有人話聖誕節係情人節嘅延伸，唔知點解總係會見到街裡愛人一對對，而自己又試注定一人。唔想咁慘獨渡佳節，通常大家都會搵啲朋友一齊出去玩。最近港女各個朋友圈子都話要趁聖誕有多日連假約出嚟敍敍舊，就連幾年無見嘅朋友 groups 都忽然活躍起來。講真，其實咁耐無見，難免都會有少少 odd，話題又唔知夾唔夾。不過，最近港女發現咗個萬試萬靈嘅 ice-breaking 好方法！
就係用 Instagram 出嘅其中一個附屬 APP－Boomerang 喇！
你地可能覺得：唔係啩？港女咁 OUT 㗎？上年嘅 APP 都攞出嚟講。聽我解釋先～
其實有好多人同各位讀者係唔同㗎！有一大部分人係唔會好似各位讀者咁，咁留意潮流科技資訊㗎嘛！嗱，就算大家有留意，都未必真係試晒我地介紹嘅嘢啦，啱唔啱先？今次港女實試咗好幾次，同過好幾個朋友 group 玩，真係 work 先介紹畀你地㗎。
Boomerang 一啲都唔難用，首先下載咗個 APP（今次港女又試咗，無伏！），其實就得㗎喇。
然後你見到佢個介面同普通一個影相 APP 好相似，唔同嘅地方在於佢撳一下之後，就會喺一秒內連拍多張相，然後再以快少少嘅速度不斷 Play & Replay，製作成一條無限 Loop 嘅 4 秒短片。而你要做嘅嘢就係喺一秒內做一個簡單嘅動作，令到短片嘅視覺效果更強烈。
呢個做動作嘅過程就係精華所在！
有別於一般嘅自拍，大家埋位公式化地笑一下就拜拜? 拍攝 Boomerang 超短片之前，大家係要花少少時間諗「做個咩動作好呢？」，而第一次玩嘅朋友，通常都係會失手，所以可以玩多幾次。當影完之前，大家又會好好奇咁捉住你，replay 頭先條超短片，呢個就係互相恥笑嘅時候。如是者，冰就唔覺意破咗，係咪好容易呢？
港女其實都玩咗呢個 APP 一排，介紹幾個簡單易做嘅動作畀大家吖，到你教人玩嘅時候，都有啲 suggestions 喺手吖嘛！
一條 4 秒嘅短片容量就唔大嘅，share 出去亦都好方便，尤其是 Whatsapp 而家仲有得將影片轉埋做 GIF 檔，就真係十分方便。如果大家發掘到啲咩動作易做又好玩，不妨同港女分享下，等我下次用少啲腦 ?
Instagram 全新影片編輯工具 由 AI 驅動明年推出 青少年社交媒體使用趨勢調查 Youtube 位列榜首 近半受訪者長期在線 Instagram 推出 DM 新功能 移動位置共享 + 300 款貼圖更新 + 設定好友暱稱
