今年係 BE@RBRICK 誕生 15週年，本來以為圓碌碌的熊仔會係女仔的摯愛，估唔到最後成為了唔少大男孩熱捧的潮物，就連陳冠希屋企都有過千隻。繼 2007年 BE@RBRICK 同 10個國際名牌合作設計展出 1000% BE@RBRICK 作慈善拍賣之後，十年後的今日， BE@RBRICK 聯同多個國際時裝品牌設計咗 37隻 2000% BE@RBRICK，仲排排企係海港城俾大家集郵添！我依莉詩當然已經出發啦！
37隻 1.4米高 BE@RBRICK 排排企
平時見的 BE@RBRICK 都係 100%、400% 或者 1000%，今次呢 37隻不但係首次公開發售的 2000% BE@RBRICK，更係聯同多個國際時裝品牌設計，包括 Emporio Armani、Agnes b、Thom Browne 和 Vivienne Westwood 等，從今年秋冬季系列或品牌本身的 heritage 取靈感，實在難得。不過要得到佢地並唔容易，因為收益扣除成本後將會撥捐「香港血癌基金」，所以每隻定價 $68,000，就算係忠實 fans 都未必捨得買。幸好佢地依家排排企係晒海港城，要快 D 係被買走之前集郵啦！
▲ 每一隻 2000% BE@RBRICK 都有一間自己的房，影相都唔怕影到路人甲。
▲ 碎花復古花卉圖案係 Tory Burch 2016年秋冬系列的特色，黝黑的背景配以桃紅色作襯托，與鮮綠色、粉紅色和Tory最愛的橙色，形成鮮明的對比。
▲ Vivienne Westwood BE@RBRICK 係氣候改變和自由的戰士，身負Vivienne最重要的環保訊息，亦係服裝系列中的最新圖案。T恤帶著忠於 Planet Earth 的「Gaia – the only one」 訊息，短褲同高跟靴與Westwood 的 UNISEX 和 DIT系列互相呼應。
▲ Agnès.特別運用了品牌的特有元素，包括黑白紅等品牌主色，永恆經典的開襟外套，以及條子、波點、星形等標誌性圖案設計出 Agnès BE@RBRICK，佢的耳仔更印有由 Agnès. 親自繪畫的心形圖案，令整個造型貫徹品牌的搖滾風格，應該價值不非。
▲ 兩排 2000% BE@RBRICK 中間有一個巨型螢幕，巨型不同款式的 BE@RBRICK 會係有面行 cat walk。
15 年限量版一次過睇
熟悉 BE@RBRICK 的都知道 100% 的 BE@RBRICK 都係用抽盒形式取得，所以唔係一定得到自己鍾意的款，甚至某些 crossover 的款式數量極少，價錢可以由數十蚊炒到上幾百蚊。而 400% 同 1,000% 就更加難得，大部份都係限量版，非常珍貴，可謂一 BE@RBRICK 難求。今次香港的 fans 有福了，同完 2000% 的 BE@RBRICK 合照，仲可以去到美術館，一次睇番較早前於日本展出的歷年 BE@RBRICK 重要作品。隻隻都係夢寐以求的款式！
▲ 1000% 的 B@BY BE@RBRICK 絕對係唔少潮人恨不得買番屋企的收藏品。
▲ 旋轉帶上的 1000% BE@RBRICK 每一隻都好似呼喚緊我！
▲ 400% 的 BE@RBRICK 都有超多，你又鍾意邊隻呢？
▲ 400% 的牛奶仔 BE@RBRICK 實物都係第一次見呢！
▲ 與不同品牌 crossover 的 400% BE@RBRICK 各有特式。
▲ 100% 的 BE@RBRICK 都好吸引架！
▲ 呢隻到底係賤熊定 BE@RBRICK 呢？
▲ 簡簡單單的 4個字十分諷刺。
▲ 連初版的 100% 達摩 BE@RBRICK 都有啊！
▲ iron man BE@RBRICK 突然變得好 cute。
「Style Up BE@RBRICK」限量版紀念品
2000% 的 BE@RBRICK 未必人人買得起，唯有轉戰海港城於 9月22日推出的「Style Up BE@RBRICK」限量版紀念品，當中包括展覽特刊、海報、明信片及兩款iPhone手機殼，款款都好潮。可惜就係無特別版 100% BE@RBRICK 賣。
▲ iPhone 6 /iPhone 6 Plus 手機殼 $280 (左邊款式 9月29日開售)，會唔會有潮人為咗個殼唔轉 iPhone 7 呢？
▲ 展覽特刊 ($300) 內含所有是次展覽時裝品牌的簡介及 37隻BE@RBRICK 設計概念與特色，絕對值得收藏！
▲ 明信片的設計概念參考了 100% BE@RBRICK 系列的隱藏元素，每一張明信片內都隱藏了其中一個參與品牌的 BE@RBRICK，只要撕開面層貼紙，便可發現內藏驚喜。(共37款、 $20/張)
依莉詩：「 100% BE@RBRICK 有得睇冇得買」
可以一次過見到咁多唔同 size 的 BE@RBRICK，Fans 們一定好開心。特別係露天廣場的 37隻 2000% BE@RBRICK，就算唔捨得買，同佢地合下照都係好！不過有少少美中不足就係今次展覽得 2000% 有得買，如果有埋 100% 或者 400% 的 限量版 BE@RBRICK 就更好了！
海港城 x BE@RBRICK“Style Up”時尚藝術展
日期：2016年 9月 20日至 10月16日 (10am – 10pm)
地點：海港城海運大廈露天廣場、海港城‧美術館
分享到 :
最新影片
