今年天氣時冷時熱，要掌握花期已經唔容易，何況係開得極短時間的櫻花呢？幸好，香港賞櫻地點又多一個啦！仲要係商場唔怕天氣唔好添！今日依莉詩就率先去海港城賞櫻啦！不過…
多棵由日本空運到港的櫻花放置係港威商場大堂，每棵土種櫻花樹都用了日本傳統木製清酒盛「枡」作為花盆，聽到得覺得充滿日本風味。正當我滿心期待之際，原來櫻花樹仲未開，只有好似桃花的光頹頹樹枝。不過都唔洗失望，相信過多幾日就會滿開，到時要把握機會賞櫻啦！依家就只好睇住櫻花樹下的「枡之演變」藝術展覽，當中展出了20款由「枡」為基礎而演變的手作，除了多款彩繪及剪貼作品外，更有藝術家將「枡」演變為可運行的時鐘、鍵盤及居酒屋等，十分有趣。
▲ 正當我滿心期待之際，原來櫻花樹仲未開，只有好似桃花的光頹頹樹枝。
▲ 不過都唔洗失望，櫻花已經含苞待放，相信唔洗幾日就會開花啦！
除了欣賞櫻花外，清酒亦係日本重要文化之一，所以港威商場大堂亦開設了期間限定居酒屋，供應近百款清酒、日本果酒同焙茶。當中更有唔少係係香港首次推出，例如來自石川縣久世酒造的「長生舞 大吟釀」及「長生舞 特別純米酒」、來自奈良縣風之森的「秋津穂 純米」及「Petit 純米吟釀」。此外，仲有多款佐酒美食供應。
▲ 小食方面有青瓜墨魚嘴、香蔥辣油牛舌、辣醬芝士 同 味付鵪鶉蛋。
▲仲有木魚汁卷蛋。
▲ 而燒物方面有燒日本豬肉腸同大蔥雞肉串。
▲ 最後就係迷你和牛漢堡。
想試的話，只要係海港城任何餐廳以電子消費每滿 $100，就可以換領清酒品酒券 1張(每張單據最多可換5張)，又或者捐款 $120予「東日本大震災兒童未來基金」，就可以換領清酒品酒卡 1張，品嚐 10款清酒了。
▲ 居酒屋旁仲有日式的小遊戲，只要捐款就可以玩，有機會得到來自日本的特別禮物架！
日本櫻花文化祭 @ 海港城
日期： 2016年3月17日至 3月31日 (上午10時至晚上10時)
地點：海港城港威商場大堂 I、II