想飲啤酒? 先爬欄 ! Billy +依莉詩挑戰戶外竹棚酒吧

2016-04-30

Published by

Billy

户外酒吧可能大家平時都去唔少，不過以竹棚搭成嘅戶外酒吧呢？ Tiger Beer 係 4 月 28 日至 5 月 2 日，帶來首個以竹棚搭成嘅户外酒吧，而且只要攀爬成功就會送上啤酒一罐。有得玩又有得飲， Billy 我同依莉詩又點會錯過，依家就帶大家睇下啦！

男人爬有 D 痛..

今次 Tiger Beer 舉辦嘅户外竹棚攀爬，目的係鼓勵香港人重燃自己「是敢的」精神。Tiger Beer 戶外竹棚嘅攀爬平台分別設有兩個高度，一個高 1.7 米，而另一個則係高 3.1 米。咁若然細膽嘅女士就可以試玩比較矮嘅竹棚，無咁驚嘛；如果自問非常大膽，當然就係挑戰 3 米高嘅啦！

攀爬始終屬於較危險活動，所以係開始前都會有工作人員進行講解，並且比同意書參加者簽嘅！

簽完同意書，就可以將隨身物品放入 Tiger Beer 準備嘅 locker

緊住就係由工作人員為參加者帶上安全裝備

依莉詩爬嘅呢個就係 1.7 米，其實只係比依莉詩高啲架咋，細膽的女仔玩就啱晒啦！

而隔離藍色呢個就係 3 米高嘅竹棚

其實爬上去並唔會好驚好難，比較得人驚反而係望住 3 米嘅高度滑落嚟

企係 3 米高嘅攀爬平台上睇依莉詩特別細粒 XD

其實速度都幾慢，所以唔算好驚；但其實我被條繩吊住，「下面」個位被扯住扯住，真係男人最痛啊~~~

參加者只要落返地面之後，就可以獲得「是敢的」勳章同 Tiger Beer 乙罐架啦！

而將你爬棚影嘅或者係平台自拍嘅相分享上 Instagram 以及 hashtag #uncagetigerhk，Tiger Beer 更會即場打印相片並配上獨特相框

攝影比賽

除咗户外竹棚酒吧外， Tiger Beer 仲同時舉辦咗一個名為「Tiger敢想敢做Photo Battle」嘅攝影比賽。係 2016 年 4 月 13 日至 5 月 13 日，參加者只要上載個人「是敢的」勇敢照片至個人 Instagram 帳戶，再 hashtag 返 #uncagetigerhk 兼分享勇敢經驗或宣言就可以啦。一位「最有種主題」勝出者可獲得 Kodak PIXPRO SP360 4K 相機一部；而兩個「超有種主題」勝出者將可獲 2 小時 Flyboard 水上飛板體驗； 20 位「最多回響主題」可獲 Tiger 啤酒杯或 Tiger 藍牙喇叭一份。