每年青衣戲棚都有好多好嘢食，原來西貢都有個廟會，同樣有多款特色小食，鍾意掃銜嘅朋友又點可以唔去呢？
西貢百年廟會終於嚟啦！多個攤位售賣本地創意及傳統特色小食物品，當中更有鰻魚汁蟹子鳥蛋燒、芋圓等台灣夜市小食。另外，有興趣嘅朋友亦可以係戲棚內觀賞到多場粵劇匯演，感受廟會嘅歡樂氣氛。
日期：2016年11月17日 ‑ 22日 (下午1時 ‑ 10時 )
地點：西貢天后廟及協天宮 》香港西貢西貢醫局街23-29號
中式嘅廟會唔啱你？可以到蘭桂坊啤一啤。今次嘉年華將以「Let’s Play」為主題，場內運用了無線智能照明系統，以絢麗色彩照亮蘭桂坊，營造氣氛，讓人耳目一新。新加州大廈的外牆上，更會聳立由超過300個智能燈泡組成的無線智能照明裝置，砌成一組巨型的「L K F 」字樣，閃照蘭桂坊。除了美酒佳餚，活動更融合科技、遊戲、美食及表演嘅互動娛樂體驗，讓大人小朋友都可以在這個蘭桂坊一年一度的盛事「Play」個痛快！
日期：2016年11月19日 (下午1時 ‑ 半夜) 、2016年11月20日 (下午1時 ‑ 10時)
地點：蘭桂坊 》香港中環蘭桂坊
秋高氣爽，想享受大自然的話亦可以到秋日動物農莊市集，係好天氣下，選購不同特色動物手作，參加秋葉畫、小紅楓苔玉工作坊，或到商場草地的動物汽球小農場拍拍照，度過秋日好時光。
日期：2016年11月19日 ‑ 20日 (下午1時 ‑ 8時)
地點：黃金海岸商場 》香港新界青山灣青山公路1號
資料來源：timable