各位 wire 民平日睇說明書、論文、通告等，會遇到唔少都係 PDF 檔，但好多時呢類文件都鬼死咁長，要搵出個重點來，通常都會利用搜尋關鍵字，當然咁簡單睇一份文件就梗係無問題喇！但如果遇上要同時睇幾份文件，好似近期大學生就快要趕交論文，需同時比較幾份文件，搵出共同嘅關鍵字，咁就煩惱了喇，唔通要逐份打開逐份找？有 unwire 小技巧就梗係唔洗咁麻煩喇！
好可能大家平時開 PDF 都會用 Adobe Reader，而今次就會用到另一款 PDF 閱讀器，叫做 Foxit Reader，佢入面有一個進階搜尋功能，可以將同一個資料夾內嘅 PDF 進行跨文件搜尋，快速比對目標字詞。
▲今次準備了三份相機說明書的 PDF 檔，放在一個名為「manual」的資料夾。
▲打開程式後，移至畫面右上角點擊「搜尋資料夾」圖示。
▲打開整個搜尋面板後，選擇要進行搜尋的資料夾及輸入要搜尋的關鍵字。例如︰今次是要喺 manual 內各份文件中，找出含有「對焦」一詞的地方。
▲完成搜尋後，Foxit Reader 就會列出所有提及該關鍵字的 PDF 文件。
▲所有列出的 PDF 文件都是一個連結，點撃後就可以直接打開文件。不但如此，就連文件內邊頁有該關鍵字都會列出並可直接進入，加上反白顯示，方便查看。
