眾所周知《Pokemon》一向都是一款老少咸宜的遊戲，雖然當中牽涉到戰鬥，但大致上角色及小精靈都會「冇穿冇爛」，所以家長都可以放心俾小朋友玩。不過對於大人來說，《Pokemon》的內容又未免過份脫離現實，所以最近有海外玩家就決定自製出一款《Pokemon Apex》，並且將內容全面成人化。 (閱讀全文…)
Google 最新 Allo 堅好用 ! 對決 WhatsApp 及 FB Messenger 大勝 5 回合
昨晚 Google 就在今年的 I/O 發表了最新的通訊軟件 Allo 及 Duo，當中 Allo 更加有不少人覺得會令 Google 稱霸通訊軟件市場。究竟 Allo 係咪真係咁堅揪？Edward 就拿來最多港人使用的 WhatsApp 同埋 Facebook Messenger 同佢比一比，睇下 Allo 係咪真係可以「遲來先上岸」？
第一回合：對話功能 – Allo 勝
通訊軟件自然重點放在「溝通」上啦，而溝通上文字肯定是最重要的元素。3 款通訊軟件之中，當然都可讓各位 unwire.hk 讀者以文字與親友溝通啦，但 Allo 就可以按住 Send 鍵不放再向上或向下拉，將文字「變大」或「縮細」，以表達出「大聲講」定係「細聲笑」，更像與朋友講電話般溝通。至於 WhatsApp 及 Facebook Messenger，文字上就沒有這項「放大」、「縮細」功能，相比 Allo 來說自然比較失色。所以在第一回合：Allo win！
▲WhatsApp 只能自行輸入文字回答對方，亦不能放大、縮細文字。
▲至於 Facebook Messenger 亦與 WhatsApp 一樣，只能輸入一般文字亦不能放大縮細。
▲至於 Allo，就只要按住 Send 鍵不放，之後再向上或下拉動，就可以放大或縮細文字，之後放心就會傳送出來，用來模擬「大聲講」或「細聲講」，幾得意。
第二回合：智能對答 – Allo 勝
有時與不太熟的朋友傾計，又或者真的很忙時，都希望軟件可以提供一些「罐頭答覆」。今次的 3 款比拼軟件，基本上 WhatsApp 及 Facebook Messenger 均未有提供此項功能，而 Allo 由於可配合 Google Assistant 一起使用，因此不但可以因應對方回覆的文字甚至圖片提供你可以考慮回應的答案，甚至可以直接在對話中做到類似 Siri 的功能，包括：訂檯食飯、買飛睇戲、甚至查詢喜歡球隊的比數、天氣等，感覺就像將 Siri 內建於通訊軟件中一樣，超級方便。所以在第二回合：智能對答上，Allo 再次 win！
▲Allo 配合 Google Assistant，就可以做到智能對答功能，當對方發出問題時，會有幾個「罐頭答案」讓大家選擇。
▲就連相片內的物件都能辨識得到，之後再提供合適的「罐頭答案」。
▲另外在對答內，Google Assistant 亦能發揮功用，例如：當你輸入想食什麼食物，它就會自動感應並問你是否要找附近的相關餐廳，如點按該選擇就會找到幾個選擇讓你與朋友看到，十分智能。
▲相反 WhatsApp 及 Facebook Messenger 就要你自行加入回應。
第三回合：即時玩相 – FB + Allo 勝
除了文字，其實今時今日很多人都會玩相與朋友溝通，都會透過玩相做到 have fun 效果。今次受測的 3 款通訊軟件，玩相方面肯定是 WhatsApp 最為失色，因為它的相片分享功能只是單純的「send and share」，而加入相片後，最多可以做到的，只是簡單的執相功能，例如：旋轉及裁剪，如果真的要玩相，就要另用 APP 先做到之後再分享。反而 Allo 及 Facebook Messenger，就可讓大家加入相片後，直接在傳送前進行編輯，例如：畫上文字或圖案，之後再傳送給朋友分享，玩相方便之餘又夠即時，所以在這個回合，Allo 及 Facebook Messenger 都是贏家。
▲Allo 可讓大家在相片中畫上文字或圖案後才送出，方便玩相。
▲Facebook Messenger 亦能做到類似功能。
▲唯獨 WhatsApp 是做不到，只提供基本的旋轉或裁剪功能，要玩相就要事先用第三方軟件做好才在 WhatsApp 與朋友分享。
第四回合：emoji / 貼圖 – FB 勝
除了文字及相片，另一個比較多人會用來表達情感的，相信就是 emoji 或貼圖。在今次 3 款受測的通訊軟件中，WhatsApp 在 emoji / 貼圖上肯定是最弱，因為它跟本沒有內建它們讓大家使用，大家可以用到的只是手機本身內建的 emoji 圖案，但對方的手機如果沒有這個圖案，就可能會看不到，例如：筆者以 iPhone 向朋友 WhatsApp 傳送 emoji，對方如果用 Android 手機，就可能見不到部分圖案；而且就算對方看到 emoji，圖案也與文字一樣大，可以玩到的東西不多。至於 Facebook Messenger，雖然都沒有內建 emoji（但仍然可以用手機內建的 emoji 與朋友溝通），但它就有大量免費貼圖，而且不少更是動態貼圖，甚至傳送 GIF 圖都得，只要雙方均是使用 Facebook Messenger 溝通，就大家都會見到。至於 Allo，同樣沒有貼圖，emoji 也是隨手機內建的 emoji 表情，沒有內建於 Allo 內；不過相比 WhatsApp，它的 emoji 就可以隨文字放大縮細，以形象化表達出「大聲」、「細聲」的情感，雖然它在這一回合依然比 Facebook Messenger 遜色，但已比 WhatsApp 好一點點。所以在這回合，Facebook Messenger 表現明顯較優勝。
▲Allo 本身可用手機內建的 emoji 與朋友溝通。
▲另外 Allo 的 emoji 亦可以與文字一樣放大縮細，放大後感覺與貼圖無異。
▲至於 WhatsApp，雖然 emoji 選擇很多，但它只是手機內建的款式，並非軟件內置。
▲至於 Facebook Messenger，同樣可以傳送 emoji，亦可以向朋友傳送貼圖甚至 GIF 圖，這部分是 3 款軟件中最好的！
第五回合：保安功能
相信與朋友對答，先不論是否偷情或者進行不道德的對話，但畢竟大部分人也不喜歡別人有意或無意見到自己與朋友的對話吧？所以最後一個回合，筆者就比較一下 3 個通訊軟件在保安功能上究竟表現如何。先講 WhatsApp，基本上它也擁有端對端的加密功能，基本上第三方軟件或 WhatsApp 伺服器本身都沒有儲存你的訊息、錄音、相片等，但問題是如果你手機內的 WhatsApp 被別人打開，這些對話仍然會被人看到；至於 Facebook Messenger，就更加是「無掩雞籠」，沒有端對端加密只有傳輸加密，雖然第三方很難知道你的聊天內容，但理論上 FB 伺服器擁有解密 KEY，你的對話可以全部被 SERVER 收錄，有機會用作廣告 Targeting 資料分析或有需要時交予執法部門。
而 Allo 方面，它就內建了「Incognito Mode」，亦即是類似 Chrome 的無痕模式，你與他人的對答，只要過了預先設定的「限時」後就不會留底，加上與 WhatsApp 一樣設有點對點加密功能，在此模式下當大家收到訊息時亦不會彈出通知，相比之下保安功能算是最嚴密。所以在此回合中，Allo 肯定是最安全的，順利勝出！跟 Telegram 同級
▲保安功能最低的應該是 Facebook Messenger，基本上不像有任何加密功能，就似無掩雞籠一樣。
▲至於 WhatsApp，雖然支援端對端加密，但如果別人能開啟你的手機並進入 WhatsApp，依然可能看到你與其他人的對話。
▲而 Allo 就設有 Incognito 模式，不但支援端對端加密及在此模式下的對話不會在訊息提示中彈出，亦可設定對話在指定限時後就不會留底，就算別人能打開你的手機及進入 Allo 偷窺，亦看不到你與朋友在此模式下的對話，私隱度超高。
總結：Allo 令人期待！
總括而言，Allo 可以說是現今最強的通訊軟件（好似係），無論在功能、玩味、保安上，均比港人常用的 WhatsApp 或者 Facebook Messenger 優勝，加上它最強之處，就是可以與 Google Assistant 配合使用，不但能提供更智能的「罐頭答案」，就連訂檯買飛都得，甚至悶悶地亦可以像 iPhone 用家與 Siri 傾計般，直接在 Allo 中與 Google Assistant 聊天。它更擁有 Google 一向最擅長的數據分析能力，會因應用家輸入哪些字較多，在智能「罐頭答案」中顯示出這些對答，令使用上更人性及個人化，這才是 Allo 最恐怖的地方！
當然，Allo 現時仍未推出，是否真的如此好用，真的要等它推出了才知道，但據 Google 表示，Allo 預計會在今年夏天推出，現在已是五月下旬，換言之已經十分接近了。如果大家想 Allo 一推出時好好體驗，不妨進入 Play Store 預約登記，當一推出時就可以立即下載試用了！當然啦，這是 Android 限定，iOS 用家就可能要等到正式推出後才直接下載了。
OnePlus 3 渲染圖流出！改用金屬機身疑似加入 NFC 及 USB-C
Gadget 人勁愛 Montmartre 防盜背包評測
而家真係乜都要多功能架，繼上次件多功能風褸之後，又有個經眾籌而成嘅集資項目又面世喇。呢個背囊，名為都係「蒙馬特城市安全防盜背包」 Montmartre 防盜背包 ，個名都長過人，但係我哋又好想知道到底有咩特別，所以一於為各位 unwire.hk 讀者借返嚟玩下。
Montmartre 防盜背包KickStarter 集資 £212,635
無論日常生活或是旅行都越來越多 Gadget 隨身，Notebook、耳機、相機、外置電池就免不了。不過在去到治安差的地方，很多趴手會開你背囊偷東西，甚至割爛它直接拿取。可能因為這個原因， 荷蘭的 XD Design 設計了一款方便整齊放置 Gadget 同又具防盜功能的背包
暗藏式拉鏈難偷嘢
呢個防盜背囊，最特別就係將個拉鏈收埋去背部位置，喺正面幾乎係完全搵唔到有一個拉鏈，因此佢嘅設計就係防止啲扒手偷偷地開咗拉鏈嚟攞你啲嘢。之但係唔好睇小啲扒手，其實佢地都會用刀仔去割開一啲袋，從而偷到嘢，咁樣一來，任你收得幾密實都無用。
背部可防割兼防水
佢第二個功能就係防割嘅功能。背囊正面嘅物料係用上一種防割嘅材質，令到扒手就算真係要割，都需要好大力好大動作，咁就令佢難以落手喇。至於背面，因為你自己揹住嘅，所以就無用上防割嘅材質。
佢仲話係防水架，黑色嘅膠面就係完全防水嘅，而灰色部份嘅布料就係跣水嘅，問返代理，佢哋話呢個袋都頂到黑雨……一陣嘅，太大雨嘅話佢都係會慢慢滲入去，所以都係唔建議大家雨天拎去淋。
仲有就係，個袋係唔可以洗架，因為佢入面收埋咗一條 USB 線，同埋有個 USB 接位，一洗就係咁先架喇！
間隔多 USB 尿袋專用位 + 八達通位
睇落佢好似好唔方便咁，下下要拎嘢都要打開個後袋咁咪仲易俾人有機可乘？其實佢已經幾個暗格位，方便你收埋啲常用嘅物件，例如八達通卡、信用卡、銀包同手機咁，咁就方便日常通勤嘅嘢喇。
至於背囊嘅內部，就分成咗一格格唔同嘅嘢，方便你將你嘅 Notebook、平板電腦、筆記簿等等工作上需要嘅嘢放置整齊，係拎出嚟用嘅時候又的確係幾方便嘅。而佢內部亦特設一個專為「尿袋」而設嘅充電線頭，只要將「尿袋」連接上充電線，再將你條充電線連接上佢喺背囊外面嘅 USB 接口，你就可以唔使拎住個尿袋都可以一路充電一路用電話喇。不過，筆者琴日就試過，有啲充電器要先開咗至可以通電，因此唔係款款都可以做到咁「瀟灑」一插即充，呢個位真係敗筆。
▲ 佢貼心地整咗個 USB 接口，裡面有線接駁個充電器，方便啲人個尿袋放係袋就唔使拎出嚟都可以叉電，不過佢無諗到加多個掣，有啲尿袋要開咗先叉到電嘅…
背囊可以受壓防跌
呢個袋係介紹嘅時候就講到佢耐壓同埋襟撞嘅，咁唔知道佢跌落地嘅時候，會唔會震壞我啲電子產品呢，你知啦，又 iPad 又電腦咁，一跌壞咗，咁就麻煩喇。我哋亦都實際試過，由一個人咁上下高 (小弟有 1 米 7 高) 跌落地下，入面嘅嘢都係無事嘅。不過再高啲又唔知得唔得呢。
女同事異口同聲覺得唔啱女仔
阿 Gi ：我襯唔起佢
筆者首先問阿 Gi，佢話：「下唔好啦。」個袋嘅外型太似毒男男裝，佢襯唔起呢個袋。
依莉詩：十足十個龜背咁
筆者問咗依莉詩，佢話要揹住個龜背出街，不如留返俾我揹算喎。
水哥：「功能齊全又唔算貴，但外型比較男性向」
我就覺得個袋其實功能上真係好夠嘅，就算撇除佢個防割嘅設計，佢嘅設計都好方便各個經常要揹住各種電子產品周圍走嘅人。加埋部份防水功能，都算得上叫做全天候嘅，不過單睇外型，就算係男仔揹我都覺得有啲毒……我諗如果佢外型靚返啲，或者會多啲貪靚嘅人買，你知啦，而家追求嘅又要靚又要多功能架嘛！提提大家，個袋無保養架，所以，小心啲用！
蒙馬特城市防盜安全背包
購買：
https://goo.gl/H7hjc6
[shopify embed_type=”product” shop=”unwirehk.myshopify.com” product_handle=”montmartre” show=”all”]
相關影片 : (請耐心等候 Loading..)
《俄羅斯方塊》真人電影決定開拍 – 會有三部曲！
遊戲改編成的真人電影相信大家應該都睇過不少，而且當中絕大多數主題都是來自動作或 RPG 遊戲，由於本身已經有一定角色，所以編寫劇本上應該不會有太大問題。不過最近有一個消息卻令人頗為意外，因為據知一間中美電影公司亦決定開拍一套遊戲改編真人電影，但所揀選的作品卻竟然是《俄羅斯方塊》！ (閱讀全文…)
白貓角色打網球，Colopl 新 Game《白貓 Tennis》公佈
《白貓 Project》越做越紅，成功的原因除了運營有良心之外，不斷有吸引的新元素加入也很重要。繼 13 星難度及新職業變身士之後，白貓今日又公佈了獨立出來的新作品《白貓 Tennis》，一款以白貓角色遊玩的網球遊戲。
可於 PC 上玩《Mario Kart 8》畫面達 60fps ! Cemu Wii U 模擬器正式登場
雖然任天堂 Wii U 的確有不少優秀作品，但由於欠缺第三方遊戲廠商的支持，所以在有的選擇的情況下，它通常都不會成為玩家的首選。不過如果大家未買 Wii U，而又想玩玩該主機的遊戲，其實亦並非沒有辦法，因為最近有海外玩家就成功製作出一款 Cemu Wii U 模擬器，暫時已可以在 PC 上玩到《Mario Kart 8》這款遊戲。 (閱讀全文…)
Tesla 再發新股集資 14 億美元！期望提高 Model 3 產量及生產速度
Tesla Model 3 毫無疑問絕對是近期最具話題性的電動車，雖然其價格的確相當吸引，但可惜首批最快要等到 2017 年尾才能出貨。幸好 Tesla 現時已經想出了一個解決方法，因為他們今日宣佈將會透過再次發行股票集資 14 億美元，而有關資金將會用於提高 Model 3 產量及生產速度。 (閱讀全文…)
真。向後兼容！Xbox One 運行 Windows 95 兼玩到《Duke Nukem 3D》
Microsoft 的 Windows 95 系統已經推出超過 20 年，雖然目前應該已甚少人使用，但留意間中亦會看到其身影，比如之前就有人將之搬到 Apple Watch 及 Gear Live 並成功運行，以展示目前的智能裝置到底有幾強。至於日前又進行了類似的示範，不過今次成功運行 Windows 95 的裝置，則變成了一部 Xbox One。 (閱讀全文…)
仲玩「芭蕉扇」? 降 8 度日本 J-Cube 「電冰蛋」 + 暖手器 II 代 (加震)
夏天又嚟到，芭蕉扇又係出動的時候。不過今次唔係講芭蕉扇，要係呢隻超強替代品 — 「冰火蛋」 ！睇開 unwire 的讀者可能都記得，上年我依莉詩已經介紹過一次。咁做咩又嚟呃稿費？知未係第二代加咗震動功能囉！
uBeam 兩大工程師加盟 Apple！新 iPhone 或加入隔空「真‧無線充電」功能
自從 Apple 兩年前推出了螢幕尺寸更大的 iPhone 6 及 iPhone 6 Plus 之後，其後的 iPhone 都未能帶來太大驚喜，而這亦可能是促成 iPhone 銷售下滑的主因。為了改善業績，Apple 勢必要在新 iPhone 上作出改變，比如年初就有消息指 iPhone 或將會加入無線充電功能，而從他們最近所聘請的專材，看來該項新功能的加入應該是勢在必行。 (閱讀全文…)
HMD 取得品牌授權！全新 Nokia 手機及平板快將重出江湖
自從被 Microsoft 收購之後，相信大家應該對 Nokia 這個品牌依然念念不忘，不過市場上應該很快就再會有 Nokia 的產品推出。因為繼 Microsoft 剛剛將功能手機業務轉售予鴻海之後，Nokia 亦宣佈會將其品牌及技術授權予 HMD global，即意味著今後後者將可以 Nokia 的名義推出各款 Android 智能手機及平板電腦。 (閱讀全文…)
業界恐港人私隱有危機 阿里雲成為香港政府公共雲端服務供應商
相信不少人都應該知道阿里巴巴旗下有阿里雲這種服務，而且最近他們更與香港政府扯上關係。因為阿里雲日前宣佈已經成為香港政府公共雲端服務供應商之一，即表示今後港府在採購公共服務時，可以直接採購阿里雲的產品及服務，自此阿里雲亦成為了國內首個為港府提供雲端服務的廠商。 (閱讀全文…)
專為長者而設 Omate S3 智能手錶
人口老化是全球各國都要面對的問題，不過亦同時製造了銀髮市場的商機。生產穿戴式裝置的 Omate 就睇準了長者的需要，推出一款銀髮族而設的 Omate S3 智能手錶。手錶的規格和市面上的智能手錶或 GPS Tracker 相似，但 Omate 就特別針對長者需要作出修改。
10 億像素 Google Art Camera 掃描記錄藝術作品
谷歌文化研究所在過去 5 年在全球各地的美術館，將 200 幅藝術作品以 Gigapixel 超高清方式掃描和記錄存檔。不過在過去數月，掃描的數量卻突然飆升了 1,000 幅。數目突飛猛進的原因，是 Google 研發了一款專為掃描藝術品而設的 Art Camera 高清相機。
30款美味點心！依莉詩帶你試$198 懷舊點心放題
依家新派點心愈來愈多，唔知仲記唔記得，以前細個同屋企人去飲茶成日食菲林型芝麻卷、雞球大包、蛋煎糯米雞呢？得知會展金紫荊粵菜廳即將推出「那些年」即製粵式點心放題，主打懷舊點心，我依莉詩就急不及待去試食啦！
塵埃落定！微軟將功能手機業務售予鴻海
Microsoft 昨日宣佈將功能手機部門以 3.5 億美元轉讓予 Foxconn。Microsoft 表示 Windows 10 Mobile 和 Lumia 系列智能手機將會延續下去，今次交易涉及的只包括和 Nokia 品牌功能手機有關的資產，例如品牌商標、軟件和服務、售後網絡，還有其他包括顧客合約和重要供應協議等。
中國移動香港5.20再推3天週末狂賞：買手機送超市禮券，服務計劃低至75折
「一機在手，世界伴我走」已經是常識，但前題是智能裝置需要成功連接到網絡才有效，所以夠大的數據量更顯重要。中國移動香港為答謝客戶多年來的支持，網上商店即將於5月20日推出限時3天的搶購活動「週末狂賞5.20」，包括4G服務計劃、儲值卡和特選智能手機都有折扣優惠，最高可達45折！
重點優惠1：4G服務計劃月費優惠低至75折
新客戶凡於5月20日至22日內，選用可於中、港、台、澳四地使用當地4G網絡上網的「飛常大中華4G服務計劃」、4G Pro本地月費計劃、可與家庭成員共享的4G Pro「一家FUN享」服務計劃或流動數據服務計劃，並簽24個月合約，就可獲享月費優惠低至75折。
重點優惠2：精選儲值卡只需$52
除4G服務計劃外，以下的漫遊數據卡均以優惠價$52限量發售，正計劃出門的讀者切勿錯過。
重點優惠3：買手機送超市禮券
優惠期內，購買任何零售價$3000或以上的手機都可獲得$150超市禮券和電腦三用USB 8GB一隻。如果買機上台，更會額外獲得「小米充電器」一部。同時 LeEco Le 1s 及多件精選配件更會以優惠價限量發售！
重點優惠4：緊貼韓流，用「UTV韓風精選組合」即送$500超市禮劵
中國移動香港的「UTV韓風精選組合」提供 KMTV 和 Channel M 兩個收費頻道，和每月2GB數據用量。優惠期內以月費$38訂閱「UTV韓風精選組合」24個月，即送$500超市禮劵，變相月費只需平均約$17。
仲有其他更多精選優惠，詳情：點按此
*所有優惠先到先得，售完即止。
全球限量 300 隻！人手打造 Casio MR-G 索價近 5 萬
Casio 的 G-SHOCK 系列手錶是不少男生女生喜愛的手錶，價格由幾百的 Baby-G 至幾千元都有。早前 Casio 發表了高階的 MR-G 系列，售價就和傳統瑞士名錶品牌隨時有得揮。以慶祝 G-SHOCK 20 週年特別生產的限量版 Hammer Tone MR-G 為例，售價就高達 6,200 美元（約 48,143 港元）。
曾經我每晚的節目都是 Starcraft 2，現在卻無人問津
Starcraft 2 在 2010 年推出，比 LoL 還要新一個年頭。遊戲推出時已經知道會分成人族、蟲族及神族 3 個部曲，而在上年尾最後一篇 Legacy of the Void 虛空之遺也就正式完結。原本暴雪可能預想遊戲可以像電影魔戒三部曲那樣，年年累積人氣並完美結束，但奈何事與願違，最後虛空之遺的推出也沒為作品提升回人氣，開發及調整多年的認真作品無人理，實在好可惜。以下分享一下個人感受：
港女科技一週：我地熱烈問候您
香港呢幾日被一男子搞亂成個城市嘅運作，揸車嘅被逼兜路，返工嘅被逼遲到。本來大家都已經躁底，但因為呢個人黎到又亂講野又耍官威，搞到民怨更加沸騰，就連平時不多香港人用嘅 Twitter，都突然出現一個本地味道非常濃厚嘅「問候 Hashtag」。
