有時係 Instagram 見到啲大師級嘅 feed ，可能同自己拍嘅構圖好相似，但出嚟嘅效果同顏色就完全唔同，其實好大程度係 Editing 嘅差別；你有無諗過可以有 App 幫你自動修圖先再 post 係 Instagram 呢？新推出嘅 iOs App – Hippo Pics 就有免費編輯 Instagram 相片嘅功能啦。
Hippo Pics 有一隊自己的 Editor 團隊，用户可以選擇同佢地合作，由專業人士為你嘅相片編輯，同時用户亦可以係 Hippo Pics 上瀏覽其他用家嘅 before & after 相片（噤實就會顯示 before ，鬆手就會顯示返 after）從中學習修圖技巧。
雖然 Hippo Pics 看似方便，但其實佢亦有一啲限制：對於用户嘅自拍相或者普通用餐相片， Hippo Pics 一律都唔會接受。Hippo Pics 主要接受風景 ﹑ 建築以及創意人像相片。而且 Hippo 亦抱住「零容忍政策」，謝絕任何提交並非由用户所拍嘅相片。
至於最擔心嘅一個問題，「咁 Hippo 幫我修圖係咪即係張圖嘅擁有權有佢份？」答案係唔會。只要用户將修好嘅相下載落嚟後，再從 Hippo 上刪除該相片，無論係未經編輯定修好嘅版本亦都唔會再係 Hippo 出現。
以下就係 Hippo Pics 介紹短片：
來源： Hippo Pics （下載請按此）
IG 測試加入 Meta AI 聊天機械人 可以透過 DM 回應各類型問題 保護青少年免被金錢勒索 Instagram 將為 DM 私密照模糊化處理 IG、Facebook 五月起標註 AI 生成內容 盼能解決假新聞問題