Pokemon Go 香港應該呢幾日內有得玩了，但新版本的功能更精彩 !
用隻超夢夢換你隻比卡超？ 網上唔少消息都指香港會在 7 月內正式上架，但實際日期就仲係未知之數。雖然隻 Game 仲未全球上市，但遊戲開發廠商 Niantic 就已經想加入新功能，而呢個新功能就係大家等咗好耐的「交易」系統，相信就會令到隻 Game 變得更加好玩。
有玩過 Gameboy 版的 wire 民都應該有試過同朋友交換小精靈，始終每個人的玩法都會唔同，有人中意高攻小精靈可以一擊必殺，又有人會鍾意高攻速，但每次捉回來的小精靈，就算是同一款所擁有的技能都未必一樣。透過全新「交易」系統，就可以同朋友進行交換，想要最強攻擊又得，想要高攻速又得，可以慳返好多刷怪的時間，同時亦保留了寵物小精靈遊戲的精髓之一。
不過，當遊戲擁有「交易」功能，將來唔難估計會有人「賣」小精靈賺錢，尤其以稀有小精靈好似超夢夢咁應該會相當搶手。
另一新功能就是加強 AR 增實效果，不排除可以用更高階的裝置如 Microsoft 的 HoloLens ，令到玩家更投入。最後更透露，不久將來會有全球的玩家排名榜。
來源 : Tech inside
Pokemon GO 更新引來大量負評 3D 模型令女角變醜
