非洲咁遠未必個個去到,但用 VR 就可以將非洲的草原立即搬係眼前。港產遊戲軟件設計師 淘滿慈 就將 3款獨家設計的非洲歷奇遊戲帶到德福廣場,好讓我地可以360度全景觀賞「非洲五巨」及各式瀕臨絕種的珍稀動物。我依莉詩今日坐上吉普車出發影大象啦!
▲ 吊橋頭個幾步仲要係爛嘅,真係有 D 腳仔軟!
行完攞膽嘅吊橋,可以企上吉普車後方,睇下動物輕鬆下。係只見動物不見人的馬塞馬拉大草原上,你可以用望遠鏡搜尋獅子、大象、犀牛、水牛、花豹等「非洲五巨」身影。而最有趣的是吉普車後方會左右搖晃,就好似真係企左上係前行緊的吉普車上,睇動物之餘都要練好平衡力啊!
▲ 除咗「非洲五巨」,東非劍羚、長頸羚、網紋長頸鹿和細紋斑馬等亦會在遊戲中出現,你又認到幾多種動物呢?
▲ 大草原背景上有架 1:1 比例的吉普車,令你玩得更投入。
Meta 放棄與 Apple Vision Pro 競爭 轉移重心開發低成本 VR 裝置 安坐家中 Vision Pro 雲端試車 淘寶小米合作推虛擬小米 SU7 試車體驗 FevaWorks 兩大免費遊戲開發工作坊 掌握開發技能建立自家遊戲
最後一個挑戰可以話有番少少難度,因為要係被稱為「非洲屋脊」的乞力馬札羅山上展開滑翔傘,係晃動同涼風下,用雙手操縱滑翔傘控制方向同平衡,並係湖面 3 個浮島之一降落。係山水望落地面的感覺好自由,雖然唔係真正玩緊滑翔傘,不過飛飛下真係唔想降落。
▲ 由山頂俯衝地面的感覺好自由,令人好想玩多幾次。
雖然呢 3個遊戲同上次 PopCorn 的「天行者」及「深海潛行」都係由淘滿慈同佢的團隊製作,不過無論畫質定趣味都明顯進步。3個遊戲其實都好簡單,不過配合咗現場的吊橋、吉普車同降傘就更有現在感,就算唔係玩緊的都可以感受到。而我特別鍾意「九霄滑翔降浮島 」,不但有風吹更有真實感,而且可以控制降傘降落,唔算刺激,但有挑戰性。小朋友或者初體驗 VR 的玩家可以不妨一試。
Summer Safari虛擬實景大歷險
日期:2016年 7 月 28日至 8 月28日 (中午12 時至 晚上 9時)
地點:德福廣場一期中央展場
查詢:2750 0877
Meta 放棄與 Apple Vision Pro 競爭 轉移重心開發低成本 VR 裝置 安坐家中 Vision Pro 雲端試車 淘寶小米合作推虛擬小米 SU7 試車體驗 FevaWorks 兩大免費遊戲開發工作坊 掌握開發技能建立自家遊戲