HKT 香港電訊大家都好熟悉，而佢旗下主打智能化同 Lifestyle 嘅 「Smart Living」 大家又有無留意呢？ 喺 HKT Smart Living 你可以搵到最新最潮既智能生活產品，種類多元化而且同日常生活式式相關，由數碼娛樂，個人運動及健康監察，影音享受，動態攝影，智能化家居管理等等，甚至 2016 大熱嘅 Virtual Reality(VR) 虛擬實境都有。想知今季佢地有乜野係至新至潮？不妨睇下小編以下嚴選既五項推介啦！
全港率先體驗！ HTC Vive 虛擬實境裝置
首要推介嘅當然就係最近全城熱爆嘅 HTC Vive ！作為首個可以喺虛擬世界走動嘅虛擬實境裝置，除咗提供兩組共 2160 x 1200 解像度及高達 90FPS 嘅顯示器，視覺衝擊非常震撼之外，透過全方位動作追蹤功能，更可提供真實嘅空間定位體驗。唔止可以企、蹲或坐住進行探索，亦可以喺指定範圍內四處走動同透過 controllers 進行各種操作，同虛擬世界物件互動。
HTC Vive 現時已經有超過 100 個應用程式，內容除咗遊戲之外亦包含娛樂、教育、設計、醫療同駕駛等嘅虛擬實境內容，一家大細都適用。
小編使用感受：初次試玩 HTC Vive 嘅感覺就係畫面相當靚，真實感非常強！打槍戰射擊遊戲好刺激，另外玩 Google Tilt Brush 嘅時候更係畫到愛不釋手，因為 functions 非常多而且畫面又夠靚，喺虛擬世界入面畫 3D 畫完全同平時平面畫畫嘅感覺好唔同！
*有興趣體驗 HTC Vive 嘅讀者，可以立即到沙田 HomeSquare Smart Living Store 、 HKT 中環 Signature Store 或 HKT 旺角旗艦店率先試玩
Ricoh Theta S 360°全景拍攝數碼相機
一家人出外旅行，當然會影下相拍下片留念；雖然依家唔少手機同相機嘅廣角端都非常 wide ，但要將所有人同四週景色一齊攝入畫面始終有難度。所以，小編就推介 Ricoh Theta S 比大家。佢係一部 360 度全景拍攝數碼相機， Theta S 已經係第三代，1200萬像素嘅雙魚眼鏡頭最大光圈可達 F 2.0 ，無論你想要影嘅嘢有幾闊都可以影得到！而且除咗靜態嘅圖像外，亦可以拍攝影片（最長為 25 分鐘）。簡單易用又玩味十足嘅 Theta S ，絕對係合照必備嘅相機！
小編使用感受：最先比 Theta S 吸引嘅當然就係 360 度全景相啦！除咗影出嚟嘅全景相構圖非常獨特，仲可以利用手機 app 換成唔同既視點，例如最常用既 Panorama 同 spherical，其次係手機 App 已經可以即時 playback 啲相，同朋友去到邊影到邊，影完即時擺上 Facebook 分享同 tag 返朋友都相當方便！（若想感受由 Theta S 拍攝的全景相，可以點按此。）
Kodak PIXPRO SP 360 4K 運動型相機
如果你唔止有 360 度全景拍攝需求，仲需要相機能夠上山下海加拍攝 4K 畫質，咁就可以考慮下 Kodak SP 360 4K 運動型相機。比起 Ricoh Theta S ， Kodak SP 360 更適合用於拍攝專業 360 VR 影片，皆因佢擁有 4K 拍攝規格，更高嘅細節、清晰度同精確度絕對會令你一試就愛上。而且亦可以用雙相機底座將兩部 Kodak SP 360 固定，拍出 360°全景球形照片同視頻，咁就唔怕錯過任何一個精彩畫面啦！
小編使用感受：要拍出 360 VR 影片，好多時要用多部 Action Cam 同厚重底座，相當唔方便；而 Kodak SP 360 僅需兩部便可完成 360 VR 影片，輕便之餘，而且 4K 輸出相當 sharp ！機身按鍵夠多亦就手，連埋穿戴係手嘅遙控，即使係初上手嘅用家調整設定亦好方便！
Fitbit Blaze Fitness Watch 運動智能手錶
想買隻手錶同時可監察自己運動同健康狀況？充滿時尚感同金屬框設計嘅 Fitbit Blaze 就「 perfect 池」！作為智能健身手錶，佢有來電同訊息通知，咁就唔怕平時大頭蝦聽唔到電話響；而健康資訊嘅記錄追蹤更加可以方便 check 返自己健康狀況，另外係一錶在手就可輕鬆測量心跳，運動時必備。
而如果唔 like 膠錶帶， Fitbit Blaze 亦有提供纖維、真皮同不鏽鋼鏈多樣選擇，更換十分方便，日日襯返唔同衫都得！
Philips Hue 2.0 無線智能燈光
若然你想打造一個型格家居嘅話， Philips Hue 2.0 絕對係不二之選。 Philips Hue 2.0 無線智能燈光可以透過手機及平板 App 控制顏色、光度同對比度，轉換十分方便；而且有 1600 萬色可選，最強光度可達 1600 流明，燈光更可擴展到 10 米之遠，靈活嘅安裝性更可以俾你輕鬆裝係家中任何角落。燈光顏色、光度、對比度對營造氣氛十分重要：較光的白燈適合讀書或是工作，其他顏色的燈光則適合營造室內環境氣氛及情調。最新 2.0 版本更支援 Apple HomeKit ， iOS 用家可用 Siri 聲控，方便之餘極有未來感！
潮流嘅智能產品又點止幾樣，想搵更多？你可以喺沙田 HomeSquare Smart Living Store 及 HKT 各區專門店搵到更多潮流智能產品，Smart Living 陳列室更可以俾你體驗多項嶄新嘅家居智能方案。
父親節「智」潮優惠 買滿 1,000 即送 50 現金券
距離父親節仲有唔夠一個月，仲未諗好買咩禮物嘅你，買件潮流產品俾 Daddy 就至啱： HTC Vive 送俾鍾意打機嘅爸爸； Ricoh Theta S 送俾鍾意影相記錄日常嘅型爸； Kodak SP 360 4K 送俾上山下海拍片嘅壯爸； Fitbit Blaze 送俾追求時尚兼智能嘅潮爸；而 Philips Hue 2.0 就可以俾爸爸做燈光方面嘅一家之主。
今個月買野仲有優惠添，由即日起至 6 月 30 日，購買指定正價智能產品每滿 $1,000 ，即額外送 $50 Smart Living 現金券，買得多送得多。
HTC Vive 虛擬實境裝置 建議零售價︰$8,199 (全港率先訂購及體驗)
Ricoh Theta S 360°全景拍攝數碼相機 建議零售價︰$3,290
Kodak PIXPRO SP 360 4K 運動型相機 建議零售價︰$3,680/$6,880 (單機裝/雙機裝)
Fitbit Blaze Fitness Watch 運動智能手錶 建議零售價︰$1,598
Philips Hue 2.0 無線智能燈光 建議零售價︰$1,998
如果你係 PCCW ‧ HKT ‧ csl 嘅客户，指定產品更可享有尊享嘅客戶優惠價，詳情可以喺以下途徑查詢。
Smart Living 銷售及查詢
Smart Living Store 及 HKT Smart Living 陳列室：點按此
HKTShop (Online)： 點按此
銷售熱線：2888 1888 （按 7 ）
唔怕唔識用！ 智能生活體驗教室
心郁郁想試新野或買咗新智能產品唔太識用？雖則可以睇說明書或者上網搵教學，但如果有個人教同埋問就緊係最好最方便啦。 HKT Smart Living 一直都有提供費用全免嘅智能生活體驗教室，教導參加者有關最新智能科技，仲可以即場學點玩，而小編就喺到推介兩個比大家：分別就係「Smart Living Virtual Reality (VR) 拍攝及製作體驗教室」以及「 Smart Living 智能家居清潔教室」。
Smart Living Virtual Reality (VR) 拍攝及製作體驗教室
- 介紹 VR 基本概念
- 簡單 VR 拍攝及片段剪輯
- 教授如何分享 VR 紀錄至手機及社交平台
- 親身試用及體驗
- 問答環節
日期： 6月 18 日
時間：下午 3 時至 4 時半
地點：沙田客戶服務中心 – 新界沙田新城市中央廣場 2 座 17 樓 1720-21 室
Smart Living 智能家居清潔教室
- 介紹各款智能清潔機械人操作及使用方法
- 親身試用及體驗
- 問答環節
1) 日期：6 月 11 日
時間：下午 3 時至 4 時半
地點：荃灣客戶服務中心 – 新界荃灣青山公路荃灣段 303 號荃灣機樓地下
2) 日期：6 月 25 日
時間：下午 2 時半至 4 時
地點：銅鑼灣客戶服務中心 – 香港銅鑼灣禮頓道 38 號東區電訊大廈 10 樓
立即登記體驗教室：點按此
分享到 :
最新影片
