很多時 Notebook 標榜有幾輕幾薄，但其實到旅行時，女友投訴要「正常」使用它，必需帶重重的火牛甚至是一堆配件。Samsung 近期就對 Notebook 9 Always 進行了升級， 讓用家可以真正以 995G 單機就輕便上機無負擔。
雖然話去旅行都想暫時放下工作，盡情放鬆一下，但若果自己或另一半仍需處理工作的話，隨行帶備 Notebook 就少不免。不少人都會好似小編，每次要帶Notebook 外出都相當「痛苦」，一來擔心重二來又要用手提電腦袋。Samsung 近期就推出 Notebook 9 Always 升級版，初初看到其實覺得與一部 10″ 平板差不多，以 13.3” 的機身設計就十分細，毋需再用 Notebook 袋，放入手袋或背囊就可出發。另一賣點就是上手又薄又輕，重量只有 995g，感覺上只是略比平板電腦重，就算女朋友放入手袋 Hand Carry 上機都無問題。
相比起 Notebook 本身，充電用的火牛加上電線佔用行李空間之餘更隨時比 Notebook 重，還要額外多帶一個拖板或轉插，大大增加旅行或出 Trip 時的負擔，小編亦曾經試過因為忘記帶火牛而要在當地四處尋找代用火牛。小編喜歡 Notebook 9 Always 的另一個賣點就是充電設計，只要用一條 USB Type-C 線已經可以充電，反正大家外出旅遊，都必定會帶一個 USB Hub 方便手機、平板或其他電子產品充電，基本上只要帶一個 6 Ports 充電座就夠用。當然用 USB 充電速度就會較慢，更擔心耗電速度會比充電速度快，實際試過用這個充電方法，除非 USB Hub 的輸出只有 1A，又或者用來打機，否則邊充邊用還是可以，當平時在家或辦公室就當然利用火牛，因為支援快充減少充電時間。
有時搭長途機加上轉機，隨時都要十多個小時，要「捱」足全程都有點吃力。Notebook 9 Always 雖然重量只有 995g，但電池容量比上代大大增加，續航力長達 20 小時，試過出街用足一日來上網、打稿、執相甚至邊串流聽歌邊工作，都可全日毋需充電，部份 One Day Trip 的話絕對夠。萬一飛機上或外出使用途中遇上電力不足的話，Notebook 9 Always 還可以用一般流動充電器作緊急充電，實測試過電力只餘下 5%，即時用一般流動充電器，手上的流動充電器因為支援快充，60 分鐘已經可以用多約 7 小時。
雖然不少工作其實透過手機或平板電腦都可完成，但始終 Notebook 的最大優點就是熒幕更大又有實體鍵盤。Notebook 9 Always 首先並沒有因為 13.3” 機身而縮細鍵盤，按鍵以至鍵距都與一般鍵盤沒有大分別，打字相當舒服手感又好。另外，不少輕薄 Notebook 在散熱設計上都不是太過足夠，經測試它長時間使用下機身都未算太熱，等上飛機放在大腿上使用依然打得舒服。去旅行要用到 Notebook 都是做簡單工作或最多簡單執相，Notebook 9 Always 的效能就可以滿足這類用途，全因用上 Core i5 處理器與及 SSD，開 Photoshop 執相都相當快，加上機身有齊 USB、Type-C、HDMI 和 microSD 插槽，就算要做 Presentation 都毋需再帶轉接線。
建議售價：$13.3″: $10,480起 / 15″: $10,980起 / 15″ NVIDIA 獨顯版: $12,680起
了解更多：<按此>
