今個暑假《Minions》擔正做主角，唔知係咪太興奮，由英國行行下，行錯左嚟香港。由聽日開始到 7月31號，一班郁郁貢既 Minions 將會入侵 MOKO 新世紀廣場 同 新城市廣場 每一個角落，同大家大玩捉迷尋！今日小編就率先起行，同大家捕捉多隻可愛既 Minions。

66隻迷你兵團任你影

66隻 Minions 散佈係 MOKO 新世紀廣場 同 新城市廣場 每一個角落，只要用智能手機尋找迷你兵附近的 QR Code 或 NFC TAG ，每日最快搵齊兩個商場內景點既頭 50個就可以繼續挑戰，有機會得到 Minions 神秘禮物。準備好就快 D 出發啦！

▲ 呢個活動唔似其他咁，唔洗下載 App，只要登入 Facebook 就可以開始玩了。

千年尋惡之旅

準備好，我地就先去 新城市廣場展開冒險之旅吧！新城市廣場化身成時光機，將迷你兵團千年既造型一次過展示出嚟。 佢地主要集中係一期三樓拱型玻璃天幕廣場 同 地下羅馬廣場。唔知大家又鍾意佢地邊個造型呢？

▲ 自盤古初開，迷你兵一直以尋找壞蛋首領為終生使命，三隻土著 Minions 就示範左原始時裝既品味，靜待暴龍現身。

▲ 小祭司 Minions積極為法老興建金字塔，可惜就因為反地心吸力既設計令一法老王葬身金字塔。

 

▲ 披上暗黑斗篷、加上尖牙、利爪，Minions 換上邪惡新造型，希望為主人吸血殭屍慶生？

▲ 為了拯救迷你兵團，Minions 來到倫敦化身御林軍，在酷熱天氣下戴上帥氣軍帽站崗，大家不妨拿出香蕉，睇下佢地仲會唔會仍然謹守崗位，不為所動呢？

 

 

反轉倫敦紐約大街小巷

經過幾千年既冒險之旅，阿Bob、Kevin 同 Stuart 嚟到 MOKO新世紀廣場。呢度有 27隻迷你兵分佈係場內不同樓層。以小編觀察，迷你兵主要集中係 MTR 樓層中庭，其次係 L2同 L4 樓層。

 

 

 

▲ 由遠古時代到千年既海盜黃金時期，迷你兵團就一直尋覓新主人。呢個就係佢地生存既唯一目標！

▲ 三隻小兵搵到一個大山洞，係壯闊既古代大西洋中心呼喚 Ba-na-na，可惜慢慢就覺得好悶，準備再次展開尋找壞蛋主人之旅！

▲ 幾經艱辛的旅程，三隻小兵終於嚟到五光十色既大都會。第一時間當然係…搵番條工人褲著啦！

▲ 由紐約街上到香噴噴既爆谷小檔，佢地真係樂而忘返，差 D 唔記得自己千辛萬苦嚟到既目的呢！

▲ 唔打唔撞，佢地終於來到壞蛋博覽會，搵到世界上首個超級女壞蛋「煞天嬌」，原來真正的冒險旅程才正式開始咋！

 

▲ 原來三隻迷你兵識揸電單車既，點解唔一早揸去 ORLANDO 呢？

 

 

 

▲ 阿 Bob 只係做左 8個鐘既國王，但都比我係倫敦街頭電話亭撞到，仲同我合照添！

 

 

Banana 口味任你食

迷你兵團 TicTac 同出奇蛋同香蕉味爆谷係呢幾個月都炒得好高價，但原來都唔洗搵得咁辛苦，係呢兩個商場就搵得到！

 

超巨迷你兵團 TicTac 扭糖機

新城市廣場就有一部 2.3米高超巨型迷你兵團香蕉味 TicTac 扭糖機。只需以電子貨幣消費滿HK$500，就可以參加巨型扭糖遊戲一次，有機會扭出港版 迷你兵團 TicTac 糖啊！(碎碎念：點解入面都係無印迷你兵個樣…)

 

迷你兵團出奇蛋

係 TicTac 扭糖機隔離仲有一盒巨型出奇蛋。只要以電子貨幣消費滿 HK$500，就可以同巨型出奇蛋盒合照。如果將相片上載至個人的社交平台 ，同加上 hashtag，仲可以免費換領迷你兵團出奇蛋一盒！(碎碎念：點解要係新版…點解三隻入面得一隻係迷你兵…)

 

 

「蕉」積的Ba-na-na味爆谷桶

雖然差唔多全港戲院都有 Minions 造型杯同爆谷桶，但就只有 MOKO新世紀廣場 先有香蕉味。只要以電子貨幣消費滿 HK$3,000 (食肆除外)，就可以換領「蕉」積睇戲 Combo，入面除左有 Minions造型杯同爆谷桶外，仲有《迷你兵團》3D 眼鏡一副。