可能各位 wire 民屋企都用緊 500Mbps 甚至 1000Mbps 寬頻，但隨住越嚟越多裝置都要上網，又遊戲機甚至連電視都話要上網，但如果部機本身無 WiFi 又或者屋企好大驚個 WiFi 唔夠強影響傳輸速度嘅話，HomePlug 其實係一個唔錯嘅選擇。
TP-LINK 近日發布了 HomePlug PA9020P-KIT，呢款 HomePlug 速度上已經達到 AV2000 規格，AV2 2000Mbps嘅速度再加上 2 個 Gigabit LAN，透過屋企嘅電線進行資料傳送。除咗可以傳送資料之外，佢同時都係一個電源插座，可以照常為其他設備提供電源，唔會因為用 HomePlug 而少咗個插座。佢仲特別加入 2 個 Gigabit LAN，除咗方便同時連接更多裝置外，仲真正達到 4K TV 極速串流，就算要經網絡或 NAS 串流 4K 片都唔會再「窒下窒下」。
呢款 HomePlug 符合最新 HomePlug AV2 標準，加上 2×2 MIMO w/Beamforming 技術，透過 MIMO 來提升傳輸速度，最高可達2000Mbps，更可以向下兼容任何 AV HomePlug 使用。由於傳輸速度夠快，所以就算串流 3D/4K TV 高清影音都絕對無問題。內置更有先進 QoS，可以優先處理影像、音訊訊號及遊戲資料，如 VoIP、HDTV 訊號等，仲有 IGMP 管理，支援 Now TV 寬頻電視。
以前初代 HomePlug 嘅最大缺點，就係會好容易受到其他電子設備嘅干擾，當同一電網入面有越多設備，傳輸速度就會大大下降。PA9020P-KIT 內建電源濾波器，可以抑制周邊電子產品所帶來嘅雜訊干擾，令電力網絡更穩定，就算耗電量大嘅設備插入插座時，網絡速度亦都唔會突然降速。另外，PA9020P-KIT 亦支援 128-bit AES 加密，有效防止資料外洩。透過專利節能設計，閒置時會自動切換至省電模式，節省超過 85% 電力。
TL-PA9020P-KIT (一對裝)
建議售價: $968
查詢：Everbest（2541 2982）
