今時今日影張相都愈來愈講究，靚人仲要有靚景先得先算合格，修圖已經係基本，所以美圖手機 M6 亦都旋風式登陸香港啦！ 銅鑼灣 wtc 出面仲設置咗個「花花攝影棚」 俾大家用 M6 大玩 selfie 同 免費影「韓式證件相」添！有免費嘢玩梗係唔少得我依莉詩啦！
由今日起至 9月18號，銅鑼灣 wtc more 世貿中心對開變身美圖手機 M6 的體驗區。除咗好似平時拎上手襟下部電話之外，入面仲有個充滿花花的攝影棚，俾你用 M6 同姊妹們即場自拍，就可以變身雜誌封面主角。
▲ 艷紅的花花背景係日本雜誌封面經常出現的背景啊！
▲ 除咗花花影棚，另一邊佈置到成張梳裝枱咁，鍾意 Barbie pink 的朋友都可以去影下啊！臉色即時變粉嫩，得咗！(美圖手機相片)
潮流興影韓式證件相，貪佢化妝、set 頭、影相、修圖一條龍。原來用一部美圖手機同一盞環形燈就做到同樣效果，而且仲係排隊免費影添！
▲ 用遙控自拍完可以直接轉成 4張 2″x 3″ 的證件相。
▲ 仲會即時 print 出嚟，完全唔駛等。
▲ 嘩！用呢張相見工，HR 一定以為搵錯人呢！
依莉詩：「影得樣靚就得，油畫唔理」— 美圖秀秀出「美圖手機」 V4s / M6 開箱評測
美圖手機 M6
售價：$3199