(ff mode) 如果可以好似班機師咁就真係型到喊!
不過…娜姐水哥淨係學上升降落都搞左勁耐…
要玩FVP四軸飛行器，真係唔簡單!
新一輪大計展開！Tesla CEO 宣佈最快 2017 年中發表全新電動貨車及電動小巴
在 Tesla 今日公佈今年第二季業績時，不但表示 Model 3 會是他們最重視的產品，而且同時亦披露了一些今後的發展方向。比如在一個答問環節中，有投資者就問到新款電動貨車及電動小巴的具體時間表，而 Tesla CEO Elon Musk 就表示它們最快會於 2017 年中正式發表。 (閱讀全文…)
誓要集齊地區限定小精靈！美國《Pokemon GO》玩家專程來港成功收服「火蔥鴨」
雖然《Pokemon GO》現時收錄了初代 151 種小精靈，但由於有部份官方仍未開放，又有一些是屬於地區限定，因此正常來說最多只可捉到其中 142 種。不過美國最強《Pokemon GO》玩家為了盡量集齊更多小精靈，所以日前就專程來到香港，並且成功入手亞洲區限定的「火蔥鴨」。 (閱讀全文…)
貓奴注意！大批貓咪入侵朗豪坊 依莉詩帶你睇盡 4大影相位
不能是吧？路面測試是做 Show 嗎？強國製「立體快巴」可能只是一場呃錢大騙局？
【unwire TV】啟暴龍驚現旺角站 幾百人漏夜捕捉！
同事經過旺角見幾百人捉啟暴龍…更加有熟悉的面孔
同小編一樣想做番訓練員可睇以下文章﹕
香港 Pokemon Go 高手玩得比人強 ? 秘密 : 懂得活用 4 大工具
http://unwire.hk/2016/08/01/pokemon-go-all-tools-in-one/game-channel/
超過 5,000 萬玩家使用！PokeVision 負責人出聲明望開發商改變主意
http://unwire.hk/2016/08/03/pokevision-creator-response/game-channel/
PokeVision 替代品 Skiplagged 實試用得返！
http://unwire.hk/2016/08/03/skiplagged-work-again/game-channel/
阿拉丁登場！《Once Upon a Time》 第六季故事走向 + 角色安排資料大整合
除了《美國恐怖故事》第六季要回歸外，同樣於 9 月回歸第六季的還有《童話鎮》(Once Upon a Time) ！與 AHS 不一樣的是，《童話鎮》第六季的內容並不算神秘，主要故事情節﹑角色支線都經已透露了不少，小編也就在這裡為大家整理一下吧！
平玩旗艦機功能！Samsung Galaxy C7 評測
之前 Samsung 就已經在香港推出了中階機款 Galaxy C5，而另一部同一系列但熒幕較大的機款 C7 亦在日前抵港。究竟呢部中價位但可以用到唔少旗艦機功能的手機用落又係點？而家就等 Edward 同大家介紹下啦。
5.7 吋熒幕 + 金屬機身 = 手感唔錯
相比之前 C5 的 5.2 吋熒幕，今次 Samsung Galaxy C7 配備了更大的 5.7 吋熒幕，解像度就仍然維持在 1080p，足以滿足想用大熒幕手機用家的需要。至於手感方面，它採用了全金屬機身，而且機背金屬加入了磨砂處理效果，手感認真唔錯，而且即使用來打機都唔會容易發熱，就算大熱天時在街上面捉 Pokemon 都唔驚辣手。另外，它的機身十分薄，只有 6.8mm，重量亦僅 169g，大熒幕手機來講算是又輕又薄，加上機邊採用弧形設計，所以單手都勉強 OK。
▲機背採用全金屬機身，而筆者借得的是粉紅金色機款，都幾適合女士使用。
▲機背金屬殼採用了磨砂物料，手感摸落都幾唔錯。
▲熒幕邊框都算幾幼，加上機身幾薄，所以即使有 5.7 吋熒幕，單手都勉強操控到。
▲Home 鍵同樣具備指紋辨識功能，旁邊亦同樣是兩個輕觸式按鍵：程式切換（左）及返回（右）鍵。
▲音量鍵在機身左側，而開關鍵就在右側。
▲C7 亦支援雙卡雙待功能，不過卡槽是 2+1 設計，即是如果要用雙卡就用不到 microSD 記憶卡擴充儲存空間了。
▲至於內置喇叭、3.5mm 耳機插孔及 Micro USB 插槽統統位於機底。
熒幕少「味精」但可接受
至於熒幕方面，C7 採用了 1080p 解像度的 5.7 吋 Super AMOLED 熒幕，質素上算是不錯，最少清晰度、銳利度及在陽光下瀏覽的效果都相當不錯，睇桌面版網頁時細字唔洗放大都睇到。至於色彩方面，筆者覺得有少許「味精」感，不過色準還算準確，整體望落都算可以接受，作為 3 千零蚊的中階機來講，可以收貨。
▲C7 採用了 5.7 吋 1080p Super AMOLED 熒幕。
▲即使係睇桌面版網頁，都唔洗放大顯示已可睇到細字，可見銳利度算頗高。熒幕色彩方面算是準確，不過都有少少偏冷色取向，但屬可接受程度。
▲熒幕色彩有少許「味精」感，在欣賞影片時就更加睇得出。
▲C7 仍維持了 Super AMOLED 熒幕的優勢：高可視角度效果，從側面睇未見變暗或變色情況。
1,600 萬像素鏡頭質素只屬一般
至於鏡頭方面，Samsung Galaxy C7 採用了 1,600 萬像素鏡頭，亦擁有 F/1.9 大光圈及雙 LED 閃光燈，從規格來睇應是去年 S6 系列的鏡頭級數。理論上效果應該 OK，但實際用落又點？筆者就拿了 C7 周圍影，發覺在日光環境下整體算是不錯的，顏色及氣氛亦能還原現場情況。不過細緻度上就明顯不及去年 S6 鏡頭的水平，只要 100% 放大相片就可看到相片細位油畫化的情況都幾明顯，基本上將細位完全磨掉，所以質素只屬網絡分享水平。唯一慶幸的是相片雜訊抑制做得都算 OK，不過鏡頭質素整體來講都只能評為一般水平。
▲C7 的主鏡頭像素最高為 1,600 萬。
▲前置鏡頭方面最高像素為 800 萬。
▲與其他 Samsung 手機一樣，也是有多種拍攝模式供用家選擇。
▲專業模式中有幾項功能可供用家微調。
▲亦有女士至愛的美肌模式，可以大眼、瘦臉及變白膚色。
▲都有各種特效供用家選用。
▲相片質素方面，日間都算還好，但似乎有偏暗情況，測光準確實只是一般。此外，100% 放大相片已見到在日光環境下細位及暗位已有明顯油畫化的情況。
▲至於在比室外更暗的室內環境下拍攝，油畫化情況就更明顯，幸好雜訊抑制算是做得不錯。
▲100% 放大相片瀏覽時就見得更清楚了。
試相區
旗艦功能下放有得平玩
至於功能及介面方面，Samsung Galaxy C7 其實與旗艦系列的 Galaxy S7 差不多，介面風格完全統一之餘，不少之前旗艦機才有的功能，包括：智能管理器、遊戲啟動器等統統有齊，亦採用了超高音質提升技術，中階機已可欣賞到 24bit / 192KHz 的接近 Hi-Fi 音質的音響效果，用來聽歌都算不錯。它亦支援雙卡雙待功能及最高 LTE Cat-4 4G 網絡，算已可滿足多數用家需要。
▲介面上與旗艦機款 S7 系列差不多。
▲如果有用開 Samsung 手機的用家應該很易上手。
▲主介面翻到最左頁仍然有 Flipboard 的新聞速遞介面。
▲不少旗艦系列的功能在 C7 上都用得到，包括這個智能管理器。
▲亦包括這個遊戲啟動器，唔止可以在打機時停止訊息提示及停用使用及返回鍵以免誤觸及打擾玩遊戲，亦可以錄製遊戲畫面，捉精靈的精彩場景就可以好方便分享俾朋友睇啦。
效能一般中階水平打機無問題
最後就講講效能吧，Samsung Galaxy C7 採用了 Qualcomm Snapdragon 625 八核心處理器、4GB RAM、64GB 內置儲存空間等規格，加上採用 Adreno 506 圖像處理晶片，整體來講都算對得住個售價。至於表現上，一般操控未見有窒的情況，十分流暢；就算打機都未見有問題，筆者用來玩了半日 Pokemon Go，感覺同拿住部旗艦手機玩分別不大，對於預算不多但又想買番部運作流暢又打得機的用家，C7 可以講係無乜伏的。
▲C7 採用了 Qualcomm Snapdragon 625 MSM8953 八核心處理器，亦有 4GB RAM，足夠一般用家使用了。
▲用安兔兔評測測試 C7，獲得 60,449 分，排名大約比小米 4s 及 iPhone 5s 低一點。
總結：無伏！中價機算係抵玩
整體來講，Samsung 今次推出的 Galaxy C7，作為 3 千零蚊一部的大熒幕手機來講，算係無乜伏，重點係用落完全順之餘仲打機無乜問題，加上採用感覺較高貴的金屬機身，機身又唔會熱到辣手，整體觀感、手感及使用感受都幾良好，如果大家預算有限，又不是十分重視相片放大後的質素的話，C7 都不失為一個幾抵玩的選擇。
售價：$3,398（設有金色、粉紅金色及灰色）
查詢：Samsung（3698 4698）
成本低兼容易生產！Miraj NCD 鑽石玻璃面世硬過藍寶石玻璃
還記得上月尾 Corning 才發表了最新款的 Gorilla Glass 5 玻璃，並聲稱其抗碎力比上一代提升 1.8 倍。不過正所謂一山還有一山高，因為最近海外一間半導體廠商就研發出一款全新鑽石玻璃，不但比起 Gorilla Glass 5 及藍寶石玻璃更堅固，而且生產成本亦不算昂貴，將來或可以令手機變得更無堅不摧！ (閱讀全文…)
話你知 Chrome 好食電！Windows 10 會彈出通知呼籲改用 Edge 瀏覽器
自從 IE 瀏覽器近年被 Chrome 及 Firefox 搶去不少佔有率後，相信 Microsoft 應該已經谷落一肚氣。不過在 Windows 10 及 Edge 瀏覽器誕生之後，他們就似乎密謀進行反擊，皆因在 Windows 10 推出年度更新之後，最近就有人發現系統內竟然會彈出提示，並建議大家改用 Edge 瀏覽器將可以更慳電。 (閱讀全文…)
久違多時 三節膠仍在但可換線 Etymotic Research ER4SR & ER4XR 入耳式耳機艾域評測
艾域在接觸入耳式耳機初期，首先認識的品牌就要數到 Shure 及 Westone，亦因此而知道耳機可使用矽膠耳塞外，還有耳棉可以選擇。但當提到 Etymotic Research 這個美國品牌，相信不少耳機愛好者都會立即聯想起「三節膠」。多年以來，Etymotic Research 都是三節式耳膠的主要推動者，旗下產品亦一直隨機附送「三節膠」，在最新推出、經典作 ER4 的新版本 ER4SR 及 ER4XR 兩款產品中亦不例外。
鋁殼超的式機身 SR 講求精準 XR 微調低頻
與以往的 ER4 系列一樣，ER4SR（Studio Reference）及 ER4XR（Extended Response）仍然是採用一組動鐵發聲單元配置，令機身設計亦維持小巧的式，但廠方表明新型號的單元與舊型號並不相同。兩款新型號亦改用經過陽極化拋光的鋁質外殼，較舊型號更為型格而富質感，配合 ACCU 專利調音技術，去提供最忠實還原的聲音。規格上兩者都為 20Hz 至 16kHz 頻率響應範圍，阻抗及靈敏度分別為 45ohms 及 98dB，令它們能夠較舊作 ER4B 及 ER4S 易於驅動。當中 XR 型號就較 SR 作低頻微調，以加強其低頻延伸表現。
MMCX 可換線設計 大小三節膠各附兩對
除採用單元、外殼有所不同外，於美國原廠生產的 ER4SR 及 ER4XR，更改用可換線設計，接頭為定制式 MMCX 插頭，耳機機身及接線底部均設有卡位以避免意外掉落，但亦因此未能選配其他 MMCX 線材。配件方面，兩款耳機均隨機附送大三節耳膠、小三節耳膠及耳棉各兩對，以及收納盒、3.5mm/6.3mm 轉插、濾片及更換棒、線夾，十分齊全。
艾域：「聲音通透平衡，XR 低頻較 SR 飽滿。」
艾域試以 Pioneer XDP-100R 直接驅動 ER4SR 及 ER4XR，需要總音量約 7 成，才可令耳機輸出足夠的音壓及動態，可說是一款對訊源驅動力有一定要求的耳機。先試聽較為靜態的 Keira Knightley《Lost Stars》16bit/44.1kHz ALAC，不論是開首的結他弦線以至 Keira 的聲音，ER4SR 及 ER4XR 都有著平均而通透的表現，中頻富感染力，而高頻亦夠圓滑而不帶刺耳感。
之後再試聽《孤星淚》原聲大碟中《Epilogue》一曲中段的《Do You Hear The People Sing》24bit/48kHz ALAC 檔。該歌曲以淡入方式開始，ER4SR 及 ER4XR 均可呈現出聲音由小變大的效果，整體聲音的密度亦較聆聽《Lost Stars》時高，而歌曲中後段的多人合唱，兩款耳機都可呈現足夠的規模感，但就可發現 ER4XR 的低頻的確較 ER4SR 來得飽滿，可以照顧到不同 Head-Fi 玩家的口味及要求。
售價：$2,999（ER4SR、ER4XR）
查詢：Thinking Group
《Pokemon GO》狂賺 1.6 億美元！遊玩時間仲長過上 Facebook
早前有調查機構宣佈《Pokemon GO》的全球下載量已突破 1 億次，並成為史上最快達成這個紀錄的手機 app。雖然《Pokemon GO》為基本免費下載，但購買付費道具的人卻原來是相當多，因為有最新消息顯示該款遊戲在推出未夠一個月的情況下，其收入原來已超越 1.6 億美元（約 12.4 億港元）。 (閱讀全文…)
集訓玩出禍！日本奧運選手巴西玩《Pokemon GO》被收 50 萬日圓漫遊費
早前有調查顯示目前日本每四人就有一人有玩《Pokemon GO》，除不少知名人士有玩之外，當然就連一些運動員也不例外，比如曾奪得 2012 年倫敦奧運個人全能金牌的內村航平便是其中之一。不過這位正身處於巴西聖保羅集訓的選手，就因為於當地玩《Pokemon GO》的關係，結果就收到超昂貴的漫遊帳單。 (閱讀全文…)
《Pokemon GO》正式登陸拉丁美洲！iOS 版慳電模式即將回歸
自從《Pokemon GO》較早前推出了首個更新之後，不少玩家都怨聲載道，因為官方不但封殺了 PokeVision 這類小精靈位置地圖，而且小精靈亦變得更難捉。除此之外，iOS 用家更對官方刪除慳電模式（Battery Saving）而深感不滿，幸好官方終於都作出回應，並解釋為何會刪除這個模式。
(閱讀全文…)
官方證實「急凍鳥」真係存在！但現時所有非法神獸已被剷走
LG V20 規格首度曝光！螢幕變細解像度縮水
連負責人自己都驚！實試《逃出香港》VR 靈堂密室逃脫
密室逃脫相信大家玩得多，但是加上 VR 的密室逃脫你又試過未？水哥和娜姐兩位非常勇敢的記者是次親身實試以靈堂為主題的密室逃脫，讀者們又怕不怕？
靈堂主題 要解到一半先用 VR 玩
驚嚇類的密室，水哥也不是首次玩，但靈堂主題則是首次。現場佈置陰森，燈光昏暗，有傳統靈堂常見的「奠」字、花牌、紙紮公仔等等，令我們甫進密室之際，已有心驚膽顫之感。有讀者可能問，不是說用 VR 來玩嗎？其實 VR 只是密室逃脫的其中一個環節，朋友需要合作解謎，才能夠去到後段用 VR 解謎。
▲「靈堂」上的佈置逼真，紙紮公仔更令人不寒而慄！
空間只有二百呎 最多六人同時玩
該「靈堂」的空間只有二百呎，最多能同時容納六人，但 VR 只有一個，因此建議找一個比較大膽的朋友負責戴眼罩，或是大家輪流體驗。密室內有各種線索，引導解開 VR 的部分；而 VR 部分又有逃出「靈堂」的重要線索！時間只有 45 分鐘，大家必須把握時間！當然，職員表示會盡量協助玩家到達 VR 部分，所以有甚麼事就按鐘吧！
現已開放公眾預約 12 歲以上先准入
雖然用 VR 來玩密室逃脫非常新穎，但是現時已開放公眾預約，而且還要 12 歲以上才可以玩，這當然是為了確保大家的安全，因為密室裡的驚嚇位置令人不寒而慄，年紀太小則未必適合。
負責人也被女鬼嚇怕 「最難是揣摩驚嚇程度」
在試玩後，我們訪問了逃出香港的執行董事 Rambo Wong 及製作此 VR 遊戲的團隊負責人 Trevor Yan ，Trevor 表示，當初設計這個遊戲時，「最難揣摩的是驚嚇程度。」其團隊多有電影製作經驗，因此做出來非常逼真。「VR 其實是好真實的一樣東西，好像我第一次試隻女鬼時，我自己是很害怕的，再調整到一個程度，要真實得來令人知道這是虛擬的。」Trevor 如是說。Rambo 也異口同聲表示軟件比硬件更難做，因硬件已有太多現成組件，遊戲體驗是靠軟件做得好與否，「要配合主題環境，因為你做的 Size 不對，可能會撞到，又或者體驗不夠，這部份係最難。」
不同客人有不同需求 不擔心會取代傳統密室逃脫
逃出香港銳意將 VR 融入密室逃脫，目的是為了與時並進，並昇華遊戲體驗。但我們卻好奇，傳統密室豈不是會被取代？Rambo 胸有成竹地表示，因為並非全部客人都追求刺激，有一些是真心想挑戰解謎，有些則希望與身邊朋友和環境多交流，因此 VR 可補充傳統密室的不足。
水哥及娜姐嚇到心都離一離
水哥試玩後感：加入 VR 元素氣氛更加驚嚇
以往水哥亦玩過驚嚇類的密室逃脫，但是這個密室逃脫結合了 VR 元素，令本來已經恐佈的氣份昇華至另一層次，因為戴 VR 時整個人彷彿單獨進入了另一個空間，那種孤身面對未知的感覺令心中恐懼放得更大，嚇得水哥幾次把 VR 眼罩除下來。
娜姐試玩後感：好震撼 但 VR 線扯住走動不便
娜姐則未有密室逃脫的經驗，因此一來就挑戰 VR 驚嚇版，令她十分緊張。她認為 VR 內的實境十分逼真，加上聲效十分嚇人，膽小的人別亂挑戰。不過，她認為 VR 線有時會扯住自己，令走動不方便，如更長就更好。
逃出香港：http://freeinghk.com/
旺角：西洋菜南街1A-1K百寶利商業中心4樓
電話：2711 1785
港女科技一週：我信納你個 Emoji 係嘲笑緊我
唔知大家使用 Emoji 嘅習慣係點架呢？可能港女份人比較浮誇啦，港女同朋友傾計嘅時候，經常濫用 ?、?、? 等 Emoji。一係唔打，一打就打一抽，用黎表示我嘅激烈反應，哈哈！但港女有啲朋友打字係完全唔用 Emoji 架，有時我打左一抽 ? 過去，佢覆返我「哈哈」兩個字或者就咁講「好好笑」就算，佢地話已經足夠表達到情感喇喎。Anyway，唔係個個都好似港女咁浮誇架嘛，我都 OK 嘅。
保險佬變身 Startup 創辦人 － 專訪 Spacious COO
大家有否試過收到一個很久沒有聯絡的朋友的電話，突然打來寒喧一番，然後說要約出來見面詳談？正當你想答應之際，按進他的 Facebook，就看到他剛成為保險從業員。然後你晃然大悟：世界上果然沒有不需經營的友情。十多年前，許志光（Benny）大學畢業後投身成為保險從業員，因為職業形象關係，嚐盡被看不起的目光。雖然從事保險曾帶給他過百萬年薪，但他不甘受這種目光，決定要多做「實事」，於 4 年間分別在多地創辦及加入三家 Startup 公司。他最近做網上樓盤平台千居（Spacious），期望為本地房地產大數據分析「升呢」。
新舊手機都用得！Samsung 發表新版本 Gear VR 價格依舊不變
今日凌晨 Samsung 終於正式發表了傳聞已久的新旗艦機 Galaxy Note 7，相信不少人都應該被其虹膜識別功能吸引到吧？不過除此之外，官方其實同時亦發表了一款新配件，因為最新一代的 Gear VR 亦將會同步推出，然而由於今次只是屬於改良版本，所以其名字依舊會稱為 Gear VR。 (閱讀全文…)
讓 iPhone 雙 OS ! 隨時轉 Android / iOS + 雙卡雙待 – 機甲 Mesuit 電池殼開箱評測
今時今日買手機，唔係買 iPhone 就係買 Android 手機，筆者自己就覺得兩個系統各有各好，沒有誰比誰優勝，我有時就會諗：如果有一部手機，兩個系統都有齊就好了。當然 Apple 唔會比你係 iPhone 度裝 Android OS 玩 dual boot，亦唔會開放 iOS 比 Android 用家裝係手機度啦。咁有乜計？最近就有中國公司發明了 Mesuit 機甲這款可以俾 iPhone 玩 iOS + Android 雙系統的配件，究竟正唔正？筆者就同大家介紹下。
咩人啱用先？
在介紹機甲之前，可能大家會問自己：究竟自己啱唔啱用先？畢竟最少都要近成千蚊人仔，買番來唔啱自己用就無謂啦。大家不妨問問自己以下幾點中幾多個？如果中兩個或者中哂，機甲都值得你入手嘅。
- iPhone 用家從未用過 Android 想試下
- iPhone 用家想用雙卡雙待
- 有 APP / Game 一定要在 Android 運作但唔想拿多部機跟身
- 買咗 16GB iPhone 想增加容量又唔想插 USB 手指
機甲開箱一齊睇
其實要買機甲 Mesuit，暫時只可以在他們官網或者京東商城購買，而且售價不算便宜，相信大家就算啱用，都想先睇清楚才決定是否入手吧。現在就讓 Edward 先為大家帶來機甲 Mesuit 的開箱吧。
▲拿到機甲成套就係咁了：一個包裝盒及一個充電火牛盒。
▲先睇充電火牛盒，其實是一個兩腳插頭，並非香港使用的插座，建議大家用回香港的手機充電火牛配合 Micro USB 線為機甲充電好了。
▲好了，而家就為機甲開箱！
▲筆者由於用的是 iPhone 6 Plus，所以入手的是 Plus 版本的機甲，承惠 1,099 元人仔（約 HK$1,286）。
▲打開哂就見到呢堆物品，包括：Micro USB 充電線 x 1、Lightning 轉 Micro USB 轉插、機甲機身及說明書sss。
機甲構造 + 手感全面睇
講完開箱，在未講點裝之前，先等 Edward 同大家分享一下裝上機甲後的 iPhone 的手感吧。眾所周知 iPhone 如果用上 Plus 系列機款的話，本身因為屬於大熒幕手機，所以都已經有少許大部；再套上猶如充電池保護殼的機甲後，由於機甲本身都幾厚（大約是兩部 iPhone 以上的厚度），加上內置都有 CPU、RAM、甚至電池等，根本就是一部沒有熒幕的智能手機，所以都有少許重量。簡單點說：裝上機甲後，會令本身已不輕的 iPhone 6 Plus 重上加重 + 厚上加厚，單手操控基本上大家想也不用想。幸好它的外殼都做得幾好，機背採用了「淰淰地」的塑膠物料，加上邊位有少少微斜向上，在手感上挽回了一點分數。此外，它的開孔位都十分準確，基本上裝上機甲後，都不會影響按下本身 iPhone 的按鍵及使用相機等功能，唯一是如果要替換 iPhone 本身的 SIM 卡，就需要將機甲拆下才可，不過一般如果大家用上保護殼都需要咁做啦，所以問題都唔算太大。整體而言，套上機甲後，大家當作用上一款好像有三防功能（實驗當然沒有！！）的 iPhone 6 Plus 保護殼吧。
▲機甲在設計上就猶如一個擁有充電功能的 iPhone 手機保護殼，機背用上了「淰淰地」的塑膠物料，加上邊位有少少斜向上，物料上都算舒服。
▲至於內籠就採用了絨面設計，避免刮花 iPhone 本身機背，設計都算幾細心。
▲開孔位都算幾準確，基本上都唔會影響使用 iPhone 本身的所有按鍵及相機。
▲唯一缺點是將 iPhone 6 Plus 裝上機甲後，會令機身厚上加厚及重上加重……
教你點安裝 + 啟動 Android
好了，睇完開箱及機身介紹，大家決定買又已入手了，究竟又點安裝呢？而家就教教大家啦。
Step 01
首先要先在 iPhone 上安裝機甲 APP，這款 APP 說穿了就是 Android OS 模擬器，令大家可以在 APP 內使用 Android 系統。不過這款 APP 在 App Store 上是沒有上架的，要安裝的話，先在 App Store 安裝任何一個 QR Code Reader APP，之後用來掃描說明書中的 QR Code，Safari 就會顯示安裝頁面。如果大家用呢個 QR Code 裝唔到，可以用 Safari <開啟此連結> 下載機甲 APP。
Step 02
然後大家要輸入機甲的 IMEI 號碼，大家在包裝盒上就可找到。輸入後點按「提交」。
Step 03
之後會見到「安裝描述檔」頁面，點按右上角「安裝」，再輸入手機密碼，然後再點按多次「安裝」。
Step 04
之後會出現「要在『App Store』裡開啟此網頁嗎？」，點按「開啟」後再點按「安裝」，然後就等待機甲 APP 安裝即可。
Step 05
之後記住開啟 iPhone 的藍牙功能，然後如果想用雙卡雙待的用家，記住放入 SIM 卡在機甲近底部的 SIM 卡槽（需要 Nano SIM），之後再插入隨機附送的 Lightning 轉 Micro USB 轉插。
Step 06
此時 APP 應該都已安裝完成，如完成後就可將 iPhone 插入機甲，之後長按機甲機背的按鍵開啟電源。當見到前方底部的燈亮起，就代表機甲電源已開啟了。
Step 07
之後都會見到一大堆安裝教學，大家可以無視，不過一大堆私隱授權功能，就看大家機甲想用什麼功能而決定是否開啟了。
Step 08
最後進入設定介面後點按「開始」，之後設定好牆紙，就可以正式進入機甲的 UI，開始在 iPhone 上使用 Android 系統了！
機甲介面全面睇
好了，安裝完成！究竟機甲的介面係點？而家就同大家分享一下啦。
▲介面上與原生 Android 幾乎相似。
▲操控上與一般 Nexus 手機幾似，拉下一次見到訊息提示，再向下拉就見到快速按鍵清單。
▲設有繁中介面，唔想睇簡體中文的 wire 民有得揀。
▲機甲 OS 可以透過 OTA 升級，最新版本已可支援 iOS 10，而且都幾順，大家可以放心使用。
▲Android 版本只是 5.1。
▲OS 內的機甲 APP 可以一個版面睇到機甲狀態、機甲 OS 及 iOS 的狀態、甚至可睇到兩個 OS 的相片，亦可以從 iOS 那邊將相片傳輸至機甲儲存。
▲另外機甲 OS 亦可以一個版面睇到新聞，大家可翻至最左頁，或者由上方拉下像窗簾的線，亦可睇到最新新聞。
▲從儲存空間可以見到機甲內置了 16GB 空間。
▲亦有基本的熒幕鎖定方式。
▲最特別是支援無損 BT 模式聽歌，單用來聽歌都幾好喎！
▲裝 APP 上比較特別的，是會自動辨識程式的種類，然後放入適當的文件夾，十分體貼。
▲機甲亦已有不少工具讓大家使用。
支唔支援 4G？上網有幾快？用落順唔順？裝唔裝到 APP？
好了，介紹過機甲的介面，相信大家都記得筆者前文提過機甲是支援雙卡雙待的，網上亦有指它可支援中國移動及中國聯通的 4G 網絡。究竟來到香港又點？係咪真係用到雙卡？又係咪支援到香港 4G？用落又順唔順？又裝唔裝到 APP？而家就同大家講講。
問題一：支唔支援 4G？
▲筆者放入 csl. 的 4G SIM 卡，在設定中見到是可以選擇 4G 的。
▲在主介面頂部顯示網絡的位置，以及快速開啟目錄中，亦見到數據網絡上是寫著 4G 網絡的。
▲以 Speedtest APP 測試網速，下載只有 4.75Mbps，而上載就有 10.55Mbps，似乎唔算太快喎……
▲究竟是否機甲問題呢？筆者就在相同位置及使用相同 SIM 卡，在 iOS 那邊同樣用 Speedtest APP 測速，即時獲得 26.17Mbps 下載速度及 27.81Mbps 上載速度，從此可見機甲雖然可支援 4G，但似乎只是基本 4G 水平。
問題二：支援雙卡雙待？
▲筆者已將 csl. 4G SIM 放入機甲內，並以另一電話致電，可見在機甲 OS 環境下是打得通完全無問題的。
▲咁當使用 iOS 時，如果機甲那邊的號碼有電話入，又接唔接到呢？筆者試過是接到的，當有電話來時熒幕上方會彈出提示及顯示來電號碼，點按提示就會開啟機甲 APP 並轉到接電話介面，此時接電話就可以了。不過要留意的是，估計機甲並不支援 VoLTE，所以接電話後，機甲那邊的網絡會跌至 3G。
▲咁掉轉，如果用緊機甲個邊的 Android OS 時，如果有電話打來 iOS 個邊的電話號碼又接唔接到？又得喎！證明雙卡雙待完全無問題。
問題三：用落順唔順？
用文字好難講，用片來答大家啦！
▲從影片大家見到，雖然機甲只用上 MTK MT6753 處理器、2GB RAM 及 16GB 內置儲存空間，但用落都算幾順，只係間唔時會窒窒地。筆者亦試過裝 Pokemon Go 上去，裝係裝到但就感應唔到 GPS，所以都係玩唔到。
問題四：裝唔裝到 APP
相信呢個係各位 wire 民最關心的問題，畢就有個 Android OS，如果裝唔到 APP，其實同用部智能化版的 Nokia 3310 無乜分別。而家就同大家試試啦。
▲機甲本身都有個應用商城，都已經有唔少 APP 俾大家下載到，其實 Pokemon Go 都有（入面叫做口袋妖怪 Go）。
▲當然，大家可能擔心呢啲中國 APP Store 唔知信唔信得過，所以自然都想裝番個 Google Play Store 啦，其實係入面一打 Google 已經見到一堆。
▲有些只是安裝 Google Play 服務，有些就一鍵安裝所有 Google 服務。
▲不過最終都係無好結果，所有從機甲內的 App Store 安裝關於裝 Google Play Store 的 APP 全面唔 work！
▲所以要裝，就唯有靠手動安裝 APK 的方法了，首先大家要進入機甲設定中的「安全性」，然後開啟「不明的來源」。
▲第一個方法比較簡單，就是直接用機甲內的瀏覽器搜尋並下載 APK，然後進行安裝。不過要留意的是，當下載時機甲系統會問你是否從機甲的 App Store 下載該 APP？此時記住點按「原文件」，之後就會見到從下載連結而來的 apk 檔，點按下載後再按指示安裝就可以了。
▲成功安裝！
▲好了，如果大家想再安全一點：從舊的或朋友的 Android 手機，將該手機從 Play Store 上下載及安裝的 Android APP 移極到機甲上，又可以點做？首先要在原手機上下載 ES 檔案瀏覽器這款 APP <點按此下載>，然後在主頁點按「程式」，就會進入上面的介面，之後長按想移植的 APP 選擇它們，再點按下面「備份」，就可將此程式的 apk 擷取出來了。而要找回備份了的 apk，只要在根目錄中選擇 backups –> apps，就會找到了。
▲問題來了：點將 apk 檔抄去機甲個儲存空間呢？可能大家會諗：駁 USB 線入電腦再抄入去咪得囉。但問題正是在此：筆者是使用 Mac 的，接駁 USB 線後，不會像一般 Android 手機般開啟 Android 檔案傳輸 APP，而只是會充電而已。所以唯有將 APK upload 去 cloud 再在機甲 OS 內以同一 cloud APP download 番個 apk，之後就可安裝了。至於 cloud 的選擇，筆者試過 OneDrive 是最好的，Google Drive 都試過，但因為沒有任何 Google 服務框架，所以是使用不能的。
總結：一用會上癮！可惜 Android 版本太舊……
整體而言，機甲 Mesuit 除了本身較厚較重外，可以講係 iPhone 的補完方案，不但可以用到雙卡雙待，方便需要經常中港兩地跑或者有兩個號碼的用家可以帶少部機，又可以在 iPhone 上面「裝到」Android APP，更可以增加 iPhone 儲存空間及使用時間，真係用落會上癮的！唯一缺點就是內置的 Android 版本太舊只是 Android 5.1，在現時 Android 7 都就來推出之時，筆者覺得確實 old news 了一點。希望官方可以快點最少更新上 Android 6.0 吧，那麼使用起來應該會更好用吧。
售價：999 元人民幣（iPhone 6 / 6s；約 HK$1,169）；1,099 元人民幣（iPhone 6 Plus / 6s Plus；約 HK$1,286）
查詢：機甲 <點按此>
