依莉詩:一秒變長腿 角度很重要 CASIO 「反Mon自拍神器」EX-ZR5000

讚好此文:

九月 21, 2016 • 扮靚科技, 評測

網上不時都有「1秒學懂拍出女神級女友」、「女朋友拍影秘笈」等等的攻略,奈何就係點學點影都影唔到長腿、瘦面的效果,有時未必係相中人的問題,更可能係相機鏡頭唔夠廣角的關係。最近 CASIO 就推出了最新一部「反Mon自拍神器」EX-ZR5000,雖然外觀上同上幾代差唔多,不過就可以包你一秒變長腿。講到咁勁,只有 150的依莉詩就立即搵朋友一齊試機啦!

 

dsc_0510

外型改變不大 薄荷綠夠討好

今次 EX-ZR5000 的外觀同上幾代差唔多,無論前置按鍵、閃光燈、錄影按鍵等的位置幾乎同 ZR3600 完全一樣,甚至機身淨重量同樣係 209g。不過 ZR3600 左方的凸起手握位就變得平坦,雖然睇落順眼咗,但就無咁好揸手。顏色方面,ZR5000 飛走了艷麗的桃紅色及優雅的紫色,轉成甜美糖果色系的粉紅、粉綠 及 文青風格的復古黑、自然白,明顯針對不同喜好的女仔。可惜粉紅及粉綠機身背後的手握位仍然配襯白色,令機背看起來還是有點玩具相機的膠味。

 

dsc06845

▲ 可以 180度上掀的螢幕始終係自拍神器必備設計,能夠隨時影人影景。dsc06829

▲ 反 Mon 系列的自拍神器外型一向都似普通 DC,唔會好似 TR系列咁特別。dsc06832

▲ ZR5000 同樣有白色,但就沒有暗閃,比較自然。

Style: "????80"

▲ 粉紅色機身帶有珍珠亮光,帶有點點淘氣。

Style: "????80"

▲ 薄荷綠係近年大熱的色系,sweet 之餘帶點浪漫,送俾大部份女仔都應該無法抗拒。

dsc06834

▲ 機頂上方的功能轉盤新增了「ART藝術濾鏡功能」及「智能廣角變焦 (Wide View Photo)」,但就取消了「SR多清晰影像變焦」。大部份 ART 藝術濾鏡係 TR系列已經出現過,可以令自拍變得更有 ig感。而「智能廣角變焦」就係同時拍攝「特寫」及「超廣角」影像各一張,並即時合成「變焦動畫」,對於呢個功能,我就覺得用途不大,影風景未必會有一個想放大的主體,自拍就更加唔會想放大自己 D 毛孔。

dsc06840

▲ 機背螢幕右側保留上一代的錄影按鍵、WiFi及設定選單等,位置亦沒有太大變動。
dsc06846

官方估計充電一次可拍攝 430張相片。我今次用咗一日,剩一格電,加上可以用 USB充電,再去旅行都唔擔心無電的問題。

cimg0056

CASIO EX-ZR5000實拍效果

超廣角一秒變長腿

講嚟講去 ZR5000 的外型同上一代無分別,咁點解仲要出新機呢?原來 ZR5000 最大的特點在於鏡頭規格由  ZR3600 的 25mm 升級至 19mm 超廣角鏡頭,而最大光圈從 f/2.8進步至 f/2.7,不但可以拍到更多的背景,令畫面看起來更有張力,就岩角度仲可以一秒變長腿添!此外, ZR5000 內置自動紅外線阻隔功能(IR-cut filter),加上採用 1/1.7吋高速CMOS感應器,即使逆光或者昏暗環境拍攝都唔怕出現模糊或雜訊。不過其遠攝功能就被削弱了,由上一代的 12倍光學變焦降至 5 倍光學變焦,想影紅葉或者櫻花的大特寫就唔夠用了。

 

cimg0095

CASIO EX-ZR5000實拍效果

▲ 只要好好利用鏡頭邊沿位置會被拉長的特性,條腿想幾長就幾長都得。

cimg0160-2

CASIO EX-ZR5000實拍效果

▲ 影風景亦變得更加廣闊壯麗,不過記得橫到的時候人物要集中係晝面中間,唔係就會影出肥手臂啦!雖然係逆光相,不過係無打燈的情況下,主體的輪廓仍然清晰,沒太多雜訊。

cimg0255

▲ ZR5000 削弱了特強的遠攝功能,以 5倍光學變焦、10 倍多影像超高解析度變焦 及 4倍數位變焦代替,想影紅葉或者櫻花的大特寫就唔夠用了。

dsc_0513

粉嫩美肌更勝 TR系列

既然係自拍神器,美肌功能必定不可少。延續 ZR3600 的「粉紅嫩肌」美顏模式,ZR5000 除了可以 12級偏美白或健康古銅色的膚色及 12級平滑肌膚軸外,肌膚看起來更亮白嫩滑,唔再一味死白。比起 TR70 的「粉紅嫩肌」,今次背景唔會染紅,變得更自然呢!

 

dsc06825

▲ 美顏模式其實同上一代分別不大,都係有 12 級美白或古銅膚色及平滑肌膚軸,而我覺得用 3級美白同 6級平滑肌膚,感覺就最自然。

cimg0158

CASIO EX-ZR5000實拍效果

▲ 因為唔會瘦面同大眼,就算將美白同平滑肌膚推到最高,都唔會變蛇精。
cimg0057

▲ 使用模式旋轉盤就可以使用「Selfie Art」功能,提供 5種自拍藝術風格,包括優雅、唯美、仙境、懷舊、艷麗,令相片增加 ig感,等大家可以即拍即上傳照片。

cimg0058

▲ 除咗藝術風格,今次 ZR5000 加入了 TR系列部份的藝術濾鏡,包括玩具相機、黑白效果、水晶球特效等,更容易影出超有 feel 的自拍呢!
dsc06861

自動傳相更快更易用

至於傳相技術方面,EXILIM Auto Transfer」應用程式介面改進了不少,指示不但更清晰,而且只要連過一次就不必再特別開 WiFi 去選擇照片來複製,的確簡單不少。另外,手機遙控相機的功能亦提升了,係手機可以切換拍照錄影、變焦、倒數計時及閃光燈開關,更可以全螢幕拍攝,最重要大大減少了延誤,變得好用了太少。

 

screenshot_20160918-144056

▲ 每次最多可以揀 100張相過落手機,分幾鐘左右就過晒,啱晒心急的我即影即放上 Facebook。

dsc06858▲ CASIO 在遙控相機功能部分做的蠻簡陋,像是拍照錄影切換、變焦、倒數計時及閃光燈開關等。

 

dsc_0506

依莉詩:「完全體驗角度的重要!」

今次的改進其實不多,未必吸引到本身有自拍神器或者普通 DC 的朋友升級。特別係新增的「智能廣角變焦」功能用途不大,影風景未必會有一個想放大的主體,自拍就更加唔會想放大自己 D 毛孔。不過,比起 TR 系列的售價 EX-ZR5000 都算吸引,加上有甜蜜浪漫的薄荷綠色機身,都係一份唔錯的禮物。再就啱角度幫女朋友影超長腿女神照,一定開心死!當然,如果你下下橫到用黃金比例構圖,就神仙都救唔到你了!

 

 

售價: HK$3,480

查詢:捷成消費品 (2926 2300)

• 不想錯過新科技 ? 請 Follow unwire.hk FB 專頁 http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , ,

讚好此文:


Comments are closed.

相關文章:



更多同類文章:

最新文章