為著Bikini做好準備！娜姐誓言操腹肌　消滅肚腩仔

2017-06-28

Published by

娜姐

每逢夏天，沙灘就會有好多火辣比堅尼女神出現，有白雪雪嘅、有古銅色嘅、有長腿嘅、有豐滿嘅，又有細腰嘅，真係可以話係應有盡有?但係如果想睇落去性感得嚟又健康，咁就一於跟我娜姐同健身教練Daniel一齊練番啲腹肌，收番緊啲線條啦！以後即使係沙灘跑，都唔洗再怕啲腩肉會彈下彈下?

第一式：捲腹（Crunch）

好多人以前都會做sit-up嚟減肚腩，但係就容易傷腰，同埋練緊嘅嗰組肌肉其實係比較近髖關節。如果要更集中練腹部核心肌肉，捲腹就會適合啲。不過唔好以為郁動細啲就好輕鬆啊！做啱姿勢，你就會感覺到上腹肌肉谷到實之餘，仲下下都用緊力！

▲做嘅時候記得要用上腹嘅力升起上半身，而下背就唔好離地咁多啦！

▲雙手抱頸嗰陣，記得唔好用力「chok」條頸，好易整親架！

建議：每次三組

一組15-20次

相關影片:

第二式：平板支撐（Plank）

依個動作相信大家都唔會陌生，用手臂同腳尖做支點，身體保持直線，咁就可以同時練到腹嘅核心肌群、腰、背同手臂嘅肌肉，強化深層肌肉～不過，大家喺做嗰陣嘅姿勢又啱唔啱呢？

▲屁股唔好過高或者下沉，因為壓力聚曬係腰都會好易整到架！

▲膝頭都唔好曲起，如果唔係撐幾耐都練唔到你想操嗰組肌肉啊！

建議：撐2分鐘

初學者先撐30秒

然後逐天增加時間

相關文章:

【教學】Change Face With AI 換臉術一鍵即換頭

【評測】FUJIFILM X100VI 香港詳細實試評測使用感受 + 防手震、新菲林模擬實試 + 大量試相

Samsung Galaxy AI 今年春季加入廣東話今年內將新增 13 種語言

第三式：側棒式（Side Plank）

操firm咗上腹同下腹肌肉之後，就係時候開始練埋腹橫肌同斜腹肌，等條人魚線浮上面啦～側身單手撐起個人，保持身體一直線，練成之後，條腰真係會薄咗，一隻手都可以揑得住?

▲平衡力無咁好，可以用手肘代替，兩隻腳掌落地，保持呼吸，屁股都唔好太高或者太沉～（圖中略高咗啲）

建議：撐1分鐘

初學者先撐30秒

然後逐天增加時間

相關影片:

娜姐：感受每一下肌肉用力　小蠻腰好快就練成！

唔係人人做運動嗰陣都會有個教練，或者一大塊鏡係到俾你睇自己嘅姿勢啱唔啱。我娜姐就有一個小貼士俾大家，就係記實唔同嘅workout針對緊邉組肌肉，每一下都留意自己身體用力嘅地方，確保自己唔好唔覺意借咗其他部位嘅力，咁就無咁易嘥咗個workout啦！如果真係用啱曬肌肉的話，又可以堅持到日日做，（過來人經驗）一個月都已經有明顯改善！