現時無人機的發展已經越來越成熟，雖然具備航拍功能的無人機通常都比較大部，但其實也有不少專供遊玩用的細小無人機。至於無人機生產商 Axis Drones 最近更突破極限，因為他們最近就推出了一部全球最細的四軸無人機 Aerius，其大小竟然就只有一個硬幣那麼大。 （繼續閱讀…）
變身智能單車！SmartHalo 為普通單車加入導航、照明及防盜功能
相信大家去到一個陌生地方踩單車時，或多或少都會用到手機的導航功能，不過若然邊踩邊分心去睇手機，就未免太過危險了。為保障單車友的安全，最近有團隊就決定開發一個 SmartHalo 的裝置，除可以用安全的方式提供導航外，更同時具備照明、定位及防盜等功能。 （繼續閱讀…）
香港人一放假就無目的咁「搵行去旅」 – 專訪 Skyscanner 董事總經理 Steven Pang 和市場部經理 Fang Fang
講到旅行，相信好多港人同小編一樣好精明，識上網蜎窿蜎罅搵最平既機票同酒店；但你又有無諗過，其實有個平台可以集合晒網上既所有優惠資料，幫你格到最好最抵？講緊既就係旅遊搜尋引擎。如果聽過的話，相信對小編以下所做訪問既品牌絕對唔會陌生： Skyscanner 。其實除左港人比較喜愛常用既 Expedia 之外，係全球比較知名既當然就係 Skyscanner 啦。小編就訪問左 Skyscanner 既董事總經理 Steven Pang 和市場部經理 Fang Fang ，講下佢地點睇港人旅遊，同埋 Skyscanner 點樣比同類平台優勝。
英美國家同港人一樣 鍾情日本韓國
講到港人鍾意去邊，小編睇到近幾年韓風大盛，就連電視既旅遊節目都係韓國為主；但原來最受歡迎既仍然係日本，韓國排第二。而呢個趨勢並唔只係香港，就連英國同美國地區既人都係搜索日本為最多。至於 Top 5 港人旅遊熱點分別就係台灣 ﹑ 新加坡以及泰國，而台灣咁岩又係英國地區今個暑假入面最受歡迎既旅遊地點，睇黎大家去旅行都會寧願揀返啲就腳既亞洲地區啵。
港人假期最愛：無頭緒時就「Search Everywhere」
Top 5 既港人旅遊熱點就無懸念無驚喜啦，不過原來港人除左鍾意去呢啲常見既國家城市之外，亦都會用旅遊搜尋引擎搵一啲新地方。其實講緊既就係 Skyscanner 既 Search Everywhere ，原來有唔少港人鍾意用呢項功能，皆因可以發掘下一啲新地方，只要輸入返出發同回程日期以及價錢，係目的地欄留空佢，就會自動幫你搵晒世界各地最平既航空公司以及酒店等。一開始小編都以為港人去旅遊只為 Relax ，所以只揀一啲比較熟悉既地方；但 Fang Fang 同小編講，原來有 7% 港人有用 Skyscanner 的呢項功能，雖然數字上不算多，但 Fang Fang 好開心見到有部份 early-bird 港人非常鍾意呢個功能，並鼓勵大家都 click 入去睇，相信呢個強大功能可以幫到港人搵到心水地方。
唔怕貨比三家 Skyscanner：覆蓋夠廣，費用清晰
Skyscanner 係全球旅遊搜尋引擎上既地位絕對不容置疑，不過黎到香港，可能對某啲港人都係有啲陌生。然而總經理 Steven 卻話唔擔心，因為三個字：「覆蓋率」。作為一家全球性公司， Skyscanner 無論係目的地 ﹑ 航空公司以及酒店等等，覆蓋率都係比同類型平台高，唔怕貨比貨。而且 Steven 仲話，Skyscanner 最好就係「What you see is what you pay」，因為任何需要附加既費用都加好晒為總額比用户，咁就唔需要擔心無啦啦被啲附加費影響左成個旅遊支出。
拆開航班﹑租車﹑酒店三個 App 使用更加清晰直觀
Skyscanner 除左自己網頁之外，亦都有推出 Mobile App ，不過同其他旅遊搜尋引擎既係： Skyscanner 將航班 ﹑ 租車同酒店分開為三個 App 。小編一開始都好奇問：「例如我 9 月 5 號到 9 月 14 號放假，想用手機搵地方旅遊，唔係 group 晒三個一齊睇好啲方便啲咩？」 Steven 就話 Mobile Site 可以做到三樣一齊查晒，而黎緊亦都可能將三個 App 整合埋一齊。不過小編估計，將三個拆開變相 workload 少左，無論係伺服器定係用户數據上；而且介面更加清晰直觀，拆開晒亦未嘗唔係一件好事。
已同 U Travel 成合作伙伴 將搜索引擎放到首頁
作為旅遊搜尋引擎，雖然上返佢自己官網同官方 App 都好夠方便，不過如果能夠係平時去開既網頁都可以搵得到就好啦。而 Skyscanner 明白到呢點，所以就係今年 7 月正式同 Yahoo! JAPAN 以及 MSN Travel Search 合作，用户可以係呢啲網站既搜索引擎上，直接搵到 Skyscanner 既搜尋內容，可以一次過睇晒目的地資料同埋旅遊網頁既資訊。不過呢兩個網站並非香港網頁，港人並不常用，所以 Skyscanner 最近亦都同左 U Travel 合作，係 U Travel 首頁上亦都可以用到 Skyscanner 既搜索引擎，變相就可以令更多人接觸得到旅遊搜索引擎。
慘食檸檬！Burger King 力邀麥當勞合作推出 McWhopper 失敗
除 KFC 之外，其實 Burger King 同樣是麥當勞的主要競爭對手之一。雖然兩者一直以來都在各方面比併，但最近 Burger King 卻似乎有意向麥當勞示好，並誠邀對方合作推出一款 crossover 漢堡「McWhopper」，只可惜其後麥當勞卻冷淡回應表示不感興趣。 （繼續閱讀…）
相關文章:
二手平台麥當勞員工 7 折代訂 McGriddles 網民質疑員工轉售福利合法性
要買排到出年！Ferrari 488 GTB 香港試「坐」分享
講起超跑，法拉利相信無人不識吧！而係今年三月於瑞士日內瓦車展首度亮相的最新超跑 Ferrari 488 GTB，近日就首度抵港！難得有如此機會，Edward 自然第一時間去他們的陳列室，為大家帶來第一手的試「坐」速報啦。
《MGS V: TPP》Metal Gear Solid v 香港 5 小時速玩評測
萬眾期待的《Metal Gear Solid V: The Phantom Pain》在各地都有零聲偷跑了，還有多個上網直播被旋即刪除，很多機迷都急及不待要玩到這款遊戲。艾露貓就有幸在昨日取得，玩了數小時後，以下為大家進行速玩評測：
Handlebook： 返學更好玩！加強家長教師互動
暑假唔聲唔聲就黎完，雖然對於上班族黎講暑假冇咩特別，但對於小朋友及家長黎講，簡直仲忙過返學，又要參加課外活動，仲要返學同補習，聽見都辛苦呀。除左家長同小朋友，對於老師來說都是一大挑戰，因為而家好多「怪獸家長」經常有無理要求。有本地團隊為左促進學生、老師同家長之間的溝通，推出左手機應用程式－Handlebook，個 App 可以同時俾學生、老師同家長三方使用，除左係一本電子版的手冊，同時仲係點名簿、功課簿及賞罰記錄冊等等。
相關文章:
第二屆《城市創科大挑戰》結果出爐 「山人」自有妙計 藉 AI 協助管理營地
官方宣傳圖流出！Sony Xperia Z5 確認配備 2,300 萬像素後置鏡頭
日前 Sony 公開了最新宣傳圖，並表示將會在 9 月 2 日發表一款具備更強對焦功能的新手機，而一般相信它極有可能是 Xperia Z5。雖然官方暫時仍未透露太多細節，不過今日網上就流出了多張疑似 Xperia Z5 的官方宣傳圖，而當中可以看到其後置鏡頭將會相當強勁。 （繼續閱讀…）
相關文章:
【評測】Sony ZV-E10 II 拍片機影相一樣得 毋須調色直出別具風格相片 《星鳴特攻 Concord》製作總監辭職 為遊戲災難級表現負責 傳 PSP 第二代 GPU 性能等同 PS4 可遊玩 PS5 及部份 PS4 遊戲
手感一流！LG 捲曲式 Rolly 無線藍牙鍵盤睇落好似竹簡
有時為了方便在手機或平板上工作，不少人都會順便購入一個無線藍牙鍵盤，而且不少更採用對摺式設計方便攜帶及收藏。不過 LG 最近就決定作出新嘗試，其最新款的 Rolly 鍵盤就採用了全新的捲曲式設計，感覺上就好像是一個竹簡一樣，看起來相當獨特。 （繼續閱讀…）
真人示範 ! 極速 5 秒偷 WhatsApp |10 秒偷你 Facebook
有沒有想過 Login 你的 Facebook / Whatsapp 看盡所有對話及相片是一件簡單不過的事？只要你在 Office 、網吧等等，離開電腦跟朋友聊個天，倒個水，不用 20 秒你的 Whatsapp / Facebook 戶口就會被人偷走，然後那個人可以回家打開電腦登入你的帳戶慢慢開個夠。不相信 ? 真人示範給你看。
相關文章:
【教學】幫 iPhone 清除 IG、FB 無用垃圾 實試釋放手機 16 GB 儲存容量 Meta 將隱藏部分 AI 內容標記 需要開啟選單才能看到 FB 香港 16 萬會員貓店長群組被封鎖 貼殘障貓相片疑被 AI 誤認為暴力仇恨內容
舊版動畫風格！《Transformers: Devastation》角色戰鬥宣傳片公開
雖說近年電影版《變形金剛》相當收得，但始終元祖版動畫才是真正經典，苦等多年早前 Activision 就宣佈將會推出《Transformers: Devastation》這款遊戲，當中正正就是以元祖變形金剛 G1 作為題材，而官方今日更公開了最新宣傳片，感覺上戰鬥似乎相當爽快呢！ （繼續閱讀…）
仿日本便當設計 紮腳布概念波鞋
專門生產五趾運動鞋聞名的意大利品牌 Vibram，最近對外展示了他們的最新設計 Vibram Furoshiki。Furoshiki（風呂敷）是日本傳統用作包裹小物，例如書籍、便當的布。Vibram 的日本設計師受到風呂敷啟發，設計出一款方便穿著的全新運動鞋。
兼具喇叭功能 Sony 推出全新電視遙控
相信不少人都認同 Sony 的電器產品設計多數都十分美觀，不過近日他們發表了一款電視遙控器，設計卻非常奇特，教人有點意外。這款 SRS-LSR100 電視遙控器不但擁有巨型的按鈕，還內置揚聲器，並且有方便拿起的手挽。
相關文章:
【評測】Sony ZV-E10 II 拍片機影相一樣得 毋須調色直出別具風格相片 《星鳴特攻 Concord》製作總監辭職 為遊戲災難級表現負責 傳 PSP 第二代 GPU 性能等同 PS4 可遊玩 PS5 及部份 PS4 遊戲
誤入西班牙蕃茄節 Google 街景車嚴重損毀
Google 的街景製作團隊經常會四圍去，除了一般街道，他們還會上山下海，又會走入博物館美術館，製作不同地方的街景圖。早前 Google Street View Car 就不慎就入了一年一度的西班牙蕃茄節互擲蕃茄的人群中，由於群眾太過興奮，最後令街景車損毀嚴重。
相關文章:
西班牙 15,000 歐羅補貼吸引數碼遊牧 要求至少住兩年名額約 200 人
瘋狂劈價 Amazon Fire Phone 只賣一千蚊
去年 6 月，Amazon 發表了他們首部智能手機 Fire Phone，採用以 Android 為基礎的自家 Fire OS，Amazon Fire Phone 的硬件配置需要不算頂級，只採用 Snapdragon 800 處理器、2GB RAM 和 4.7 吋 720p 螢幕，但就擁有不俗的 13MP 相機和多組鏡頭可以模擬裸眼 3D 效果。
唐言無忌：怒告學校 Wi-Fi 太強，怪獸家長索償過百萬
最近喜歡上 FB Page「90 後教師決戰怪獸家長」，見到一個又一個怪獸家長 Case，真係笑到有腹肌。我並非為人師表，當然笑得出，難為每日仆心仆命作育英才的老師們，在處理繁重教務之餘，還要應付怪獸家長的無理要求。
Apple 正式確認 ! 美國時間 9 月 9 日舉行發佈會 (可問 Siri)
Apple 正式邀請傳媒於美國時間 9 月 9 日 10:oo PST 於 Bill Graham Civic Auditorium 舉行記者會。雖然資料上沒有寫上有甚麼產品會公佈，但外界一致猜測是推出 iPhone 6S 及 iPhone 6S Plus，更傳是首款 iPhone 加入 Force Sensitive Touch 技術，而且拍照質素會有極大的提升! 除了 iPhone 外，更傳新的 iPad 及 Apple TV 會一併公佈，到時請留意我們 unwire 的報導吧 !如果想知道係乜野的，可以問一問 Siri “俾啲提示我” ，佢會答你呀
籮文：「過萬元原來貴在拍片處」Panasonic Lumix GX8 相機初步評測
Panasonic 繼 GX7 後再推出新一代 Lumix G 系列 M43 可換鏡相機 ， LUMIX GX8，雖然售價賣到過萬，但 GX8 係首款超2000萬像素嘅 M43 機，亦都係 Lumix G 系列數碼換鏡相機中第一部用上雙影像防震系統，想知 GX8 係咪真係值依個價，繼續睇落去！
手感更佳用內閃換操控
外型上，GX8 同上一代一樣都係走復古風。有銀色及黑色兩隻色選擇。機身用鎂合金並有防塵防水滴效能。而升級了的 Hand Grip 比上一代更深，就算我籮文隻手咁大都可以輕鬆揸得穩部機。GX8 缺少了 GX7 嘅閃光燈，換黎嘅係機頂旋鈕有重新設計，除咗上一代固有嘅前後旋鈕，仲加多一個曝光補償旋鈕，用家除咗可以用前後旋鈕調教光圈快門，仲可以喺 Fn 制自定不同設定，仲有 Dial Operation Switch 功能，可以切換旋鈕嘅功能，咁就可以跟據自己需要黎定義旋鈕嘅功能啦！
▲ 除咗上一代固有嘅前後旋鈕，仲加多一個曝光補償旋鈕
EVF 大如 35mm 全片副相機
今次 GX8 增設咗一個 3吋嘅多角度觸控式屏幕，相比起 GX7 只能上下翻，GX8 更加方便用家高低角度構圖或者拍片，仲可以俾用家自拍，絕對係一個大進步。原有嘅可90度向上翻揭式電子觀景器有經過改良，今次嘅電子觀景器具有 1.54倍／0.77嘅放大率，相等於35mm格式，主體細節更清楚，用家就更加可以確保對焦準確，方便構圖。
▲ 原有嘅可90度向上翻揭式電子觀景器經改良
▲3吋嘅多角度觸控式屏幕，相比起 GX7 只能上下翻，GX8 高抄低抄拍片更方便，仲可以自拍。
4 ＋ 2 軸防震抗衡對家 5 軸
GX8 係 Lumix G 系列數碼換鏡相機中第一部用上雙影像防震系統 Dual I.S. ，喺上一代嘅 GX7 上，用家可以選擇機身防震或者鏡頭防震，但全新嘅 GX8 Dual I.S. 功能可以同時使用機身嘅四軸防震同鏡頭嘅兩軸防震，4+2軸防震可以發揮全面嘅修正效果，夜晚出去影相都可以拍出清?影像絕對無問題，不過就要搭配兼容嘅鏡頭，部份鏡頭只要升級 Firmware 就支援到。
▲發佈會現場，大會於一個搖擺裝置上放置一部 GX8 及一部某牌子嘅五軸防震相機，筆者從電視 LiveView 可見， GX8 畫面搖擺幅度比另一部五軸防震相機細得多。
打破1,600萬像框框 高畫質升級
M43 機一直未能打破1,600萬像嘅上限，籮文心諗我部 LG G4 都有 1,600萬像啦，今次 GX8 終於突破，用左 2,030萬像素 Digital MOS 影像感應器，感光度升級，動態範圍亦比 GX7 多 1/3 級，光位暗位都可以保持細節，而 Venus Engine 影像處理器亦能夠喺低光環境降低相片嘅雜訊，ISO 可以達至 25600。
4K 影片 + 60fps 4K 連拍超實用
相比起上一代只可以拍 FULL-HD 嘅 GX7 ，GX8 可以拍攝 MP4 格式嘅 4K 影片 （25fps / 24 fps），拍到 4K 片之外，仲有一個4K 相片拍攝模式，用家可以從 30fps 嘅 4K影片中擷取相等於 800 萬像素嘅 4K 相片，而 4K 相片 有3個模式，分別為 4K Burst Shooting ，4K Burst S／S 及 4K Pre-Burst。4K Burst Shooting 就係㩒住快門進行 30fps 高速連拍。4K Burst S/S 係 Stand for Start/Stop，即係㩒一次就開始連拍，㩒多次就停止連拍。最後 Pre-Burst 模式就係會紀錄低你㩒快門嘅前後2秒嘅60張相。嘩 4K Photo 都咁多個 Mode，就岩晒用家拍低精彩嘅一瞬間。
▲只要按下方 4K 連拍按鈕 就可以拍 4K Photo！
夜空下連星星都對焦到
對比上一代 GX7 ，GX8 AF Mode 由23個對焦點增至49個對焦點任你揀。除咗臉部自動對焦，GX8 加入 眼部辦識自動對焦功能，換言之就係對焦落對眼度，對眼 Sharp 啲，影出黎個人都精神啲。而最勁就係 Starlight AF 功能，對焦偵測區域會集中於中間並更細小，用黎影星星嘅時候只要揀選星星所處嘅一格對焦區域，對焦就更準確，連星星都影到！但籮文唔明點解咁辛苦.. MF 無限遠咪得囉 …
▲Starlight AF 功能，對焦偵測區域會集中於中間並更細小，用黎影星星嘅時候只要揀選星星所處嘅一格對焦區域，對焦就更準確，連星星都影到！
特色創意功能 超廣角全景模式
GX8 亦有各種藝術功能，總共有22款濾鏡可供選擇。此外仲有創意全景模式，就好似用開嘅智能手機咁，一掃就拍晒你所處嘅環境。
▲共有22款濾鏡可供選擇
▲創意全景模式，一掃就拍晒你所處嘅環境。
測試相片
▲（ISO200／f 3.6 ／1/160）放大後可見成像十分細緻，沒有油畫化問題
▲（ISO250／f 3.6 ／1/60）隻馬雖然於逆光位，都唔會失去細節，感光度及動態範圍都有好表現
▲（ISO400／f 3.6 ／1/60）放大後，價錢都可以讀得到
籮文：「其實貴係 4 K 及 4 + 2 軸防震拍片度，而不是相片」
GX8 淨機身售價 $10,390 ，過萬蚊係咪貴呢？籮文覺得如果單論影相質素係貴嘅，不過其實我覺得 GX8 強項是在拍 4K 片，為今次加入嘅 Dual I.S. 防震比 GH4 更穩定，而剛剛評測過的五軸防震嘅 Olympus E-M10 Mk II 則偏向影相方面，如果比較著重拍片的話，我籮文會選佢 !
《How to Get Away With Murder》(法網危情) 第二季新海報曝光，殺害 Rebecca 兇手終將揭曉！
距離 How to Get Away With Murder 第二季開播岩岩好就仲有一個月( 9 月 24 日晚上 10 點係 ABC 回歸)，編劇兼製作人 Pete Nowalk 同 Hollywood Reporter 做訪問既時候講到「打破常規」：殺死 Rebecca 兇手，以及 Jack Falahee 飾演既 Connor 同 Conrad Ricamora 飾演既 Oliver 之間既「真誠」故仔。
無金屬機殼！傳 iPhone 6c 外型幾乎與 iPhone 5c 一模一樣
據最近的消息顯示 iPhone 6s 及 iPhone 6s Plus 已經準備得如火如荼，但與此同時大家亦不要忽視 iPhone 6c，因為早前就有消息指富士康已下令員工停止休假全力趕製 iPhone 6c，而且今日更有員工披露該款手機的一些細節，只不過大家聽到之後或可能會感到失望。 （繼續閱讀…）
相關文章:
【教學】iOS 18 八大必用新功能 Face ID 程式鎖 + 超型深色底 App 圖示 【教學】iOS 18 全新防暈車浪功能實試 實測搭巴士睇片唔頭暈 【評測】AirPods 4 最新主動降噪版 降噪效能比 Pro 更強 + 音質超靚重低音強勁
《Heroes：Reborn》唔再講紙廠 Primatech ，另起爐灶新邪惡公司！
Noah Bennett 可能唔再係 Primatech 既忠實員工，但佢係 Reborn 入面將會面對另一個新既邪惡組織。
