各位 wire 民如果用電腦只喺上 Facebook 或者睇下片嘅話，除非要睇 4K UHD，否則入門級硬件都已經可以應付得到，所以近年都越來越多廠商推出各種細小的 miniPC 甚至更細小嘅 Stick PC，今年台北 Computex 2016 場內，都可以見到唔少廠商都有推出相關的產品，其中不少 miniPC 在硬件規格上更作出升級，部份除咗有樣之外，更可以睇 4K 甚至有埋 7.1 聲道輸出。
Stick PC 進化版
自從 Intel 在去年發布了第一代 Compute Stick 之後，這一年內都有不少廠商推出採用相同設計的產品，不過早期產品的最大缺點是效能過弱，就算開機入 Windows 都要好耐，開多幾個軟件都已經慢到不行。今年，台北 Computex 2016 內所看到的 Stick PC，在硬件上都作出升級，而且擴充功能亦更為齊備，相信之後推出嘅產品或者會更能吸引到用家吧。
▲Zotac 呢款 PICO P1220 用上效能更高的 Atom x5 處理器，仲同時有 802.11ac 同 LAN，更適合未必有 Wi-Fi 嘅辦公室用。
▲ECS 呢款在體積上就更加細，只喺比一般 USB 手指大少少，但已經有 2 個 USB 擴充性更大。
▲至於呢款 SlimBox 更聲稱最高可用上 Core i7 處理器，Full Load 果時真係可以散到熱？
miniPC 變做家居潮物
以往大家可以選擇的 miniPC 其實唔多，對於要追求效能的用家，最佳辦法都喺自己買料砌，但始終專門針對 miniPC 而設計嘅硬件並不多。今年場內，就可以見到部份品牌所推出嘅 miniPC，都已經用上更強的硬件配置，桌面級處理器、SSD 甚至有埋獨立顯示卡，打機睇 4K 片都一樣無問題，仲可以出埋 7.1，最重要是外型變得更時尚，放在客廳都唔會覺得突兀。
▲Acer Revo 的最大特點就喺用家可以按需要加入唔同嘅模組，升級更具彈性又唔洗次次都要拆機咁麻煩。
▲Gigabyte 呢款仲可以滿足到遊戲嘅需要，入面已經有 NVIDIA GeForce GTX 950 顯示卡同 SSD，邊個話 miniPC 唔可以打機。
▲唔講各位 wire 民都未必會知中間圓柱形嘅物體就係一部電腦，完全融入客廳嘅時尚設計。
分享到 :
最新影片
