半年前介紹過一部 ArtPro Nail Pro Wireless 高清指甲機 ，唔少姊妹都問我邊度有得整。最近又一城 LOG-ON 裝修好之後，就新增咗個 Gel 甲專區。我依莉詩就急不及待去試真 D 呢部機。
之前都介紹 ArtPro Nail Pro Wireless 高清指甲機 可以 18秒就將心儀圖案印上指甲，比起美甲師逐筆逐筆畫更快更細緻。而今次又一城 LOG-ON 的 Gel 甲專區就放咗一部啦！只要購買任何美妝護理產品滿 $300 或 任何石澤研究所產品滿 $200 就可以係 50款不同風格的圖案中揀選 20款印係高清美甲片上，體驗高清美甲的魔力。而 8月後仲會提供即場美甲服務，可以真正印係手指上添！
▲ Gel 甲專區都幾細下，暫時只得一個坐位同一部機。
▲ 只要透過 Apps 就可以將自己想印的圖案傳到美甲機。
▲ 揀好甲片的圖案，唔駛 1分鐘就印好了。
▲ 美甲機仲有可愛的撫子同夏日甜品為主題的獨家圖案，印係甲片上就可以鍾意幾時黐係手指都得啦！
▲ 而我就率先體驗咗直接印係指甲的服務。因為 LOG-ON 唔係美甲店，所以同之前試的有少少分別。唔需要拆甲同油底油，直接貼上甲貼。
▲ 然後就可以將手指放係美甲機印圖案。
▲ 好似打印機咁，18秒就印好一隻。
▲ 最後油埋面油就搞掂，真係 30分鐘都唔駛就可以做到 Gel 甲了。
▲ 我揀的夏日圖案靚唔靚呢？
▲ 就算本身整咗 Gel 甲，將甲貼貼上去一樣整得。咁就可以話換款就換款。
之前要試呢部機都要去中高檔次的美甲店先有，依家係 LOG-ON 都有，成件事即刻平民咗。雖然未知試做價係幾多，不過應該都唔會太貴。本身用美甲機印花已經好快，依家用埋甲貼的方法整，連拆甲同油底油都慳番，真係又快又薄！
除咗指甲打印機，個人化禮物專區仲有部相片打印機，手機的相可以即時印出嚟，旁邊仲有多種貼紙、顏色筆、印仔等等俾你即場加工相簿，製成獨一無二禮物送贈摯愛。
▲ 相片打印機有不同的尺寸可以揀，成印咩 size 的相都得！
▲ 旁邊仲有多種貼紙、顏色筆、印仔等等俾你即場加工相簿，啱晒臨急抱佛腳的朋友。
▲ 配合生日、聖誕節、結婚等不同節日主題，從挑選底座、音樂機芯、配件及刻上的字句或圖案，一手一腳打造獨一無二木製音樂盒。
又一城 LOG-ON 店
地址:九龍塘又一城 UG 層 01 號舖
營業時間:上午 11:00 至晚上 10:00 (星期一至星期四)、上午 11:00 至晚上 10:30 (星期五至星期日及公眾假期前夕)
查詢電話:2736 3866