外國的 VR 遊戲 就玩得多，香港研發的 VR 遊戲 你又玩過未呢？原來依家去 PopCorn 就有得試玩由 本地遊戲開發的先行者 — 淘滿慈 設計的 VR 遊戲。我依莉詩今日訪問咗佢研發上遇到咩困難添！
20年來由桌上到 VR 遊戲開發
淘滿慈呢個名大家未必聽過，不過佢設計的桌上遊戲《叮噹大富翁》你都有機會玩過。佢由 1993年創立 Gameone ，開始同遊戲結下不解緣，後來創立天朝數碼娛樂，先後推出《星空之門》及《星夢Online》等網絡遊戲。有 20年遊戲開發經驗的淘滿慈並沒有因少少的成功而驕傲，近年積極製作手機遊戲，而最近更轉戰 VR 遊戲。
今日我到 PopCorn 試玩的「天行者」及「深海潛行」VR 遊戲 就係佢同團隊的最新作品。「近年手機遊戲的發展開始穩定，而 VR 遊戲可能是新趨勢，所以就想快一步去研發。」由去年初開始，淘滿慈急不及待投資二十多萬添置電腦硬件及開發軟件上，並安排 8位同事全力負責 VR 遊戲開發。「我地用了 7-8個月左右打好根基，之後大概個幾月完成一個遊戲，目前已完成 4個，聖誕節前會陸陸續續係幾個商場推出。」
研發需要硬件配合
配合 VR 技術的硬件近年愈出愈多，今次推出的「天行者」及「深海潛行」就分別使用了 HTC Vive 及 Samsung Gear VR 作媒介。對於各牌子的分別，淘滿慈表示「其實主要睇你想玩咩遊戲，如果想有周圍移動的感受，暫時會以 HTC 比較優勝，但價錢比較貴，需要的地方亦要大，係屋企未必啱用，而 Oculus Rift 的畫質就比較好，更有真實感。至於最新的 PlayStation VR 只係遊戲展試過，感覺上反應差少少，但都唔會同其他牌子差太遠。」
▲ 大家可以在「深海潛行」中探索澳洲水底的美麗。雖然畫質沒有外國的遊戲高，遊戲時間亦只有分半鐘，遊戲亦沒有太多變化，不過總算是香港 VR 遊戲的第一步吧！
相關文章:
Tim Cook 確認今年中國有 Vision Pro 外媒發現 visionOS 加入廣東話 Sony PSVR2 被指暫停生產 推出一年銷量未如理想 FevaWorks 兩大免費遊戲設計工作坊 免費步入 Unity 2D / 3D / VR 遊戲設計入門
開發 VR 遊戲需要更大 Office 空間
由桌上遊戲到現在的 VR 遊戲開發，淘滿慈坦言因為要以第一身角度睇 360度的環境，無論從圖像處理、遊戲性、操控度、程式編寫、人工智能等等都比以往需要更高的要求。而當中遇到最大的難題是「同時有好幾個遊戲研發，代表我地需要好多個同樣大的地方做測試，但係香港就好難有咁大個 Office。」亦因為這些，本地暫時也沒有其他行家想踏進這個市場，淘滿慈亦謙虛地道「我這麼多年在遊戲開發都肯走最前，希望今次也會成功吧。」
▲ 「天行者」的遊戲雖然簡單，要係 45秒內一邊射汽球一邊行到獨木橋對面，不過玩的時候就需要同樣大的空間先玩到。
《Pokémon GO 》唔係新技術，勝在有共嗚
談到最近《Pokémon GO 》的成功，有豐富遊戲開發經驗的淘滿慈就認為「其實技術層面上唔係新嘢，我地係 03年已經用定位技術整過差唔多的遊戲，不過就唔係用 AR。佢的成功應該係 Pokémon 本身同定位技術、 AR 好夾，又係大家的集體回憶，所以係好完美的結合。」對於他來說，今次《Pokémon GO 》的成功對於淘滿慈都有好的影響，「依家慳番好多時間解釋咩係 AR，調番轉 D 客問有無 AR 的遊戲可以提供。」談到遊戲界的發展，淘滿慈就相信將來會出現更多以 AR 及 VR 作基礎的 MR 遊戲。我們就一於拭目以待吧！
《80步遊世界》虛擬實境遊戲
相關文章:
Tim Cook 確認今年中國有 Vision Pro 外媒發現 visionOS 加入廣東話 Sony PSVR2 被指暫停生產 推出一年銷量未如理想 FevaWorks 兩大免費遊戲設計工作坊 免費步入 Unity 2D / 3D / VR 遊戲設計入門
分享到 :
最新影片
