【unwire 技巧】Windows 10 平板／筆電用戶注意！教你找出耗電主因

對於使用手提電腦及平板電腦嘅 wire 民而言，擁有高續航力是十分重要，起碼出街都可以帶少個充電器吖！所以，令電腦更省電，能用更長時間，首先就要了解電腦中邊款程式最耗電，才能對症下藥。

如果各位 wire 民要經常拎手提電腦出街用，最擔心就喺部機究竟可以捱到幾耐，要唔要搵 Starbucks 坐低叉下電咁呢？好多時大家都覺得 Windows 10 個系統本身好食電，因為就算 MacBook 都係用差唔多嘅規格，但部機就點都覺得可以捱耐啲。其實好多時大家用電腦嘅時候，最食電並唔係 CPU 亦都未必關個系統事，好可能喺其他地方不知不覺咁消緊電，想知道喺 Windows 10 中，邊款程式最耗電十分簡單，唔洗用劍嘅，打開電腦設定就得喇！

▲首先喺「系統」設定就會有關於「電源」選項。

▲進入「系統」後點選「省電模式」，就會見到 Windows 10 「電池使用情況」。

▲打開後就會見到各項用電的統計。例如︰這部電腦耗電最勁就喺熒幕，佔左足足 80%，其次先喺系統本身。

▲除了可以睇一日的耗電量，亦可以睇兩日以至一週的耗電量統計，咁相對嚟講就會更準確。

▲捲到下方就可以搵到邊款程式最耗電。

▲大家以根據有邊啲程式因為背景執行所以食電，如果喺非必要嘅程式，就可以進入「變更背景應用程式設定」關閉程式。

小貼士︰ Windows 10 省電模式

▲如果大家想進一步節省用電，可以在畫面右下角工具列或設定中打開「省電模式」。

▲在「省電模式設定」中，大家可以指令電力尚餘多少就自動開啟省電模式，也可以設定哪些程式會不受省電模式影響。