數據的自然夠順，但用了無限數據並速度不少於 1Mbps 的「歡樂通宵」計劃的一部手機，串流情況亦算理想，播放 3 分多鐘的 1080p YouTube 影片，只是 buffering 了兩、三次而已。而 3HK 官方表示，1080p 影片串流肯定是無限速但有限數據的月費計劃最為暢順，但「歡樂通宵」時段其實亦可暢順串流播放 720p 或以下質素的影片，相信對於大部分用家來說，有此表現應該都可收貨吧？
▲用來串流播放 1080p YouTube 影片表現都仍算 OK。
▲同時用採用 3 個不同 plan（上：不多於 384kbps 速度但無限 data；中：不少於 1Mbps 速度及無限 data；下：無限速但有限 data）的手機串流播放同一條 1080p YouTube 影片，最暢順自然是最下方的一部，但中間用「歡樂通宵」plan 的一部表現都完全不失禮。
此外，如果大家同時有興趣使用 myTV SUPER 煲劇，3HK 亦有 combo 優惠，只要 4 月 18 日起同時訂購 myTV SUPER 基本組合 + TVB 外購節目點播組合 +「歡樂通宵」無限數據組合，就只需每月多付 $68 即可享用，相比只訂朋「歡樂通宵」服務，亦只是每月俾多 $20，真係食少個老麥 $23 蚊餐都已經係番度。至於 4 月 17 日或以前登記使用，就可享有一個月免費試用。如果你會睇 myTV 的節目，呢個 offer 其實仲抵！（但對於只想睇波、睇 Netflix 及 ViuTV 的筆者來講，$48 月費計劃已經好夠用了 LoL）
▲如果大家會睇 myTV SUPER，同時訂購其實仲抵。
