講到砌機，唔少 wire 民都可能只會著重各種硬件的效能或者價錢，但其實機箱都可以話是整部電腦的靈魂。今時今日大家買機箱都可能會揀一個較細小，最好就個樣「靚靚仔仔」，就算住蝸居都可以放在客廳又唔會突兀，不過細機箱好多時內部空間就好有限，未必用到水冷之餘，可能連較長的高階顯示卡都未必裝得落。
XIGMATEK 最新推出了 Octans 236B 南極星 Gaming 機箱，呢款機箱只有 412 x 189mm，是一個 mATX 尺寸的機箱。加上流線型設計令機箱更顯型格，仲有黑白兩隻顏色，其中白襯紅真係幾靚仔，並採用 ABS 和鋼材質料打造，唔似得其他平價機箱用較差的物料。雖然 Octans 236B 為 mATX 尺寸，但內部其實是 ATX 設計，可以安裝 ATX 火牛、2 組 3.5” 插槽及 4 組 2.5” 插槽，絕對可以媲美一般的大機箱。
透明側板
要有最高的遊戲效能，採用更快效能更高的處理器和顯示卡都是必然，要用上高階硬件就顯得散熱系統更為重要。Octans 236B 就可以兼容 340mm 長顯示卡，高 16cm 的 CPU 散熱器，想超頻的玩家更可以在前面安装 240 × 120mm 水冷散熱器。近年，唔少 DIY 硬件都加入 LED 發光元件，機箱就用上透明側板，各位玩家就可以看到千變萬化的機箱內部。
建議售價：$329
查詢：漢科（3626 9899）
分享到 :
最新影片
