雖然港女係個 90 後，但係隨住出黎工作的時間愈來愈長，港女漸漸覺得自己同後生仔的時代脫節…
話說有一次，港女出去做義工，咁啱同組的朋友仔全部都係 undergrad 大學生，港女心諗，假假地我都叫做係現役學生，傾計個陣應該唔會有代溝掛？認真，傾計個時就真係冇代溝嘅，但一講起大家用開嘅手機應用程式，港女即刻露出馬腳。
「下？而家唔興用 Facebook 架喇～個個都用 IG 同 Snapchat 架！」
港女一早就知道 Facebook 係學生哥的世界係唔入流架喇，但萬萬都諗唔到，佢地唔單止係少用 Facebook 咁簡單，而係直情唔用 Facebook，淨係用 IG （Instagram）及 Snapchat。
「我啲朋友都冇用，咁我咪唔用囉～」
無錯，平台最緊要嘅係用家，無用家，唔好話個平台存唔存在啦，你自己都唔會玩啦，唔通個個都單機 Whatsapp 咩？就好似最近，各大傳媒都力推 Telegram 谷，希望吸引到多啲人入谷，充分利用平台，了解特定話題的用家取向，多一個渠道俾人發表偉論 交流心得，港女都入左幾個谷，睇下人地講化妝、做運動，有時（其實係經常）追唔切，不過叫做多一個方式接收資訊咁囉。
講返而家啲後生仔先，IG 係一定用架喇，港女都有用架，update 下自己的 港豬生活 風花雪月咁，有時可以好多人睇架，不過我始終覺得 IG 介面不利討論，又唔可以 share link 或 post，search 功能仲衰過 Facebook，相對上較單向。而且傳媒機構都冇乜投資落去用 IG，睇 IG 好多時都係睇人睇相，所以我又麻麻地嘅。
至於 Snapchat 先好笑，上個星期，港女同啲同事一齊研究點樣用 Snapchat，好似一班阿公阿婆學玩電腦追上潮流咁，勁生疏。不過學識都冇用，我都冇朋友一齊玩，唔通日日同坐隔離位個同事 Snapchat 咩？真係明知 Snapchat 係後生仔世代流行都冇用，因為真係冇機會用丫嘛…
而家港女個電話裝勁多呢啲通訊及社交媒體 Apps，用唔同的 App 跟不同的 friend groups 溝通，有時都幾麻煩，要扮後生就無辦法啦…
為圖像加入「小鬼」水印 Snapchat 清楚標明 AI 生成圖像 IG 測試加入 Meta AI 聊天機械人 可以透過 DM 回應各類型問題 保護青少年免被金錢勒索 Instagram 將為 DM 私密照模糊化處理