上星期日 unwire.hk 舉辦了一場「Sony Xperia X 系列手機體驗日」，當日座無虛席，各位黎到嘅 WIRE 民都可以率先試玩全新嘅 Sony Xperia X 系列手機，仲有網絡女神 Kiki Tam 譚淇淇做活動嘉賓，唔少 WIRE民都可以同 Kiki 大玩遊戲同近距離接觸添！當日的遊戲結果亦會於此文公佈，究竟邊個可以得到 Sony Xperia X Performance 手機一部呢？就要留意以下文章了！
Sony Xperia X 系列的四大突破
Sony 剛剛推出咗今年全新 Xperia X 系列手機，而當中最頂級的全新旗艦 Xperia X Performance，除咗擁有 Snapdragon S820 處理器﹑3GB RAM ﹑ 64GB ROM 等旗艦規格，仲加入全新的對焦系統「預測追焦」令手機拍攝能力大幅提升。現場就可以立即試試到底新對焦系統有幾快！
Fast Capture 0.6 秒 相機啟動連拍攝
係 Xperia X Perforamance 與 Xperia X 兩款機種上，均加入了 Fast Capture 0.6 秒相機啟動連拍攝。即係點呢？Sony 好多手機都有 Shutter Key 影相專用拍攝鍵就大家都知，而係 Xperia X Performance 同 Xperia X，只要長按拍攝鍵，就可以係 0.6 秒啟動相機連拍攝。亦即係可以做到「一按即拍」！
▲Kiki 同現場朋友玩得好開心！
▲佢地都玩緊呢個0.6 秒啟動相機連拍攝遊戲，睇下開相機影相係咪真係咁快先！
▲恭喜三位勝出遊戲嘅得獎者獲得豐富禮物。
相關文章:
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 新 X 用戶等 3 個月才可發文 兩國試新制度打擊 AI 假帳戶 外媒證實 PS5 Pro 傳聞 預料或在今年年底推出
加入「預測追焦」 從此不再怕失焦
而對焦系統部分除了保留先前 Z5 的 0.3 秒混合式對焦外，亦導入了新的「預測追焦」。當用戶係屏幕上選擇對焦點之後，相機就會追蹤呢個物件嘅移動軌跡，並且係按下快門之際，計算物件可能嘅移動位置，並自動對焦係呢個位置上，係拍攝移動緊嘅車、跑緊嘅寵物或者小朋友呢類場景，更不容易因為拍攝主體嘅移動而導致失焦。
而且因為鏡頭已經先對焦係主體可能移動到嘅位置上，因此對焦時間可以更快，唔需要重新做一次自動對焦，導致拍到嘅畫面同按下快門時的畫面差太多，甚至發生拍攝主體都已經跑到畫面之外的情形。
▲Kiki 都即場試下係咪走黎走去嘅波波都咁易對到焦先！
無邊框設計 望落夠哂 slim
另一款 Xperia XA 則帶來矚目的近乎無邊框設計，夠型夠潮，一眼望落夠哂slim。而且仲有13MP 前置相機鏡頭，咁高像素，咩光源下自拍都一樣咁清咁細緻 。
▲近乎無邊框設計，夠型夠潮，仲有13MP 前置相機鏡頭，咁高像素，咩光源下自拍都一樣咁清咁細緻。
5 吋揸手好操控 全新優化更慳電
正當依家嘅手機越來越大部， Xperia X 系列就反其道推出 5 吋機種。雖然無咗大屏幕嘅爽感，不過換來更多好處：手機變得更加好揸手，就算一隻手拎住嘢，單手操控手機都無問題，而且仲可以輕輕鬆鬆放落褲袋。
另外，Xperia X 系列手機亦對電池作出咗優化，包括加入 Stamina mode 智能慳電功能，令電池更加慳電耐用；而且亦加入咗獨家嘅 Qnovo Adaptive Charging，可了解用戶的習慣而自動調節充電時間，可有效令電池壽命增加 2 倍，夠哂智能。Kiki 話方便晒佢出去做野時一得閒就拎手機出黎玩，就算拎出街用全日都唔怕唔夠電！
▲5 吋機，點揸都咁好揸！
相關文章:
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 新 X 用戶等 3 個月才可發文 兩國試新制度打擊 AI 假帳戶 外媒證實 PS5 Pro 傳聞 預料或在今年年底推出
試玩會精彩回顧！
▲Kiki 即場分享絕密 Selfie，原來為咗俾大家知 Xperia X 嘅鏡頭影得有幾靚。
▲現場最多參加者就緊張就係相機鏡頭！
▲當日Sony 仲戴埋耳機可以俾現場讀者試聽靚聲添！
▲Xperia X系列咁多顏色揀，襯衫一流
參加者訪問：
Louis 及 Cherry : 三部機不同材質夠特別
Louis 有時都需要戶外工作，以往特別喜歡 Sony Xperia 防水功能，就算機身有污跡，都可以成部拎去沖水！而 Cherry 就最喜歡 X 系列嘅機身設計，XA、X 及 X Performance 都用上不同材質嘅機身，令每款機都各有特色！
黃先生 及林小姐 :「勁快 0.6 秒影到相，粉紅好靚」
黃先生本身都用緊 Xperia Z 系列，但試過之後，非常喜歡 Xperia X 系列嘅影相性能。Fast Capture 功能，令啟動相機連拍攝都只需 0.6 秒，一定唔會錯過精采一刻。而林小姐就特別喜歡 X 系列的粉紅色機身，比一般標榜「粉紅」嘅其他品牌手機更「粉紅」！
多謝各位讀者踴躍參加，下次再見！
相關文章:
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 新 X 用戶等 3 個月才可發文 兩國試新制度打擊 AI 假帳戶 外媒證實 PS5 Pro 傳聞 預料或在今年年底推出
當日遊戲活動結果公佈：
當日活動參加者 Royal Fox 已被 Sony Mobile 揀中，可以得到 Sony Xperia X Performance 手機一部，我地會透過 Facebook 私人訊息發送換領詳情，敬請留意。
相關文章:
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 新 X 用戶等 3 個月才可發文 兩國試新制度打擊 AI 假帳戶 外媒證實 PS5 Pro 傳聞 預料或在今年年底推出
分享到 :
最新影片
