唔少 wire 民都會趁假期去旅行，放鬆下叉電，去旅行除咗要帶衫褲鞋襪同相機之外，今時今日講求乜都手機先食，玩玩下手機無電真係即時乜 Mood 都冇晒，所以「尿袋」同各種充電器都係隨身必備。今次小編就挑選了 6 款 Fit 晒旅行用嘅 IT Gadget 產品，唔買都睇下喇。
配備 Thunderbolt 的 G-DRIVE ev ATC 擁有三防設計的外殼，可以保護硬碟免受壓力、震動和灰塵損害，更具有防水磁碟機區間進一步保護硬碟內的資料，尤其適合戶外使用。如果各位 wire 民部機無 Thunderbolt，其實內藏的 G-DRIVE ev RaW USB 硬碟可以直接拆出來當作 USB 3.0 硬碟使用，外殻同時兼容 G-DRIVE ev 和 G-DRIVE ev SSD，適合追求讀寫速度既用家。
建議零售價：$1,650（1TB）
呢款外置硬碟比上面介紹既除了防撞之外，仲通過 IPX3 防水及 IP5X 防塵測試，還支援 256-bit AES 硬件加密技術，會自動將資料加密，因此即使硬碟在旅行途中意外遺失，都不怕資料外漏，保障大家最私人既資料。它還內置 NFC 讀卡晶片，除了可以使用密碼認證外，還可以透過附送的 NFC 卡或新款八達通卡進行解鎖，方便之餘又不怕因為忘記密碼而失去資料。
建議零售價：$1,679（2TB）
TOURO 呢款 USB 3.0 外置硬碟除了輕巧，更有超級簡單易用的本地和雲端雙重備份功能。雙重資料保護能更全面保護照片、電影、音樂和檔案，還可以使用 3GB 雲備份空間，隨時隨地透過手機或電腦進行存取，去完旅行只要 Send 條 Link 就可以同其他人分享。
建議零售價：$ 410（1TB）/ $ 670（2TB）/ $965（3TB）
Kuner 炫彩版充電、擴容手機保護殻，可以為 iPhone 6/6S 提供額外 2,400mAh 備用電量，咁大家就唔洗再帶「尿袋」，想點影點拍都無問題。除此之外，Kuner 更具備全球 PCT 專利技術的 LightSync介面，在外殻底部設置充電介面，唔洗拆殼都可以透過 USB 線充電或連接電腦傳輸資料，夜晚返酒店過相過片就更方便。如果大家仲用緊 16GB iPhone，好多時出發前都要 Delete 晒手機入面既相或片，有左呢款外殻就唔洗再擔心，因為內置了 16GB 儲存空間，配合 Kuner App 就可以將旅程中既靚相同片 Backup 到 Kuner。
建議零售價：$439（16GB）
試諗下，現時大家都一部電話一部平板，如果 2 個人去旅行，加埋「尿袋」就已經有 4 ~ 5 部機要叉電，酒店房就一定無咁多個插頭俾大家用，唔想帶多個拖板，呢款體積細既充電器就十分適合。只要一個電掣位最多加埋個轉插，就能同時為最多 5 部裝置充電，輸出包括 2 個 2.1A（快充）、2 個 1A 以及 1 個 1.3A（Samsung Tab），最大總輸出達 5A。加上體積輕巧，收納方便，而且支援國際 AC100-240V，絕對是去旅行的最佳拍擋！
建議零售價：$189
現時去旅行，尤其自由行，好多時都要靠 Google Maps 搵路，但長期開住上網同 GPS 部手機好快冇電，所以「尿袋」基本上都係旅行的必備配件！iBuffalo BSMBU09 系列充電器內置 5,200mAh，提供一個 USB 2.1 輸出，無論手機定平板叉電都更快！輸入方面更有 2A 快速充入設計，充滿電只需約 4.5 小時，咁就唔怕朝早起身出發仲未叉滿！
建議零售價：$199
產品查詢：漢科
電話：3626 9899